صوت صريخ جامد جدا من بيريهان وميريهان.. يجري العسكري المكلف بمراقبتهم.. يلاقيهم هم الاتنين ماسكين بعض وحاضنين بعض ومبرقين وبيصوتوا.. برعب يقولهم.. ايه في ايه.. يفضلوا مبرقين وبيصوتوا وبيشاوروا علي حاجة.. يبص مكان مابيشاوروا.. ايه في ايه.. مش شايف حاجه.... ااااه.. طيب بس قولولي انا مش شايف حاجه.. ويبتدي يشيل بايديه الحاجات من الارض مكان مابيشاوروا.. لغم قديم. و يرميه ويقولهم هو ده.. يكملوا صريخ ويقولوا لاااااا.. يشيل هيكل ايد من ايام الحرب وجمجمه وعظم ناس ماتت في الحرب ويسالهم هم دول.. بيقولوا لاااااا في الاخر شال سحليه ويسالهم ايه هي دي.. هنا الصريخ زاد وقعدوا يقولوا كلام مش مفهوم زي اااه.. ايه ده.. ده وحش مخيف جدااا انت ازاي تمسكه بايدك كده؟؟
اما مريهان وهي لسه حاضنه بيريهان زعقت وقالت سيبها.. سيبها يامتوحش.. بصلهم الظابط بمنتهي الاستغراب وهو لسه ماسك السحليه من ايديها.. سيبها يامتوحش ايه.. انتم خايفين منها ولا خايفين عليها؟؟!!!!!
وفي المعسكر..
ظابط وقف لونا ويسألها استني لو سمحتي.. ايه دي..
ايه؟؟ دي شنطتي!!..
اه ماانا شايف.. وعلشان كده بسال.. واخداها ليه
.. خارجه.. وانا مااقدرش اخرج من غير شنطتي
.. خارجه؟؟؟؟؟؟؟؟؟؟!!!!!!! هو التدريب بقي خروجه.. ويمسح وشه بايديه بنفاذ صبر ويقول. صبرني يارب.. وياتري ايه المهم اللي في الشنطه دي
.. طبعا حاجات لايمكن اخرج من غيرها
.. اه تخرجي اه.. زي اي الحاجات دى يادفعه
.. ابره وفتله علشان لو اليونيفورم اتقطع
.. يونيفورم؟؟؟؟!!! ااااه قلبي
. . ها وايه كمان رباط شاش ومطهر عشان لو اتعورت
.. ياااارب.. ياااارب اااااااااااااه ده احنا سيبنالكم البلد بحالها وجينا هنا علشان نهرب منكم.. جيتوا ورانا ليه ليييييييه؟؟؟؟
.. وكمان صن بلوك ونظاره شمس لان طبعا حضرتك شايف الشمس عامله ازاي وانا لايمكن استحملها.. ياافندم؟؟؟؟؟.. ياافندم؟؟؟؟ انت كويس؟؟!!!! رد عليا حضرتك ماتقلقنيش عليك....
الظابط وهو حاطط ايده على قلبه ومميل لأدام.. هاتيلي الدكتور بسرعه...
اما في المعسكر..
بيجري على صوت عسكري بيزعق لماندا وهي بتعيط.. بيدخل الظابط جري.. يلاقي العسكري ماسك دماغه وعينه بتطق شرار.. وماندا بتعيط عل اخرها.. فيبص للعسكري ويقوله... ايه في ايه مالكم
.. الحقني ياافندم انا هتشل
.. ليه مالك بتزعق ليه
.. اااااه اسالها حضرتك
.. يبص لماندا ويسالها.. في ايه ايه اللي حصل.. بتعيطي ليه
.. يعنى انت مش عارف؟؟
.. وانا هعرف منين؟؟
.. ماانت لو بتحس كنت عرفت لوحدك
.. لااااا بقولك ايه دا انا اتطوعت في الجيش مخصوص علشان اهرب من الكلمتين دول.. مراتي طلعت عيني.. قولي ولخصي في ايه
.. انا مش هقدر انزل التدريب من غير توميييييي
.. وهي فين تومي دي.. ماانتم بيتنزلوا اتنين عادي خديها معاكي
.. لا تومي ده ولد
.. ولد.. وسكت شويا وقال.. امممممم طيب لما انتي عندك ابن بتتطوعي في الجيش ليه.. لا حول ولاقوة إلا بالله.. هو فين ابنك ده هاتيه اخليه معايا علي ماترجعوا
شاورت مكان وجود تومي بص الظابط مكان مابيشاور.. وطلع مسدسه من جيبه ووجهه ناحيه راسه وقال.. سامحني يارب
بصت ماندا بعدم اهتمام ونادت لتومي.. تومي.. تومييي كام هير بيبي... وخرج قط ابيض بشعر منفوش يجري عليها.. بصلته بحنان وقالت.. كنت هسيبك فين يعني يابيبي.. يلا ياتوتو نخرج نتفسح في ارض التدريب ده هيبقي يوم هايل.. وشالته وخطت برجلها من فوق جثه تالت ظابط من خيره اجناد الارض.
وفي المعسكر في مكان تاني..
.. انتي يادفعه بتعملي ايه.
بتمشي.
ب تمشي..... اه منا واخد بالي.. وبتتمشي ليه؟؟
.. اووووووف بقي.. هم قالولى كده
.. هم مين؟؟.. وقالولك ايه..؟؟
.. اللي بيوزعونا على السلاحات...
.. سلاحات؟؟!! وقالولكم ايه بتوع السلاحات
.. قالولى انتي في سلاح المشاه ѕdтgнjjғvvcғcdв تيييييييييت Ģғȡȡħίùғғħŕғ تيييييييييت..........
يتبع........
أنت تقرأ
البنات في الجيش
Humorتخيلوا كده لو البنات دخلوا الجيش فعلا سيبكم من ان البنت مش هترضي تضرب الظابط الكيوت ولا الأمور ولا الكلام ده المشكلة حاجه تانيه خالص 😁😁😁😁😁😁😁 #منقول # بقلم اثير عشتار. حفظا للحقوق
