-قبل ما تقرأ شغل موسيقي André rieu-nearer god to thee
كنت عايزة أتكلم فالقصة دي من زمان
بس كنت بكسل،بالصدفة لقيت إن إنهاردة لقيت ذكرى الموضوع ده...
طبعًا ده أنسب وقت فيه أكلمك عن الـ(تيتانك)..السفينة اللي ف وقتها كانت أكبر سفينة ركاب فالعالم إنهاردة مر 107سنة علي غرقها في أعماق المحيط الأطلسي...تعالي بقا معايا واحدة واحدة كدة
10إبريل1912كان أول إبحار لسفينة (آر إم إس تيتانك)من لندن متجهه لنيويورك وكانت تابعة لشركة وايت ستار لاين للنقل البحري..طبعًا مش محتاجة أقولك أول يوم لإبحار السفينة دي كان عامل إزاي بداية من مئات الناس اللي كانت واقفة تتفرج وتشهد اكبر سفينة فالعالم وهي بتبحر وبيغنوا ويعزفوا ليها ومنهم اللي جم يودعوا حبايبهم اللي هيطلعوا علي متن السفينة كمان شويه..
وزن تيتانك كان52,310طن،بعمق حوالي11متر و طول 269,1متخيل يا مان!
-تعالي بقا هاخدك براحة بكل التفاصيل لحد اللحظة المنشودة وهي لحظة غرق التيتانك استحملني شويه بقا
سفينة تيتانك وصفوها بالسفينة اللي مبتغرقش وفي كلام كتير سمعته إن لما قبطان السفينة قال إن هي مستحيل تغرق حتي ربنا مش هيقدر يغرقها(متأكدتش من حتة ربنا دي بس فعلًا سمعتها كتير)..كدة يعتبر اتحدي ربنا فغرقت..بس أنا مبحبش اتدخل فالدين فخلينا فالجبل الجليدي بتاعنا🚶
-كان علي متن الباخر2223راكب اللي نجي منهم بس706!بينما1517بينما1517شخص لقوا حتفهم اللي غرق واللي وقعت عليه السفينة أو المدخنة واللي اتقتل ومنهم ركاب الدرجة التالتة اللي منهم مكانش دريان اصلًا ولما عرفوا استسلموا لأن قوارب النجاة كان مستولي علي معظمها ركاب الدرجة الأولي..
علي سيرة قوارب النجاة عايزة اقولك إن السفينة كان عليها قوارب نجاة تكفي لـ1187شخص..لكن غريزة البقاء عند الرُكاب وقتها واقصد هنا ركاب الدرجة الأولي خلت إنهم يرفضوا يركبوا فالمركب اكتر من20شخص خوفًا من إن المركب تغرق بيهم ف حين إنها كانت تشيل من64لـ70!! وبسبب برضه إتباع حتة ملئ المراكب بالستات والأطفال الأول والرجالة فالآخر(معرفش ليه حسيت بفخر)..
كدة إنت عندك معلومات كفاية مش لازم اكترلك عن كدة..نخش بقا فالجد
في15إبريل 1912 في يوم كان مشمس ولطيف تلقت تيتانك رسايل كتير من السفن والمحيطة بيها بتحذرها من إقترابها ناحية جبل جليدي في الساحل الشرقي لكندا لكن طبعًا طاقم السفينة مهتموش بده ولا حتي عامل إستقبال البريد كانت بتجيله الرسالة كان بيرميها من غير ما يبلغ الطاقم أصل هيهتموا ليه ماهما علي متن السفينة التي لا تغرق!!وعلي حسب خبرتهم إن الجليد مش بيتكون فالحتة دي ف ابريل ف الصيف والجو وقتها كان برد بس مشمس زي مقولتلك...
بس كل ده مدامش لفترة طويلة..لأن الساعة 9بليل بالتحديد بدأ الجو يبقا برد جدًا فجأه أقرب للصقيع..
بإقتراب منتصف الليل كان (فريدريك فليت) مراقب السفينة(اللي كان وقف علي حتة زي السطح فالفيلم)..بدأ ياخد باله إن في كتلة ضخمة السفينة بتقرب منها بس ما وضحت الرؤية..اكتشف إنه جبل جليدي ضخم!!!!قام ضرب جرس السفينة فورًا عشان ينبه الطاقم وبلغم إنهم بيقربوا من جبل جليدي وبدأوا يوقفوا بعض المحركات ويحودوا بالسفينة حالًااا
