روايه ..وعد الريان
الجزء الثاني...
الحلقه الاولي...
#samah_mahmoud
so Mà
صلوا ع النبي♥...
الحلقه الاولي
-----------
ريان بحده -زهره بطلي فأخوكي ضرب.
زهره بتكشيره-مكلمتوش يابابا هو اللي ضربني.
ريان-عبد الله انت بتضرب اختك ليه انا مش فاهم هو ده اللي بقول ابني عاقل وفاهم.
عبدالله-بابا انا مكلمتهاش انت عارف ده كويس انا مش طبعي كده هيا حاطني في دماغها.
ريان بصله ورفع حاجبه-والله اللي يسمعك يقول انك كبير هههه حقك عليااا متزعلش.
موده بصريخ-كان يوم منيل يوم ما خلفت تؤام .
ريان ضحك-حرام كده دول نعمه من ربنا ياحبيبتي .
موده-بس زهقت من زن كل يوم.
ريان بتنهيده-ما هو ربنا مبيرزقنيش غير بي البنات الهبله يلا االحمدلله زي ام طويله بنتك هو انا مش قايلها متخرجش من غير ما تقولي.
موده-هربت من غسيل المواعين معرفش بقي حسابك انت معاها انا كفايه عليا جوز العفاريت دول مطلعين عنيا خلييك انت بقي في وعد اللي مش جايبها البر...
-------
ففيلا سعد...
سعد قاعد يفطر هو وسهام وميلا وسعاد..
سعاد بضيق-سعد انت مش اتاخرت علي شغلك ولا ايه!!!
سعد-حاضر ياست الكل هقوم اروح اهو...
ميلا -بابا ممكن تاخدني معاك
سعد ببتسامه باس دماغها-هاخد اكيد بس مش النهارده ياحبيبتي .
سعاد بعصبيه-ميلا كملي فطارك ويلا علي اوضتك.
ميلا بحزن-تيتا انتي وحشه انا مبحبكيش كل شويه تزعقلي...
سعاد بغضب-انت قليله الادب عايده تعالي خديها من هنا.
سهام بصت لسعد ودموعها اتجمعت وقامت اخدت ميلا وطلعت علي فوق.
سعد بضيق-في ايه ياماما بجد في ايه انا نفسي افهم انتي بتعملي بنتي كده ليه هيا دي مش حفيدتك علي طول عصبيه وشخط انتي مش بأذي بنتي وبكرههيها فيكي بس وبتكسري قلب سهام علي طول وانتي عارفه اني بحبها ...
سعاد لسعد بعصبيه-لا والله انت ليه مصدق نفسك كدبت الكدبه وهتصدقها مصدق انها بنتك.
سعد بلهفه-وطي صوتك عشان سهام متسمعش انا كان ممكن مقولكيش انها بنتي ...بس هيا اتولدت علي ايدي انا وبعتبرها بنتي انا قولتلك يومها ...عشان مبخبيش عليكي حاجه بس ميلا بنتي وانا بحبها وعمري ما حسيت احساس انها مش بنتي ياريت تحاسبي بعد كده يا امي ومتكسريش بخاطرهم ...
سعاد بضيق وعصبيه-عمري ما هتقبلها فحياتي بي بنتها عايزاني اتقبلها يبقي بنتها متعش معانا اناا عايزه حفيدي يكون من دمنا مش من دم واحد تاني
سعد بضيق-خلاص انتي حره بس انا بحبها ومش مستعد اخسرها اناا ماشي.
سهام نزلت ببتسأمه-حبيبي نسيت موبايلك.
سعد بصلها واستغرب كانت طالعه معيطه ونازله مبتسمه...
سعد ابتسم وباس دماغها وهمس-وحيات بنتنا اللي معندناش غيرها اوعي تزعلي من امي ست كبيره ماشي ياحبيبتي.
