وقف ادم وحسام وحازم وذهبو للفتيات
ادم : هاي انتو معانا في الجامعة
ريهام : اها
ادم : اممم في سنة كام بقي
اسماء : دي اول سنة لينا
ادم : طب تسمحولي انا واصحابي نقعد ونتعرف عليكم
حبيبة ( وهي تنظر لادم وبضحكة صفراء ) : اها ومالو ..اتفضلو
وجلس ادم بجانب اسماء وحاز امام حبيبة و ريهام بين حبيبة و حسام علي ترابيزة مستديرة
وبعد ان جلس الجميع
حسام : كنتم في مدرسة ايه ؟
حازم : حبيبة وريهام كانو معانا في نفس المدرسة
ادم (بصدمة) : ايه ؟ كانو معانا بجد ..امم اومال انتي منين يا اسماء ؟
اسماء بخجل : انا من مدرسة ***
ادم في نفسه : يالهوي دي البت بقت طماطم ياديني علي الحلاوة
ريهام : ها يجماعة هتطلبو حاجة ولا ايه ؟
حسام (وقد انتبه علي وجودها ) : اكيد هنطلب
وبعد ان طلب الجميع شيء يشربوة و جأت الطلبات
حسام : ريهام ..هوا انتو صحاب من امتي
ريهام : انا وحبيبة اصحاب من الاعدادي و اسماء صحبناها اول مادخلنا الجامعة ويارتنا عرفناها من بدري
اسماء بخجل : حبيبتي ربنا يخليكو ليا
حبيبة بخبث : الا قولي ياحازم هيا ايدك عاملة ايه دلوقتي ؟ لسه بتوجعك؟
حازم (بوجه بارد) : هه وتوجعني ليه يعني
ادم : مالها ايدك يا حازم ؟
حازم : اصل كان في كلبه عضتني وانا بلعب معاها
حبيبة (بغيظ) : كلبه .. طب خالي بالك المرة الجاية للكلبة دي تعمل حاجة تانية
حازم : تؤتؤ مش هتقدر
واثناء الكلام كان ادم ينظر لاسماء ووجدها تضع يديها علي ركبتها فقام بمسك يديها فنظرت له بصدمة فرسم ابتسامة باردة علي شفتيه فنزلت برأسها للاسفل وماهي الا ثوانٍ حتي شعر ادم بشيء دافئ علي يده فنظر لها فوجدها تبكي بشدة فصعق من منظرها وترك يدها وشعر وكان سكين يقطع قلبه وقال في نفسه : هيا عيطت ليه ؟ اول مرة اشوف بنت كدا ؟ هوانا اول واحد يمسك ايدها ؟ دا البنات اساسا مابيصدقو امسك ايدهم هوا في بنت رقيقة كدا.. بس انا ليه عاوز اخدها في حضني واطبطب عليها ؟ اي ياأدم فوق مش حتة بنت نزلت دمعتين قدامك تِكش كدا اجمد اومال
وشعرت حبيبة انا اسماء تبكي ..
حبيبة : مالك يا أسماء بتعيطي ليه
اسماء : معلش حاسة اني تعبانة وعاوزة اروح بليز مشيني من هنا
حبيبة : ماشي هنقوم ..ريهام احنا ماشيين يالا بينا
ريهام : حاضر يالا بعد اذنكم ياجماعة
حسام : اه طبعا اتفضلو..
كل هذا تحت انظار ادم المصدومة من اسماء
وبعد ان ذهبو
حسام : هوا انت عملت حاجة لاسماء يا ادم ؟
ادم : هعمل لها ايه يعني
حازم : اسماء مش زي البنات اللي بتصاحبها دي حاجة تانية خالي بالك
ادم في نفسه : عرفت والله وعاوز اعتذر لها بس هعمل ايه انا اول مرة احس اني ظلمت حد كدا ع العموم هيا تيجي الجامعة بكرا وهبقي اكلمها
-عند ريهام وحبيبة واسماء ...
حبيبة : احنا ماشينا اهو ..قولي بقي مالك ؟
اسماء : مفيش حاجة ياجماعة تعبانة شوية بس
ريهام : ولو اني مش مصدقة بس هسألك سؤال ادم زعلك في حاجة
اسماء بإستغراب : اشمعنا ادم يعني
ريهام : اصل طول الوقت عينه منزلتش من عليكي ياجميل مانا مصحصة بردو وغمزت لها
اسماء : هههه علي اساس حسام هوا اللي نزلها من عليكي ماهو هوا كمان كان زية وغمزت لها
حبيبة : ايييه هوا انا مكنتش معاكم ولا ايه ؟
ريهام : ياختي اتوكسي انتي طول الوقت نزلة كلام مع حازم وخناقات ولا توم وجيري
حبيبة : اعمل ايه يعني ماهوا اللي مستفز
ريهام : اشي ياستي هعديهالك المهم ياسمكة انتي كويسة دلوقتي
اسماء (وهيا بتحاول تخبي حزنها) : اها الحمد لله بقيت احسن
حبيبة وقد لاحظت اسماء ولكنها لم تقطعها : ماشي يا اسماء ... يالا بقي نروح دلوقتي ياجدعان
ريهام : اشي سلام
اسماء : باي
عند اسماء ..
والد اسماء (خالد) : كنتي فين ياهانم
اسماء : كنت مع اصحابي يابابا
خالد : صحابك مين دول انا مش قولت مفيش زفت صحاب ولا نيلة
اسماء : حصل بس دول طيبين اوي والله وبيحبوني وبحبهم
خالد : هه بلا طيبين بلا زفت ابعدي عنهم خالص سامعه
اسماء : بس يا باا ..وقاطعها صفعة مدوية نزلت علي وجهها
خالد : انتي كمان بتعارضيني
اسماء والدموع في عينيها : انا اسفة يابابا عن اذنك
خالد : في داهية
ودخلت اسماء غرفتها وظلت تبكي حتي نامت وفي الصباح وجدت نفسها مرهقة ولن تستطيع الذهاب فتصلت علي حبيبة
حبيبة : الو ياسمكة
اسماء بصوت متعب : الو ياحبيبة معلش مش هقدر اجي الجامعة النهاردة قولي لريهام كدا و هبقي اخد منك المحاضرات
حبيبة بقلق : مالك ياسمكة انتي صوتك متغير كدا ليه هوا في حاجة تعباكي
اسماء : لا شوية تعب كدا ويوم ولا يومين واكون كويسة
حبيبة : اشي ياقلبي الف سلامة عليكي
اسماء : الله يسلمك واغلقت الخط
حبيبة : ياتري البنت دي فيها ايه انا هقوم اصلي وادعيلها اقلبي واجعني عليها اوي
ريهام : بت ياحبيبة انتي لسه نايمة
حبيبة : لا انا صحيت من شوية حمد الله بالسلامة ياختي
ريهام : الله يسلمك يالابقي نمشي
حبيبة : حاضر .. اه بقولك اسماء مش هتيجي الجامعة النهاردة عشان هيا تعبانة شوية
ريهام بقلق : الف سلامة عليها .. ايه رأيك نروحلها بعد الجامعة
حبيبة : انا بردو فكرت في كدا
ريهام : ايشطا يالا بينا ع الجامعة
في الجامعة....
ادم : اذيكو عاملين ايه ..
حبيبة : الحمد لله احنا بخير
ادم : اومال هيا اسماء فين
ريهام : هيا مش هتيجي النهارد ليه هوا في حاجة
ادم:...
توقعاتكم ايه اللي هيحصل ..
