💜حب مختلف للعوالم💜(في طور الكتابة)

⁦❤️⁩الجزء الثامن ❤

نمشيو للمصحة...
بعدما بقاو نهار كامل في المصحة غسان او بهاء  عيااو بزااف حيت نهار كامل او هوما كالسين قدام باب البيت لي فيه انس اما تاج فرجع لدار حيت خاصو يدير اتصالات على قبل الخدمة..... كان ديك الساعة وصل عتمان او سليمة هوما لولين عاد لحقات عليهوم رهف او رعد او اغاريد خلاوها في الدار مقابلة وائل او حتى مريم او غزل عاود جاو او بقاو تماك نهار كامل كيهضرو على انس او كيفاش وقع ليه هادشي..... جا عندهم الطبيب قال ليهوم بدا كيستاجب للعلاج او فات مرحلة الخطر ولكن خاصو يبقا ديما تحت المراقبة ليمشي يوقع ليه شي اعراض جانبية......او عتمان غير غادي جاي بحال الا طايحا عليه الكرش او خايف لتمشي توقع شي حاجة لخوه او هو الوحيد لي بقا عندوو...
في البلاصة لي كاعدين فيها الدراري او تزاد عليهوم حتى رعد
بهاء: دراري اش بان ليكوم الا مشينا لداك الكلوب المعلوم نسيو شوياا هاد السطريس لي دوزناه ليوم
غسان:غير سيرو بصحتكم معنديش الگانة لشي كلوب هاد ساعة
بهاء:لا ميمكنش غادي نمشيو كاملين او بلا متقول لا صافي راه عمي ولا مزيان راه قالها ليك الطبيب علاش غادي تبقا داير هاد الحالة فراسك
رعد:انا العشران غير عفيوني الا مشيت المدام تبيتني فالزنقة مع العساس ههههه
بهاء:نتا سير غير تموت ولكن بروجولة الخوادرية حاكما فيك ديال بصح كتعجبني فيك هههههه
رعد:واخاا بقا ضحك داباا دور الوقت او لقاك حتى نتا مزوج او كترعد من مراتك او تولي دخل مع 8
بهاء او غسان دارو بووم بالضحك جاب ليهوم الفوغيغ رعد مغشوش فيهوم او معارفهمش كي دايرين او فاش خدامين او حياتهم كي دايرا بحكم هو مكيكونش معاهوم ديما كيجيو لدار العائلة غير فالعطل....واخا داكشي فاش خدامين كيحكم عليهوم الصرامة او يحيدو من حياتهم شي حاجة سميتها الضحك او التفلية الا هاد الجوج الا لقاو فمن يشدو او يضحكو عليه مكيفلتوش الفرصة دغيا يطلعوها عليه او يبقاو مقشبين عليه اما الا تزاد عليهوم حتا رعد فقفارت على هاداك لي غادي يطلعوها عليه بيناتهم.......
بهاء:اوووف ضحكتيني الله يعطيك الخير
غسان:والله الا حتى انا فوجتي عليا شوية من هاد العصاب لي كنت فيه
رعد:واخا داباا ضحكو ليا مع راسكم او فلخر ابرب الا انا لي غادي نبدا نضحك عليكوم (او ضرب الضورة او مشا كلس حدا رهف او كيتحلف عليهوم من بعيد)
بهاء:يالاه يالاه نخويو هاد القنت او نمشيو نشوفو تاج الا بغا يمشي معاناا....
خرجوو بجوج او كاع المستشفى كيشووف فيهم زعما كااع هاد الزين كاين في المغرب او هوما كاع ممسوقين ليهوم خصوصا بهاء خالقها مع غسان بشا ميبقاش مقلق على باه.... ركبو في اللوطو حديدة مكضورش كان بهاء هو لي سايق مشاو لدار هي اللولة  لا اشمن دار حشومة واش نقول فحقها دار هادا قصر ديال عائلة العلوي جا فالخرجة ديال المدينة اش من دار قول قصر هاداااك تحل ليهوم الباب لولاني ديال الحديد كبير عاد واحد الممر مبين داك الباب عاد الباب ديال القصر ممر متوسطاه واحد النافوورة فيها دولفيين كيخرج من فمو المااء.....  على ليمن كاين واحد البيسين كبيير او الوسط ديالو كاين ضو بيض كيبين الماء كيشعل.... جنبها دايريين واحد الارجوحة كبيرة فيها جوج كراسة على قبل رهف او اغاريد حيت كتعجبهم يكلسو فيها بالليل يقراو شي رواية....عاد فاللور ديال القصر كاينا واحد الطبلة كبيرا كيتوسطها واحد الفاز كبير او فيها شي 16 كرسي كيخرجو يكلسو فيها الا كانت العائلة مجموعة.....حداها واحك الكليسة راقية فالارض كتعجب ماماهم سليمة بزاف هي فين كدوز اغلب وقتها..... او فالجنب لاخر كاين البيت ديال الكلب ديال تاج ....او واحد البيت كبيييييير بالبيبان ديال زاج هاديك هي المتنفس ديال الدراري لاصال فين كيمارسو جميع الرياضات لي كيبغيو او فيها كاع الالات لي كاينين فليصال الكبار او حتى هي فالداخل ديالها كاين مسبح مغطات فاش كيكملو التمارين ديالهم كيتلاحو فيه.... هادشي غير نضرة شاملة ديال القصر اشنو فيه من على برا زائد واحد الكم هائل ديال الحراس منتاشرين على جميع انحاء القصر تحسبا لأي خطر او كلهم مسلحيين.....دخلو الدراري كيقلبو بعينيهوم على تاج مبانش ليهوم عرفوه بلي كاين فبيتو.....بانت ليهوم دادا فاطمة هي معتابرينها فمتابة مهم عزيزا عليهوم بزاف او كيحتارموها او دايرين ليها قيمة لهضرتها.....باسو ليها راسها او رضات عليهوم.....طلعو كيتجاراو فدروج حتى وقفو قدام الجناح ديال تاج حيت كاين فطابق لخراني او بوحدو شاد طابق وقفو قدام الباب لي كان فلون اسود او متوسطو واحد الرسم ديال اسد ضقو او مجاوب حتى واحد عاود ضقو حتى كيسمعو تحنحينتو عاد دخلو..... لقوه فوق الفوطوي بجلستو الروجولية المعتادة او هاز لابطوب او كيدوز يديه فوق لحيتو بواحد الطريقة متيرة او لابد باش تكمل هاد اللوحة من ديك التخنزيرة الا شافتو مرا حاملة يطيح ليها الولد هههه....بقاو ساكتين او شي كيشوف فشي حتى هز فيهوم عينيه او شاف فيهوم ديك الشوفة ديال اش واقع.....بعد نفس عميق خدا بهاء المبادرة او هضر.....
بهاء:خويا بغينا نهضرو معاك
تاج: بلاما يشوف فيهوم حرك راسو بمعنا شنو
بهاء:(شاف فغسان زعما غير نهضر)بغيناك تمشي معانا لكلوب المعتاد
تاج:هز راسو فيه او فعينيه ديك النضرة ديال واش من نيتك اشريف
بهاء:هانتا غير باش نشرح ليك دابا مسكين غسان شفتي حالتو كي كانت ليوم (او كيسبل فعينيه باش يبقا فيه)قلت زعما نمشيو لكلوب نبدلو غير الجو شويا او غسان ينسا هادشي لي وقع او رجعو او هانتا باش تعرف او مقدرناش نمشيو بلا بيك...
تاج بقاو عينيه كيلعبو مبين هاد جوج لي واقفين قدامو معرف منين يشدهم كل مرة يخرجو ليه ببلان فشكل ناض او ديك الكسدة عندو نهار على نهار كتقاد او تعمار....بغفلة منهم شنق على بهاء حتى كان غادي يخرا فحوايجو اما غسان فبدا كيشهد لبهاء فبلاصتو.....تاج حنحن او بهاء كيتسنا الضقة منين غادي تنزل عليه......
تاج:جوج كلمات هاد المرة غادي نخليكوم تمشيو غير على حالة غسان ولكن القحبات لا الشراب لا اش قلتي يا هادو يا تشد الركنة او تكمش قبل منفلعصك ...(يقدر تجيكوم هاد الهضرة ديال تاج فشكل ولكن 2 حوايج مكيحملش خوتو يديروها بحكم هو كبر منهم بزاف او عندو تجربة قاصحة فالحياة او معتابر غسان خوه ماشي ولد عمو....هو انهم يشوفهم مع شي قحبات حيت هو كيعرف القحبة من النضرة لولا ليها...او تانيا الشراب هو اه كيشرب او كيكمي او كيديرهم بعشرة ولكن مبغاش خوتو يخرجو بحالو...هوما كيستغلو الفرصة مرة فالعام او كيشربو فاش مكيكونش ولا كيكون مسافر لشي دولة خرا او خاصهم يشربو سيمانة قبل ميجي حيت الا مشا حتى شم فيهوم ريحت الشراب ليلتهم كدوز كحلة....غادي تقولو ليا هوما مافيوزيين او خدامين فالممنوعات او السلاح او مكيشربوش باش نشرح ليكوم تاج هو البوص ولكن كاينيين شي وحدين لي كبر منو او كلمتهم كتمشي عليه هو او على لي قل منو ولكن هو لي عندو 50٪ من زمام الامور خوتو دخلو لهاد الميدان ولكن مكيديرو والو غير كيحضرو الاجتماعات او اليد الايمن ديال تاج صافي معندهم حتى دور حيت تاج منعهم كيحاول انه يبعدهم شوية بشوية حتى يوليو كارهيين هاد الخدمة او يخرجو راسهم مكيخليهومش لا يقربو لا يتعمقو بزاف فهاادشي....هوما اه اعضاء او سمياتهم كاينا ولكن كيجيو معا خوهوم شوية او يرجعو فحالهم....او اغلب وقتهم كيدوزوه فشركة ديال عائلتهم)
بهاء:حم حم الله اوودي علاه حنا فين عمرنا شربنا ولا كنا مع شي وحدة نتا راك عارف اش مربي راه رجال معاه ماشي خشييات
تاج دفعو حتى كان غادي يجي مسرح غير شد فراسو او عطاهم بالضهر غادي جيهت البالكون حتى وقفو صوت غسان
غسان:او نتا اخويا تاج واش مغاديش تمشي معاناا
تاج:غير صبقوني حتى نتبعكم
بقا شي كيشوف فشي او كيفرنسو حيت راه دارو انجاز باش قنعو خوهم يمشي معاهم ....مشاو كيتجاراو يبدلو حوايجهم باش يخرجو....
    غادي نهضرو دابااا على هاد جوج حلاقم لي مكيتفرقوش او نبداو ب🔥بهاء العلوي🔥هو الاخ الصغير ديال تاج فعمرو 24 عام شخصيتو غالب عليها المرح تقريبا بحال رهف عزيز عليه يشد فشي واحد او خصوصا غسان كيبقاو شي يضحك على شي حتى كيقلبوها مضاربة ييناتهم....هو طويل لونو حنطي شعرو كيدير ليه ديك الحسانة العادية او كيحيد الجناب عينيه زرق مغلوق فيهوم واحد اللون زوين لحية مطراسية او خفيفة جات مع الملامح ديال وجهوو.... الجسم ديالو رياضي بحال خوه....كيموت على شي حاجة سميتها العاب الكترونية وقتما كيقلبو عليه كيعرفوه غير فبيتو او داير كاسك او كيلعب يا فورتنايت ولا بابجي....المافيا دخل ليه بعد شهور او اعوام او هو كيطلب فخوه او فاش وافق حس براسو مكيستافد حتى حاجة حيت بعيد على كلشي كيحضر غير الاجتماعات او شي صفقات او يرجع فحالو الخدمة ديال بصح كلها عند تاج او مبعدها عليه باش ميتبلاش بهادشي بزاف بحالوو...عندو منصب رئيس فشركة ديال تاج حيت مكيجيش ليها خوه او مكلف بيها هو او غسان....زهواني او عزيز عليه الدريات ولكن عمرو بغا فحياتو ولا دخلات شي وحدة لقلبو كيعرف غير دوك العلاقات العابرة ديال عدي ضرب او دوز....