💜حب مختلف للعوالم💜(في طور الكتابة)

الجزء الأول ☝

اسم البطلة: سجى
اسم البطل: تاج العرب
و بالطبع كاينين شخصيات ثانوية لي غادي تشاركنا في هاد القصة و منهم لي غادي يغير المنحى ديالها
************************************
قصتي غادي تكون من طابع اخر شخصيات فشكل يقدر شي حوايج فيها غادي تقراوهم اول مرة فمجال القصص...... صراحة متشوقة كتر منكم لهاد القصة و متحمسة نعرف رأيكم فيها و تقييمكم ليها.... وان شاء الله تعجبكم او تكونو اوفياء ليها بتفاعلكم متبخلوش عليها وعليا بتشجيعاتكم باش نعطي كتر او كتر او متحبطونيش بقلة تفاعلكم........
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
🔥🔥نبداو على بركة الله🔥🔥

🌸🌸الكاتبة: أنا هبة 🌸🌸
🔥🔥🔥🔥🔥🔥🔥🔥🔥🔥🔥

فاقت على صوت الصداع و الغوات لي جاي من على برى ديما طالع ليها القردة لراسها كل نهار كيفيقوها بهاد الصداع طلات من الشرجم أو شعرها طالع لسمااا شاد الريزو شافت واحد جوج عيالات كل وحدة شادة فشعر الخرى أو حلفو مبغاو يطلقوا من بعضياتهم دارت يديها في ودنيها أو غوتات حتى كلشي سكت أو هزوا عينيهم شافوا فيها
سجى: والله أو باقي شي قوا** فيكم جات او دارت ليا هاد الحلبة ديال المصارعة قدام باب داري حتى نجي نوريها نتيف ديال العيالات أش كيسوا
حنقزات وحدة من هادووك لي كانوا مدابزين: أختي هاد بنت القح** ديال سمية لقيتها في داري مع راجلي معرت أش كانوا كيديروا مبغاتش تسرط لياا
سجى: أو أنا مالي أو مال هاد الفريع كاملوا ديك ساع نتفيها قدام باب داركوم لاش جايين حتى لهناا فارعيين لياا ك** مع هاد الصباح نحسب حد خمسة باقي لقاا شي وحدة فيكم هناياا نجي نفلعص لمها عضامها مع هااد الصباح مزياان
مجات فين تكمل هضرتها حتى تفركتات الجقلة حيت عارفينها أش كتسوا كلشي كيخااف منهاا أو الى مشاات حتى قالت شي حاجة مكتمشي حتى ديرها
سدات داك الشرجم أو غادية الحمام أو هي كتنكر: تفو الصبااح لله كل صباح هاد بنات الق*** كيفيقوا بنادم كافر الله يخليها سلعة و الله يعفوا علينا من هاد الحومة ديال الحبس
مشات الحمام غسلات و جهها أو حكات سنانها أو قدات أغراضها هبطات لكوزينة توجد ليها ما تاكل قطعات الخبز أو حطاتوا في الفران يسخن أو قلات جوج بيضات أو عمرات أتاي. كملات أو هزات داك شي في بلاطو أو مشات لصالون باش تفطر شعلات التلفازة كيف عادتها كتوانس بيها. أو هياا مندامجة مع الفيلم فاش كتفرج حتى كتسمع الدقان في الباب ناضت أو هيا كضرب برجليها كي حلات الباب أو هوا يتلاح عليها
سجى: أويلي أش هاد الحالة جاي بيها فهاد الصباح
: (بصوت تقيل) راه غير كنت مقصر لبارح مع العشران محسيت بالوقت حتى لقيت الصباح
سجى: واش نتيا مزال مبغا يعفوو عليك الله من هاد البلية أخويا
: إوا غير دعي مع خووك راه الغالب الله بهاد شي باش كنسي هاد الحياة ديال الويل لي معطاتنا والواا
سجى: متكولش هاكا أخويا لؤي الله يهديك مغدي يكون غير الخير إن شاء الله أو سيدي ربي دابا يفاجيها علينا شي نهار غير صبر
لؤي: شحال قدي منصبر أختي شحال أنا صافي عييت مبقيتش قادر. حتى حاجة مبغات تقاد وليت كنفكر في الموت هو الحل لي بقا ليا صافي
سجى:(حطات يديها على فم لؤي) واش نتا تسطيتي و لا مالك كيفاش باغي تموت و لمن غادي تخليني انا مفكرتيش فياا ياك ماما وبابا مشاو أو باغي تمشي حتى نتايا(بدات كتبكي) حشومة عليك ديما فاش كتقول هاد الهضرة كتقتلني مئة مرة(أو هيا طيح على ركابيها)
لؤي: (حس على راسوا أشنو قال) عافاكي أختي سمحي ليا مكنتش قاصد نقول هاد شي راكي عارفاني شارب أو معارفش أش كنقول راني غير كنضحك معاك أنا معمري نمشي أو نخلييك راكي نتيا هيا حياتي لواليد و الواليدة خلاوك ليا أمانة باش عمرني نفرط فيك أو داك شي لي غادي ندير راه بسبابك باش باقي عايش لدابا غير الشيطان ولد الحرام هو لي لعب ليا بعقلي عافاكي سمحي ليا
سجى: (مسحات دموعها أو قربات حدا خوها) عفاك معمرك تقول بحال هاد الهضرة واش عارف أشناهيا تمشي أو تخليني راه نتا هوا خويا هو بابا هوا ماما هوا كلشي في حياتي منقدرش نعيش نهار واحد بلا بيك
لؤي: (هبطات دمعة من عينيه عارف بلي ختوا هو كلشي فحياتها من نهار حلات عينيها أو هيا معاه لدابا أو متقدرش تكمل حياتها بلا بيه من نهار ماتوا واليديهم أو هماا معا بعضياتهم واحد مكيفوت لاخر حياتهم كتمحور عليهوم هوما بجوج) صافي عافاك أختي الغزالة متبكيش هاد الهضرة معمرني باقي نضكرها كنواعدك(أو عنقها و خشاها في أحضانوا هاذوا هوما سجى و لؤي الخوت لي منهاار ماتوا واليديهم أو هما مع بعضياتهم كيساندوا راسهوم فهاد الحياة لي مكترحمش أو خصوصا سجى واخا هي قبيحة مع بنادم مي فاش كتكون مع خوها كتولي بحال شي درية صغيرة كتصرف على طبيعتها الحقيقية)
هزات سجى خوها من قدام الباب أو طلعاتوا لبيتوا حيت هوا مقادرش يتمشى بتأتير الكحول دفعات الباب او لاحتوا فوق الناموسية حيدات ليه السبرديلة أو قادات ليه راسوا فوق المخدة أو لاحت عليه واحد ليزار خفيف بحكم كان الصيف هبطات الخوامي أو ضلمات ليه البيت أو مشات وقفات حداه بقات شحال كتشوف فيه تحنات باستوا على راسوا أو فيديه
سجى: الله يخليك ليا أخويا عمرنا نتفارقوا أنا وياك
خرجات من البيت هبطات لتحت جمعات دوك الماعن ديال الفطور أو غسلاتهوم خملات الصالون و نقات الدار أو دارت الغدا يطيب أو طلعات لبيتها هزات تيليفونها أو بدات كتكنكف فيه كيف العادة خصوصا في إنستغرام غير من تيتيز لتيتيز أو ديما كتحلم راسها تكون مع شي واحد فيهوم أو تزوج بيه أو تهنا من هاد العيشة ديال القهرة كضيع الوقت بهاد الأحلام ديال اليقضة.....
#يتبع.....🔥🔥