افين : رحت شوية شوية للحمام أغسل وراحت وسن
تحضر الريوك غسلت وطلعت لكيتها محضره الريوك
وسن : 😀يله تعالي تريكي ورانه روحه
افين : اي 😊
تريكنه وخلصنه رحت بدلت ملابسي وسن راحت غسلت المواعين
وبدلت طلعنه لكينه فهد ينتظرنه بالسيارة
فهد : يله امشن
افين : ردت أصعد بالسيارة وصاح عليه فهد
فهد : اوكفي اوكفي هاي شنو
وسن : شنو خوية
فهد : افين هاي شنو حاطته لوجهج
افين : هاا 😨مادري ماحاطة شي
فهد : لا والله شايفتني زعطوط وتضحكين عليه
المكياج هذا المن
افين : ماحاطة مكياج إني حلوة من الله
فهد : دروحي مسحي لا هسه امسحه الج بطريقتي
وسن : والله فشلة احم احم احنه هنا
فهد : وجعا واني شحجيت وانتي يله روحي امسحي
هذا البوجهج لا تخلني ماخليجن تروحن
افين : اووو هسه شللون إذا امسحه يطلع جبار
فدوة بس هاي المرة
فهد : افين لادوخيني عندي شغل يله روحي بله حجي زايد
امسحي هذا البوجهج وفضينه
افين : أستغفر الله جنان عمي رايحين رايحين
وسن : ههههههه
افين : رحت مسحته بس مو كلش شوية بقة هههه
فهد : انتي ليش تعاندين مو كلت تمسحينه ليش ماتمسحين
افين : مسحته والله
وسن : يله خوية خطية لاتكسر بخاطرها بس هاي المرة
بعدين هيه شوية شسالفة
فهد : عمي أمري لله يله صعدي انتي
افين :😊صعدت ورحنه للسوك اشترينه لمن ماملينه
وفهد ينتظرنه بالسيارة خلصنه كلشي ورجعنا للبيت
فهد راح لشغلة واحنة بدينه بالتفتيش شفنا كلشي
وهاي العكروكة طيف بس تبصبص وتخزر أما بالنسبة
لصابرين بس شافت الغراض نست روحها كعدت يمنا
وكامت تسولف وتضحك ولاكانو جانت تكرهني
المهم وسن كالت اخذي غراضج وضميهن بغرفتج
رحت خذيتهن وضميتهن وبقوا يحضرون للعرس
.
.
.
.تسريع الأحداث ....
بيوم العرس رحنه للصالون إني وسن وطيف بس صابرين
ضلت بالبيت هيه وعمتي المهم وصلنا للصالون وبدوا
يعدلون بيه ويصلحون وهاي تخلي محرك وذيج تصبغ
وهاي تعدل منا لحد ماطلعت سيارة جاهزه ههههه
قصدي طلعت اخبل إني ماعرفت نفسي يا سبحان الله
خطية ام الصالون مطلوبة للعدالة لان يدخللها القرد
اطلعه ميس كمر من خلصوا اتصلوا بفهد ورا ربع ساعة
إجه العريس جان احلة عرس او احلى يوم بعمري مااكدر اوصف
السعادة البكلبي إجه حبيبي فهد شحلاته طالع بيني وبينكم غرت منه وعليه
هههه بس لادكلوله يضل ينفخ بريشة علية
فهد : رحت للصالون اجيبها شفتها طالعة تخبل هيه عيونها كبار
ورموشها طوال خلتني أذوب اقتربت يم اذنها وهمستلها اوويلي
الله يساعدني اليوم بستها برأسها
افين : والله فشلني همستله عيب فهد البنات ديباوعن
فهد : بستها قريب على شفايفها وهمستلها على عنادهم ههه
أخذتها وطلعنا صعدتها بالسيارة وطلعنه والسيارات ورانه وصلنا للبيت
كعدتها وطلعت يم الزلم صبوا العشا وتعشو شوية وكالو لازم نزف العريس
افين دخلوني للغرفة وصبولي العشا بس بالكوه اكل من الخوف
شوية وسمعت كالو راح يزفون العريس
إني هنا كلبي كلي اجاك الموت ياتارك الصلاة
انتهيت من التوتر والقلق
آسفة إذا اتأخرت عليكم والله اليوم عندي امتحان درست شوية من
الامتحان وتركته وكمت أكتب لان وعدت وحدة من المتابعات اليوم
انشر ikzmnwrrوهذا الكدرت عليه أن شاء الله البارت الجاي يكون أطول
وراح اعوضكم عن هذا البارت واعذروني لان البارت قصير حيييل
478 كلمة 👄👅
