بعد كده،
ساندي ولورين نزلوا يتدربوا على السلاح.. طبعا بعد ماحطوا صن بلوك.. ساندي المفروض هتدرب علي صاروخ..
ساندي دخلت للظابط اللي المفروض هيدربها اول ما شافها
.. قالها ايه ده ا نتي اسمك ايه
.... ساندي
.. اها انتي الصاروخ
.. نعم؟؟!
لا انتي فهمتي غلط انا قصدي انك هتتدربي ازاي تشغلي الصاروخ ارض جو
.. امممم والله؟؟! طيب.. وفي سرها.. شكله معجب بيا وبيستهبل
طلعوا على مكان التدريب..
ساندي طلعت ازازه چيل ومناديل ويبس وابتدت تمسح السلاح
.. انتي بتعملي ايه؟؟!
ده چيل معقم وويبس علشان الانفكشن
.
.
اكتفي الظابط بالاجابه دي وفضل ميسألش اكتر
.
ومع اول صوت من السلاح ساندي جريت ومسكت في الظابط وقالتله..
إلحق ياافندم البتاع اللي بتدرب عليه صوته عالي قوي وسيرينا نايمه وكده ممكن تصحي وهى تعبانه وكده مش هتعرف ترتاح
.. اولا يا انسه.. ماسمهوش بتاع..ثانيا صاحبتك دي ازاي نايمه وده معاد تدريب.. ثالثا وده الاهم دلوقتى حالا تسيبي دراعي وتتفضلي على الحبس يادفعااااااااااااااه....
واو دا فظيع حمش كده وكيوت وامور لا وكمان بيحبني.. الحمدلله يارب حققتلي امنية حياتي وهتجوز ظابط.
... نيجي للورين بقي..
لورين هتدرب علي انها تنط من طياره ببراشوت "ومحدش يسالني ده سلاح ايه لاني مااعرفش"لورين في الطياره.. الظابط عمل حسابه من الاول ومازودش ارتفاع الطياره
.. الظابط. :
يلا يا دفعه استعدي للهبوط اول ماتنطي تعدي لحد ١٠ وتفتحي الباراشوت.. ماشي.. يا دفعه.. ياانسه.. انتي يا ابله.. يالوري انتي ولا اسمك ايه..
كل ده ولورين عماله تبص من شباك الطياره وفرحانه جدا.. ومش مركزه مع كلام الظابط..
الظابط راحلها وقالها ... يا انسه..
ها.. ايوه.. وااااااو المنظر تحفه .. احنا وصلنا ولا لسه؟!
وصلنا فين؟؟
المكان اللي رايحينه.. ؟؟
مكان ايه حضرتك!!.. انتي هتنطي من الطياره.
ههههههههههههه لا بجد بقي انا بتكلم بجد.
وهو انا اللي بهزر.. انتي هتنطي دلوقتي من الطياره وتنزلي بالباراشوت
باراشوت ايه؟؟
اللي معاكي ده.
لا انا مش هنط.. مستحيل
.. مستحيل ليه؟
!ﻷن شعري هيتنعكش كده وانا لسه عامﻻه في الكوافير والكوافير قالي ممنوع يتعرض لهوا جامد .
.
الظابط وهو خﻻص بيفقد اعصابه..اتفضلي انزلي دلوقت حالااااااا
.
.فكرت لورين بسرعه وقالت بابتسامه عريضة. .اوكي يا افندم تعالى حضرتك بس عند المكان اللي هنزل منه علشان انا خايفه .
..امري لله اتفضلي..هتنزلي من هنا ..هتعدي لغاية عش آآآآه
.
ولورين بتبص للظابط اللي سايق الطياره بعد مازقت الظابط اﻻوﻻني وبتقوله
..ها؟؟! ترجع بالطياره على المعسكر وﻻ تحصل صاحبك؟؟
.
!الظابط بص من شباك الطياره على صاحبه اللي كان باين من منظره انه خﻻص انتهى ..وبص تاني ادامه بمنتهى الهدوء ورجع لورين للمعسكر ..
وقطع لسان اللي يقول علينا زيادة عدد
..
.وبعدها بيومين ..
..لو سمحت يا افندم ..احنا بقالنا حوالي اسبوع هنا وماشوفناش اي اسلحه وﻻ حتى اتدربنا على اي سﻻح..
.
. ؟؟!ها؟؟!! ايه اه اه ..احنا بس بنحاول نشوف كل واحده فيكم تنفع لسﻻح ايه وهنوديكم ليه على طول ...
.
..امممممممممم اوكي ..
.
..منكم لله خلصتولي على احسن شباب عندي ..انتم اصﻻ ممكن تموتوا العدو مشلول .... مقهور ..زهقان ..شلل رعاش ..ذبحه صدريه ..... اي حاجه من دي ونخلص من غير حرب وﻻ سﻻح ..قال ما اتدربناش على السﻻح ..اذا كنتم موتوا الظباط يبقى هتعملوا ايه في السﻻح يا ظلمه ..منكم لله ..منكم لله
..............
وفي مكان بعيد في المعسكر ..ظابط بيجري على صوت عياط ..وصل مكان الصوت لقى باكينام بتعيط و اشكيناز بتقولها..معلش يا حبيبتي بكره ربنا يعوضك بواحد احسن منه واقوى منه ..بس اهم حاجه تاكلي وتاخدي بالك من صحتك وانتي تعوضيه..
آآآه اعوضه؟! اعوضه ازاي بس
فضل الظابط يسمع وهو صعبان عليه جدا ان بنت تفقد خطيبها كده وتبقى زعﻻنه عليه او يسيبها ويغدر بيها ..فراح عليها وقالها..
..يا انسه ماتزعليش انتي بنت حﻻل وربنا هيعوضك بواحد تاني اكيد ...
.يارب ..يارب
وتبصلها اشكيناز وتقولها ..
يﻻ خدي بقى اللي فاضل منه ده ادفنيه علشان مايبقاش حرام علينا..
الظابط اتخض وشعره اتنفش وقال..
اييييه ..انتم قتلتوه؟! قتلتيه ليه ...حرام عليكي ...عادي ما مليون واحد بيسيبوا ومابيجراش حاجه ...يا مجرمه ...انا هوديكم في داهيه ...هو فين اللي باقي منه ده وريني اداتله اشكيناز جزء من ظافر حوالي تﻻتين سم كده خد الظابط الظافر وهو مش فاهم وقال..ازاي يعني ..وبقية الجثه فين ..؟!وبعدين الظافر ده ازاي ظافر خطيبك هو بيحط مونوكير ؟!فين الجثه اتكلمي انتي وهي؟!
قالوا هم اﻻتنين. ...جثة ايه ؟!
جثة خطيبك اللي بتعيطي عليه ..
خطيبي ايه ..وانا لو خطيبي سيبنا بعض هعيط ليه .
.وابتدت تعيط بصوت عالي...خطيبي ممكن يتعوض لكن ظافري اللي اتكسر ده يتعوض اززززاااااااااي. ....
........................
وفي اخر مدة التدريب مشهد داخلي من مستشفى ..والظباط نايمين على السراير ..والبنات داخلين ومعاهم ورد ..
واللواء ادامهم وبيبتسم ب ود ويقول ..
معلش ياوﻻد ..احنا بس حبينا نعرف بناتنا ان الجيش ده مهمة الرجاله ..والبلد دي فيها رجاله قادرين يحموها ويحافظوا عليها ..والبنات يناموا مرتاحين في بيوتهم امنين ..واحنا هنسهر على راحتهم وراحة الشعب كله وهم ليهم مهمه اكبر واسمى بكتير من مهمتنا ..كفايه انهم بيربوا رجاله تخدم بلدهم وكمان بيشتغلوا وبينجحوا في كل المجالات .....وهم بيقدمولكم الورد ده كاعتذار منهم على اللي حصل وياريت تقبلوه ..
ااااااااه هييييييييييييئ
.
.
..ايه مالك يافتحي ..مالك
.
همووووووووووت
.
مالك يا ابني ..
.
قوم البت دي من على انبوبة الاكسجين بسرعاااااااااا.
تمت.
أثير عشتار
أنت تقرأ
البنات في الجيش
Humorتخيلوا كده لو البنات دخلوا الجيش فعلا سيبكم من ان البنت مش هترضي تضرب الظابط الكيوت ولا الأمور ولا الكلام ده المشكلة حاجه تانيه خالص 😁😁😁😁😁😁😁 #منقول # بقلم اثير عشتار. حفظا للحقوق
