الأم : راح نحجي برأس فهد ونكله تغلط عليك من ورقه ظهرك
وسن : والله حرام عليكم هجي تسوون خطية هيه بعدهي طفلة
بكد طيف تقبلين يصير ويه طيف هذا الشي
الأم : اسم الله على بنتي ولج اختج هيه اشو ما تعرفين تحجين
وسن : ماما ما قبلتيها على بنتج وتقبليها على هالطفلة إني
راح أعلمها شغل البيت والطبخ ما كو داعي تسون مشاكل ويه طفلة
صابرين : انتي عن قريب راح تتزوجين منو يبقى يعلمها
وسن : إني بعد شهرين واتزوج يعني أعلمها كلشي وحتى
لو اتزوجت تشوفجن شلون تشتغلن وتطبخن وتتعلم ماكو أحد
طلع من بطن أمه وهو يعرف كلشي
الأم : هيه طول لوقت نايمة بعد يمته تتعلم
وسن : إني راح أعلمها واكلها تشوفجن وتتعلم بس انتظرنها
بس أطيب لان خطية رجلها ما تكدر تمشي عليها
الأم : انتي تضلين كلبج طيب ويحن حتى على عدوج ولج
هيه مبينه حية
طيف : بلي ماما ...وسن دافعلها هيه وحده حية ملسونة
محد يكدر على السانها
صابرين : صحيح لو ما ملسونة ما كسرت ايد اختج
الله اليستر إذا صار عدها ولد من فهد شتسوي
فهد : وسن .....وسن
وسن : بلي .....
بعد ما راحت وسن بقن ام فهد وصابرين وطيف يخططن علمود
يأذن افين
الأم : ما لجن شغل بوسن هيه فقيرة وعلى نياتها
لازم نعرف شلون نادب هاي الملعونه
بس احذرجن ايالي وايالجن اسمع وحده منجن موصلة
حجاية وحدة لوسن ما تلومن إلا نفسجن فهمتن
طيف : صار ماما اوعدج ما أكلها أي شي بس المهم
نطيح حضها لهاي الادبسزز
الأم : وانتي عيني جنتي صابرين لا تكولين
لوسن أدري بيج صديقتها الروح بالروح وسرجن
واحد
صابرين : لا عمه ما راح اكول لا لوسن ولا لأي أحد
بس شنو راح نسوي
الأم : لازم اول شي نخلي فهد يطلع بس شلون
طيف : امممممم.........اعرف شلون نكول لفهد
يأخذ وسن يشترون شوية أغراض
صابرين : اوك ...إني راح راح اصيح لوسن
