بعد فترة طويلة من عدم كتابتي لأي موضوع ادينا بنرجع تاني و بقوة يعني بعون الله.
.
(زومبي الغزلان)أو اللي اتشخص علميًا بـ(هزال الغزلان)..المرض ده انتشر من 2016 بس ف الفترة الأخيرة عمل ضجة كبيرة بسبب انتشاره بسرعة ف 24ولاية أمريكيه و ف كندا و فنلندا وكوريا الجنوبية والنرويج..
تعالي معايا افهمك ايه ده بالظبط وايه مدي خطورته علي البشر وعلي الأرجح انت وصلتلك فكرة اول ما قولت زومبي الغزلان.
-هنا المرض ده بيصيب الغزلان والآيائل وغيرهم من الفصيلة دي بيتصابوا بالخرف والحركة بشكل همجي و عدم التوازن وعلي الأرجح بينتهي بموتهم(بيعملوا زي الزومبي اللي فالأفلام كدة)
المرض ده انتشر بسبب نوع من البروتينات اسمه البريون اللي لاهو ڤيرس ولا هو بكتيريا ومبيتقلتش ومحدش عارفله وبمجرد ما بيدخل فالغزالة بيتآكل مخها وبتصيبها بالهزيان
المرض ده بينتقل عن طريق الإتصال بلعاب الحيوان او الدم او البول او أي اتصال مباشر والغير مباشر كمان..وسهل انه ينتقل للبشر!
-يمكن انا لما قولت الكلام ده جه ف دماغك فيلم train to busan أول حالة زومبي حصلت كانت ف غزالة!ومنها انتشرت للبشر وقضت علي ناس كتير جدًا ملايين!!!تخيل لو المرض ده انتشر فالبشر فعلًا!هنبقا زي الأفلام اللي بنشوفها؟ممكن فناء اكتر من نص سكان الأرض يبقا للسبب ده؟
حاليًا الدول اللي إتوجد فيها ده بتعمل حملات توعية عشان يحموا البشر من المرض ده ولسه ملقيوش علاج وبالمناسبة المرض ده كان من سنين فالبقر واتعرف بـ(جنون البقر)و ده هنبقا نحكي فيه قريب
بس تخيل بجد لو المرض ده اتنقل للبشر وانتشر وسطيهم ممكن يحصل ايه؟!
تمت.
