فهد : اللهم طولج يا روح شكو شبيجن اصواتجن شعلوها
الأم : فهد ربي مرتك إني ماتحمل هجي وحدة بيتي
فهد : كااافي الله وأكبر والله موتني شوكت أخلص من مشاكلجن
تعبت ارحمني يمه انتي شتردين بالضبط ....اخذها واهج
افين : ضليت واكفة بمكاني وابجي وأني أشوف
فهد يرجف من العصبية .. عاط بيه
فهد : اصعدي فوك
افين : طفرت سويت الدرج شبختين ارجف من الخوف
شوية ودفر الباب ودخل
فهد : احجي شنو الصار
افين : ابجي بحركة واحجي حجيتله كلشي حتى على صابرين وطيف
فهد : ها هيج الحجي سهلة كومي بدلي
افين : وين نروح
فهد : بعصبية . كوومي بدلي كتلج
افين : كمت لبست وهو غير ملابسة سحبني
من أيدي ونزلنا وكفت أمه بوجهه ودكله وين رايح فهد
تعوف أمك علمود هاي الفصلية
فهد :يييمه كم مررة كاايل محد يكوول عليها فصلية
صارت مرتي ماتفهمين مررتي مررتي والله لو غيرج كايلها خليته
يحفر كبره بيده بس انتي أمي وماكدر احجي وياج
الأم : عفيه عليك يالشيخ عفيه هيج تحاجي أمك
علمود التكول عليها مرتك هيج تحاجيني والله هذا أحسن
احترام ربيتك عليه عاشت أيدي والله
فهد : يمه لخاطر الله كافي مو تعبتيني من اليوم الجبتها للبيت
ولهلحظة وانتو مافاكيني اريد أخلص من مشاكلكم ماكو روحي
خلصت ومشاكلج ويه افين ماخلصانه تحجين وتغلطين وترزلين
وبعدين تطلع هاي الطفلة هيه الغلطانه شلون بله
افين : تعارك ويه أمه وطلع طلعنه وأمه وأخواته يتوسلن
بيه
فهد : يمه عوفيني إذا أبقى اطك وأموت من هاي المشاكل الماتخلص
طلعت من البيت فتحت باب السيارة وكتلها اصعدي هيه
صعدت بدون صوت
افين : صعدت بدون ماحجي شي ردت اسأله وين رايحين
بس خفت منه شرايينه طالعه من كد العصبية بس الفضول موتني
لكن الخوف سيطر عليه لان إذا احجي حرف يضربني يدخلني
بغيبوبة فالتزمت السكوت افضلي
