💜حب مختلف للعوالم💜(في طور الكتابة)

🔱الجزء التاسع 🔱

نرجعوو عند سجى لي كالسا فوق العافية ممرتاحاش او محاملاش هاد الخرجة نسمة خاشية وجها فالسرجم او كتبركك فلي غادي او لي جاي اما واحد اروى فا غير كدور جيهت شهاب او تفرنس غير بوحدهاا.....اما شهاب فا غير غادي او كيسوط او يسب فخاطرو مكيحملش هاد الطريقة لي كتعامل معاه سجى وقتما كيبغي يهضر معاها كطليه من راسو لرجليه.....وصلو قدام الكلوب او كيسمعو الهيلالة خدامة لداخل عطا شهاب السوارت ديال لوطو باش يديوها او دخلو البنات هوما لولين او هو من موراهم....كانت واحد الطبلة زوينة او جات فواحد الموقع لي تقدر تشوف فيه كولشي كان حاجزها شهاب ليهم مشاو ليها او سجى مشات لجنب تخشات باش تبعد عليه او حداها نسمة شاداا فيها او كطمأنها بعينيهاا.....كان الكلوب فهاد الليلة عامر او الزدحة خدامة فيه على الجهد خاصك تغوت الا بغيتي شي واحد يسمعك جا النادل خدا الطلب ديالهم او بالطبع كلهم خداو عصير حتى من شهاب مبغاش ياخد الشراب قدامهم.....داز الوقت او سجى بدات كطلق شوية او كتمايل راسها مع الحان الاغنية لي مطلوقة كتبان كيوت او زوينة او البرائة لي فوجها غالبا عليهااا......تحبسات الاغنية او تسمع واحد الصوت فالميكرو ديال شي واحد خدام تماك كيعلن بلي غادي يبدا اللعبة شهيرة لي معروفة فداك الكلوب لي هي juste dance او لي كينوضو ليها 3 ولا 4 ديال ناس قدام واحد الشاشة كبيييرة بزاف او كيديرو واحد الصباعات فيديهم او كيبقاو يتبعو الحركات ديال هادوك لي فالشاشة حتى كيوصلو لواحد المرحلة لي خاص يجمعو فيها 5 ديال النجمات باش يربحوو.....بداو كل مرة ها لي كيكنوضو 3 مرة كينوضو 4 مرة 2 حتى تقريبا كلشي لي فداك الكلوب سالا....او عاود هضر فالميكرو بلي شكون لي باغي يلعب او مزال مناضش او هي توقف نسمة بزربة او قالت بلي باقيين حنااا...
سجى(جراتها من يديها حتى رجعات كلسات):واش اختي فيك تيكوكت فقزيبتك لاش قلتي ليه حنا واش من نيتك
نسمة:عادي ابب هانتي شفتي كاع لي هنا ناضو او موقع والو اشنو فيها الا نضنا حتا حناا عافااااااااك
سجى:بعدي مني انا مبغيتش او حتى اروى مبغاتش سو كلسي الارض لنفلعص مك واخاا
اروى:لا اختشي شكون قال ليك انا مبغيتش انا نايضا مع نسمة
سجى:اهاه تحاميتو عليا بجوج دابا الكلبات الخانزات
اروى او نسمة كيشوفو فيها او كيطلبوها بعينيهم باش توافق
شهاب:نوضي معاهم اسجى راه نتوما جايين هنا باش تفوجو ماشي باش تبقاو كالسيين ضورو فعينيكم
سجى شافت حتى عيات البنات كيطلبو او شهاب خايفا ليقرب حداهاا ولا يدير شي حاجة مهياش او يقيسها وكلات امرهاا لله او ناضت معاهم او كاع الاعين لي تماك عليها او فالجمال او البرائة لي على وجهاا....مشاو البنات لقدام ديك الشاشة فحين شهاب كانت وصلاتوو مكالمة مستعجلة او خرج باش يجاوب.....لبسو دوك الصباعات فيديهم او ختارت نسمة الاغنية ديال Dynamite ديال BTS....
بدات الاغنية او بداو البنات كيرقصو معاها او متبعين الحركات لي قدامهم سجى بدات شوية بشوية كتنساجم مع الوضع او حتى هي غاديا مع الموسيقى او الحركاات....سلاو او وصلو المرحلة لخرا لي جابو فيها 5 ديال النجمات....نسمة او اروى فرحانين او سجى غير حاضياا مع راسهاا.....عطاو الصباعات او فطريقهم باش يرجعو لبلاصتهم وقف على سجى واحد من لي كان حاضر فالكلوب حيت البنات كانو قدامها او هي من موراهم....جات بغات تحيد من الطريق باش تمشي او هو يحطو يدو على كتفها باش يوقفهاا هي خرجات هينيها او هربات من حداه بالزربة حيت الا مشا حتى خلا يديه على كتفها بزاف غادي ترجع ليها الحال ديالها...
سجى:ممكن تحيد ليا من الطريق بغيت نمشي
الشخص:بلاتي بغيت نهضر معاك الا ممكن
سجى:معندي فاش نهضر معاك خوي الطريق مغاديش نعاودها تالت مرة
الشخص:مالكي باغيا طرطقي غير بوحدك راك غير عجبتيني او بغيت نتعرف عليك او ناخد نمرتك صافي
سجى:متعرف عليا منتعرف عليك سير تعرف على مك حسن ليك
يالاه جات تمشي فحالها حتى شداتها يديه من شعرهاا حتى كان غادي يطير من بلاصتو ضارت لقات عينيه حمرين او وجهو بغاا يتفركع هز يديه بغا يجمعها معاها بصلية حتى طلقات حلوقها لربي لي خلقها او ضارت عندها نسمة او اروى شافو داك المنضر او خرجو عينيهم او رجعو كيجريو عندها باش يفكوها منوو....نسمة تلاحت ليه على ضهرو كضرب او تقمش فيه او اروى على وجهو كتنتف ليه شعروو او تصرفق ليه هو طلق من سجى او بقا مضارب غير مع هاد جوجات سجى ستغلات الوضع او هي تجمعها معاه لمعلم ديريكت حتى كان غادي يبكي او طاع على ركابيه او بقات كضرب فيه برجليها فينما جاتها الضقة لمهم تبرد الاعصاب ديال جرة لي جرها من شعرها هو مبقاش قادر ينوض 3 ديال البنات محاميين عليه او كل وحدة كتعطي ما فجهدها.....ناس تماك شافو المضاربة هربو خافو لتصدق شي حاجة لي كبيرة او يجيو البوليس اما واحد الطوابل كانو حدا البنات تقلبو بلي فيهوم من كيسان ديال الشراب او العصير او الطباسل كلشي تفرتت
عند الدرااري لي كانوو الفووق ملوو بزااف كانو جايين معولين على الشراب او البنات باش ينسيو الوقت او يبدلو الجو ولكن تاج وقف ليهم فحلقهم حرم عليهم كلشي بقاو كالسين شي كيشوف شي من غيرو هو لي حاط راسو على الفوطوي او مغمض عينيه محاسش بشنو واقع حداه .... شوية دراري سمعو صوت الموسيقى تحبس او الغوات او صوت التهراس دخلهم شك يسحاب ليهم ياكما شي هجوم ولا شي حاجة مهياش اما تاج معلى بالوش هبط بهاء بالتسلات باش يعرف اشنو واقع او من موراه غسان او حاضيين مع جنابهم ليخرج ليهم شي واحد من شي قنت.... بهاء يالله بغا يدور حتى كيتصدم من هول المنضر دري مليوح فالارض او فوق منو جوج ديال الحمقات كيضربو او ينتفو فيه او وحدة قبالتو الكاس ولا الطبسيل لي لقاتو كتشير عليه بيه .... غسان جا حداه او خرج عينيه حتى هو كيحاول يستوعب اش هادشي يسحاب ليهم غير شي هجوم او هادشي غادي يكون فيه السلاح او القتل حتى كيلقاو غير تلاتة البناات قد الفولات منوضين هاد الحيحة كاملة مجاو فين يشوفو فبعضياتهم او يحاولو يفهمو اش هادشي حتى كيلقاو تاج من موراهم او مخنزر او طالع ليه الكعز لراسو خاصو غير معامن ولكن باقي مشافش اشنو واقع حيت بهاء او غسان مغطين داك المنضر بضهورهم .....
البنات من بعد مخلاو داك خينا مجبد فالارض فاقد الوعي بطبيعة الحال ديك قتلة العصا لي خدا يحمد الله لي مماتش اماا كان غادي يخرج من تماك عاكدهم  نسمة او أروى  مشاو كيجريو عند سجى كيسولوهاا واش هي بيخير او كيقلبو فيها ليكون قاسها او وقعات ليها شي حاجة ولكن هي طمأناتهم او قالت ليهم بلي موقع ليها والو او بغاات تخرج فأقرب فرصة من ديك البلاصة حيت حسات بالخنقة او مبغاتش تزيد فيها دقيقة وحدة.... داكشي لي دارو البنات هزو صيكانهم او بغاو يخرجو يتسناو شهاب على برا او ميبقاوش تماك ....
تاج: غادي تبقاو تحنزو فياا زيدو تحركو قدامي كنقول ليكم ديما خرجتكم ناقصة تفوو
الدورة لي بغا يدور باش يحل الباب او يخرج حتى هو بحالو حيت قدام الباب كان ضو خافت ماشي قوي بزاف حس بشي حاجة دخلات فيه او طاحت فالارض هبط عينيه حتى كتبان ليه سجى طايحة فالارض او شادة فراسها حيت تبارك الله راه دخلات فحيط ماشي بنادم هاداك
تاج: الا كنتي حولة ولا عورة ديري نضاضر ابنادم ماشي تبقاي دخلي فبنادم بحال شي ثور الخرا تفوو على ليلة كيفاش دايرة
سجى هزات فيه راسها حتى كان بغا يتقسم باش يالله توصل ليه لوجهو واخاا مكانش باين مزيان بحكم كاين ضلام شوية: مكاين شي ثور او بغل او حمار او جميع الحيوانات قدك نتاا لي داخل فيا معرفتك حيط ولا بنادم اخوياا اش كتاكل الحديد لا بلاصة متعتاذر خدام حال علياا فمك حتى وصل عندي للأرض 🙂
تاج فهاد اللحضة ولا بركان كيغلي ولا حمر او عينيه حمرين او العروق ديال يديه بانو بقوة ممزير عليهم بزاف حتى قربو يطرطقو او سنانو كيغزز فيهم بقوة الاعصاب لي فيه فديك اللحضة وكيف لا او رجل اكبر العصابات في العالم وكدالك اكبر رجل الاعمال لي صغير او الكبير كيخاف منو فاش كيسمعو سميتو كيتهان بهاد الطريقة او كيتوصف بالحمار او الحيوان او من وحدة لي الا صرفقها تبقا مغيبة سيمانة.... دار وحد ضحكة استفزاز على شفايفو او غير فوق خاطرو او محسش براسو حتى لقا يديه وسط شعرو جرها بقوة لعندو حتى كان الشعر ديال راسها طار من بلاصتو او قابل وجها مع وجهو هي بقوة الجرة عينيها تغرغرو بالدموع او عضات على شفايفها بقوة الالم او نزلات ليها واحد الدمعة لي خانتها... حلات عينيها فيها او تلاقاات عينيها مع عينيه عينيها لي مائلين للإخضرار مع عينيه لي فحمين... وتوقف الزمن لفجأة بقات فديك اللحضة غير عينيهم لي كيشوفو فبعضياتهم هي نسات بلي راه ذكر لي شادها او مبينها او بين وجهو الا بضع سنتيميترات او هو نسا راسو بلي هادي هي لي وصفاتو داباا بالحمار او الحيوان.... مفيقهم من دوك الدقائق لي كانو بيناتهم ديال تبادل النضرات من غير نسمة لي طلقات حلوقها او بدات كتغوت باش يطلق سجى حيت خافت عليها لتوقع ليها شي حاجة.... تاج طلقها من شعرها او جات مزدوحة تاني للأرض على مسعودة معرفات راسها باش تبلات يالله كانت داباا مقابلة مع وجهو شوية كتلقا راسها عاود تاني فالارض ....
تاج خرج هواء سخون من فمو كيخرج فيه دوك الاعصاب لي دارت فيه او هبط عندها الارض شدها من فكها بعنف حتى كان غادي يطيرو ليها من بلاصتو او قرب لودنيها او هضر
تاج: عنداك يسحاب ليك بلي هاد الهضرة لي قلتي غادي ندوزها ليك بيخير برب حتى غادي ندمك على الدقيقة لي فكرتي فيها تقولي هاد الهضرة نتي معرفتيش راسك معامن طحتي الا مربيتك او خليتك تجي تبوسي ليا رجلي باش نسامح ليك اناا مغاديش تكون سميتي تاج او عقلي مزيان على هاد السمية حيت غادي تبقاي تسمعيها بزاف من هنا القدام او لاحها عاود تاني حتى جات مشبحة على ضهرها او خرج او تبعو بهاء او غسان لي كيترحمو على ديك المسكينة لي طايحا فالارض عارفين بلي طاحت مع انسان لي مغاديش يرحمها او خصوصا انها مقالتش كلمة لي هي ساهلة او يقدر يدوزها ليها قالت كلمة لي يقدر ترحم بيها على حياتها او تودعها
نسمة او أروى وقفو سجى لي بحال الا تصرفقات تاني غير مخرجا عينيها او مكتقول حتى كلمة كتحاول تستوعب اشنو وقع داباا او بلي كانت كتلقا تهديد من عند شخص لي مكتعرف عليه والو او اهم حاجة فهادشي كامل انه قاصها فوجها اه قاصها او موقع ليها والو او مكتحس لا بأعراض لا بوالو قرب يجيها الحماق كتحاول تستوعب او والو شوية بدات كتصرفق فراسها بحال الحمقة باش تحاول تيق بلي ذكر قاصها او موقع ليها والو كيفاش او علاش كاع هاد الاسئلة كيدورو ليها فراسها او ملقاتش ليهم الحل بغات تحماق او تسطى او البنات كيهدنو فيها او كيحاولو يخليوها تكالما او هوما براسهم داخلين فحالة صدمة كتر منها هي حيت كولشي داز على عينيهم او شافو كيفاش تاج شدها من وجها او كيفاش كانت قريية ليه بزاف او موقع ليها والو مي هي مبغاتش تزكا من تفركيل او الحل الوحيد لي بقا عندهم او هو لي دارتو أروى طلعات يديها حتى لسماء او جمعاتها معاها بصلية باش يالله تفيق من داك الحماق لي جاهاا او داكشي نيت لي وقع غير سرفقاتها او درية بحال الا يالله رجعات لأرض الواقع ولكن باقي دوك الاسئلة كيدورو فراسها او عاطيها الحريق او بغات تفهم اش وقع او كتحاول تسول البنات غير بعينيها مي حتى هوما براسهم خاص لي يجاوبهم على نفس الاسئلة لي بغات سجى تعرف الجواب ديالهم ......

البنااااات بليييز تفاعلواا شويااا راه مكنلقا لا كومنط لا فوط لا وااوااا 😭😭😭
كنبغيييكم واخااا قلال ❤❤❤❤