💜حب مختلف للعوالم💜(في طور الكتابة)

💜الجزء العاشر💜

خرجو البنات على برا من بعد ما تهدنات سجى او رجعات لحالتها الطبيعية او قررات مع راسها باش متبقاش تفكر فهادشي لي وقع داباا مزال هي كتهضر مع راسها حتى كتبان ليها لوطو ديال تاج دايزا من قدامهم او هي تفكر ديك الشدة لي شدها من شعرها او هي تجعر داك المعيور كامل لي معايراتوش قدام وجهو كولو قالتو او هي كتشوف فلوطو ديالو مخلات حتى معيورة او مقلتهاش فييه
سجى:انا انااااا يشدني من شعري انا الا مندمتوش اناا على النهار لي فكر يحط عليا يديه انا راني منتسماش سجى ماشي هو لي غادي يندمني... حق الرب حتى ندمووو سيير بغيت لدينمك حبة فز** متلقاش علاش تكعدت تولي تكعد على جنابك...الله يعطيك شي تراكتور يدوز فاصل مك يطحكنك كفتة ونشويها او نغززها....ولد القح*** انا نطولو او نمشطو او نتهلا فيه باش يجي خراي باقي ممسحش زكو من الخرا ينتفني منو  بغيت ليك شي مصيبة تصيبك متخلي فيك حتى عضم صحيح ياربي تكتب ليه شي طيحة فالعمارية ان شاء الله ....اصلا شكون غادي تزوج بهاداك .... داير بحال شي خرية مدردر عليها الدبان ... مشكرف فوجهو كي التقلية  ياربي كيفما رزاني فدوك جوج زغبات لي طيح ليا ياربي ترزيه فبوعروق.... الله يعطيك التونية فييه......واااااع
نسمة او اروى تخشاو فبعضياتهم او كيشوفو فيها من التيساع او شادين فمهوم لتزلق ليهوم الضحكة بداك السبان لي كتسبو كتسيف فالبلاصة بحرا شوية كانت كتبكي او تغوت او تصرفق فراسها بحال الحمقة او مكملاش خمسة دقايق حتى ولات تسب او تغرق ليه بحال الا حتى حاجة موقعات كيعياو يفهمو فيها حتى يعياو كيلقاو فلخر راسهم مفاهمين والو.... حتى كيبان ليهم شهاب جاي كيتمختر غير بوحدو مكانش متوقعهم يلقاهم واقفين على برا يسحاب ليه باقي كالسين لداخل كيتسناو فيه...
شهاب: اش واقفين كديرو على برا واش واقعة شي حاجة انا يسحابني باقي كالسين لداخل
سجى: ها كحل العفطة جا ها لي بسبابو انا وليت فهاد الحالة كون خليتوني غير فدار كون داباا راني سارحة عجول لاخرة او وصلت فالحلمة العاشرة ماشي واقفة هناا شابعة غير برودات او مفقصة غير بوحدي تفوو الله يخليها سلعة
نسمة:( بضحكة صفرة) مديش عليها راه غير عاود جاتها الحالة او تعصبات عافاك واخا ممكن تجيب لوطو باش توصلنا راه عينا
مشا شهاب باش يجيب لوطو او هو مفاهم حتى لعبة يالله خلاهم صحة سلام في أمان الله حتى كيرجع يلقاهم على برا او سجى خاصها غير معامن تقلبها.... جاب لوطو او وقف قدامهم حتى ركبو بتلاتة او وصلهم للحي لي ساكنين فيه مكترش او مكتروش معاه الهضرة غير بسلامة بسلامة....
مشات نسمة لدارهم او أروى بقات حتى وصلات سجى لدارها باش تكون مطمأنة عليها كتر عاد رجعات لدارهم....
سجى منين دخلات لدار قلبات على خوها لقاتو مكاينش كيف العادة عارفاه فين كاين طلعات لبيتها حيدات دوك الحوايج بزعاف او لبسات بيجامة او بقات غادية جاية فداك البيت بحال الا طايحا عليها الكرش شوية او هي تفكر ديك الشدة لي شدها تاج او مشات كتجري للمراية لي كاينا فالحمام كتقلب فوجها واش بانو فيه شي اعراض مي مكتلقا والو بقات كتقلب كتقلب بقا ليها شوية تحيد الجلدة او تقلب تحت منها باش يالله تأكد مي مبغاتش دخل ليها لراسها ميمكنش هي من نهار ديك الحادتة او هي كتعاني من هاد المرض لي فيها او لي قاسها كيبانو فيها الاعراض او هادا علاش هو بالضبط علاش لي مبان فيها والو علاش لي لحمها محمارتش او موقع ليها والو عيات تفكر او تفكر او ملقات حتى جواب لسؤال ديالها ... شوية او هي دير ليها طرن فراسها او هي تفكر الهضرة ديال طبيب نفسي بلي لي عندهم قرابة دموية معاها او قاسوها مغادي توقع ليها والو او شخص واحد لي معندو حتى علاقة بيها
سجى: لا زعماا يكون داك الشخص لي معندو حتى علاقة بيا هو داك بوعو ديال قبيلا لا لا لاااا ميمكنش علاش هو بالضبط علاش انا كيوقع ليا بحال هاكاا مفهمتش تفوو
او رجعات تاني غادية جاية فالبيت او عقلها كيخيط او يفصل او يرقع غير بوحدو حتى قربات تحماق او بطبيعة الحال منساتش الضقة لي باقي غادي ترجع ليه ديال ديك النتفة لي نتفها او شيطانها خدام معاها او كيعطيها فالافكار منين تبدا او اشنو دير ... بقات على ديك الحالة حتى ضروها رجليها او عيات او هي طيح فوق الناموسية كتشوف فالسقف او عقلها خدام حتى داتها عينيها او نعسات