نزحنا

THE END

#الجزءالرابع والاخير
#نزحنا
قصه رعب😱😱
قلت لامي كلميهم يجو يرقدو امعانا ونلتمو هنا وخلي هالليله تكمل علي خير عدت امي شور المربوعه مالقتش خويا في افراشه ولعت الضي وتمت اتنادي فيهايافلان يافلان ناض راجلي كنك ياعمتي قالتله هذا وين راح بكرعه المجبسه قاللها بلكي في الحمام عدت امي للحمام وادق يافلان يافلان محد يرد جاء راجلي يجري ويدق رد ياراجل كنك تفجع فينا رد راه نعتل الباب قالتلها امي اعتل اعتل هذا مش بلاش قاللها وخري اعتلو الباب لقو الحمام طافي وهوا راقد في بانيو التسبيح وساحب الستاره عليه ولعنا الضي وجينا انكرو فيه ماباش ينوض كبينا علي وجه اميه ناض بس ينلعي وجه شاحب وشين ويطقطق في اسنونه من الصقه وهوا صيف مافيش صقع تمينا انكرو فيه راجلي يكر شور المربوعه ونحنا انقولوله لالا في الدار قتلهم من الاول قتلكم خليكم في دار وحده ورقدناه ويرعش يرتعد علي ابعضه امي قالت لالا هالخبر واجد هكي كان هذا ولعو تو وخلينا نطلعو والدبش اساع اتردو عليه بكره وتمينا هذك الليله كلها امقعمزين تلا خويا وياما سمعنا وياما تخايلنالكن متونسين ببعضنا نين طلع الضي وبدا الضي يضوي اشوي بشوي مابيت انتحرك نين بدت الشمس تطلع صبينا وصلينا وبديت نبي اندير الفطور قالي راجلي اشوي انعدي انجيب خبزه نزل بعد فتح الباب ونلقو هذك البكوات قدام الشقه الي امقابلاتنا قتله هذا شنو قالي باهي افرحي اقل شي فيه حياه وبكوات نزل وماطولش جاب الخبزه بس وجه اصفر قتله كنك شن حقيت ونضحك قالي لقيت بواعمامه امقعمز عالدروج ومهنبر ومافيش كرعين ضحكت وقتله بلكي داسهن قالي تضحكي لو شفتي الموقف قتله تعرف انا نبي نقعد في الشقه هذي نين نعرف قصه هالوليه الي اتباوع فينا بحت فيا وقالي اقعدي ابروحك انعدي انغير لخوك في المستشفي وعالعصر بالكثير انكونو طلعين فطرنا وعدا راجلي شال خويا يغيرله في المستشفي بعد نص ساعه رن علينا وقال داروله دخول قالو حالته مش كيف امس زايدة سو قالت امي يييه عليك نقناق قوليله ايجي يشيلني للعيل نقعد تلاه وخليه ايجي يشقي بيكم امي رقالها قتلها ينعلي يامينتي قسم رجال وين تقعدي وبعدين هوا يقعد امعاه خير يجري ويدير في اوراق خليك اساع انديرو جو بحتت فيا وقالتلي فرقت الجو ياخيه هابا ديمه المهم قعدت انحوس ولميت الدبش وتمت ضاربه في راسي اندق عالوليه الي مقابلتني خشت امي اتوضي لضحي قتلها ردي بالك من العيال نبي انشوف الوليه هذب شن قصتها قالتي امي بوي مانك طالعه تميت غير يامينتي ماتخافي توه اتشوفي موضوع عادي بكل امي عارفتني بعد انسكر راسي رنن خواتي قتلهن جو يهبل ههههه قاللي انتي الي هبله هيا تعالو وتينالكم الدار الي فوق سكرت منهن وامي خذت العيال وخشت بيهم الدار وانا عديت نسلس لاعند الباب وفتحت بشوي لقيت البكوات مش قاعدات قلت بلا عليك نشاطه فيهم فيسع ماشلوهن ومشيت بشوي لاعند الباب الشقه الي مقابلتناقبل ماندق انفتح الباب وطلعتلي من وراء الباب وقالتلي شن تبي عدي من هنا قبل مايحقك قتلها منو قالتلي عدي بسرعه قتلها باهي تعالي انتي عندي انا نبي انتعرف عليك كنك ديما زعلانه ونسمع فيك اتعيطي قالتلي لا مش انا وخليك في حالك احسن راك تندمي قتلها انا مقتنعه ونبي نحكي امعاك ونهدرزو قالتلي دابينك هكي خشي بحت في شقتنا وترددت بعدها خشيت الباب اسكر بدون ماتلمسه قالتلي خشي خشي باين عليك طيبه ونحاول ماتنضريش عندي بس انحاول قتلها كيف اتحاولي وشن يبي يصير ونلقي هذك الشقه عالزليز فاضيه لافرشه لاصالون لافراش خشيت برمت وهذك الوليه اطيح علي ركبيها وتقعد تبكي وتجض نفس الصوت الي نسمعو فيه عندنا وكانا حد يصرب فيها جيتها نجري عيطت وقالتلي ماتلمسينيش قتلها باهي كنك سكتت واجد وتميت نبرم في الشقه بس ماحسيتش بالخوف حسيت وكانا جسمي خفيف قالتلي الافضل تطلعي قبل مايجي قتلها من قالتلي الظالم الي ياويله من ربي ذبح اعيالي وقتل خويا قتلها خوك من قالتلي الي جاب راجلك من محطه البنزينه وتمت تحكي قالتلي كنت متعذبه امعاه ويحب الفلوس ويلم فيهن وومايصرفش علينا بكل جتني ورثه من هلي خذاها مني و شراء العماره هذي وسكنا في الشقه هذي وقال باقي الشقق اناجرهن وكل مانقوله جيب حاجه يقول ماعنديش ويضرب فيا انا والعيال فيه يوم جاني خويا لقاء وجي متورم ونبكي قالي كنك حكيتله وشكيت لخيي امع جيته تما يرفع في صوته ويقول محد يدخل بي حياتي ويرفع في صوته علي خويا خويا قاله بس هذي اختي وكيف تضربها وتاخذ افلوسها وماتصرفش عليهم قاله كنك راجل راك تشقي بروحك وماتدخلش كان اسلوبه شين رقاله خويا من كلمت كنك راجل دفه وتمو يضاربو نين خشو المطبخ يمسك الموس ومايجي الافي قلب خويا معش عرفت مانديرانولع في ستار المطبخ ناركلتنا كلنا ونحرقنا علي بعضنا قتلها كيف انحرقتو مافيش عليك اثر حروق ورتني كرعيها يخوفن ننقاني خفت وقعدت نرعش بحتت في وجهه ملامحها مش طبيعيه عرفت حتي هيا مش انسان طلعت نجري ونحل في الباب ماباش ينحل نبرم وجي نللقي بواعمامه وراي تميت انعيط ونخبط الباب انفتح ابروحه عديت نجري لامي انا طقيت باب شقتنا والشقه الي مقابله اتشيل فيها نار تمينا انعيطو وانكركرو في العيال ونزلنا حفاياانا وامي والعيال ونلقو الجيران امصبيين وقالولنا انتن وين كنتن قتلهم كنا اماجرين هنا قالو غريبه ومن دلكم قتلهم واحد لقي راجلي في المحطه تمو يقولو لاحول الله لاحول الله تمو يقولو ضروري تنهد العماره هذي بحتت فوق لقيت النار طافيه خذانه واحد من الجيران وشالنا لحوشه عليما يجي راجلي واستقبلنا وليته وبناته بحراره واستقبال يفتح النفس حسيت روحي كنت في غابه بعد حقيت الناس هذوم قلت ينعلي انا وين كنت وتمينا انهدرزو نحنا والبنات وامي والوليه هدرزه وجاء الراجل وقالي يابنتي هذا حوشي مفتوح لكم عندي شقه فوق خوذوها قتله بعد يجي راجلي ساهل والله تعبت ياعمي قالي توه بعد يجي راجلك نركبو انلمو دبشكم قتله حتي تلفوني في الشقه قالي حافظه رقمه قتله اها كلمت راجلي وحكيتله قالي باهي تمام ودواء امعاه الراجل وقاله في الحفظ والصون راهم ودرنا ليله سمحه انا والبنات ونحكيلهن في المواقف وبعد انعدو للحمام انعدو امع بعضنا وضحك ثاني يوم الصبح جاء راجلي وعدا هوا وجماعه الشارع ولمو دبشنا وسكنا فوق العرب هذوم فتره موقته وعليك ناس وعليك اسلوب ربي يفتح عليهم ويحفضهم وبعد فتره هدو العماره مسحوها مسح وتما راجلي يخدم امع الشايب في دكانه والله مانفضلهم علي هلي وحتي هلي لما يجوني نقعدو لوطه كلنا اتقول اعربي ودارو طريق علي هلي طبعا هلي في مزارع انعدو كلنا نحنا والعرب هذوم لهلي زرده كبيره والبنيات يدهورن في المزارع يبنات اتقول قاعده امع هلي بصراحه
..المهم بواعمامه هوا راجل الوليه الي امعذبها والي في المحطه وجاب راجلي لشقه هوا خوها وكلهم كانو اروح مظلومة ظلمها الطمع و الاستبداد مش بشر💔 .

منقولة💫💖