عشك طفله
لانين الرووح
اعرفكم ع حالي اني حسين عمري ٣٠ سنه
مزوج
وعندي ابنيه وحده اسمها فرح
توفت والدتها اثناء ولادتها
احنه من المناطق الجنوبيه من العراق
والنه عادات وتقاليد ما نغيرها للموت
اني جبير اهلي
والدي شيخ عشيره وعتماده كله عليه
يعني يده اليمنه
ابكل شي عدنه مصانع اجبان ونوزعها ع كل محافظات العراق
واغلب شغلي بغداد اروح واجي
عدنه كرايب ابن عمي الجبير حيدر عمره ٣٥ سنه ساكن بغداد عنده اطفال ولدين وبنيتين الولد اكبر من البنات
وجان اغلب روحاتي البغداد هوه يستقبلني ويلح عليه اجي البيته
وبات لان هوه يشتغل بالمعمل مالنه الموزع الرئيسي في بغداد المسؤول عليه هوه
ف كان يخجل حيل مني ويحب ابكل الطرق يرضيني وابد ما يرفضلي طلب
وكان دائما يكلي لو وحده من بناتي جبيره اهديها الك
جنت اضحك
.وكله اني ما مفكر بالزواج لان شغلي ماخذ كل وكتي
يادوب الحك اشوف بنتي فرح ...
فروحه عمرها ١١ سنه طالبه ابتدائي
مرحه وضحوكه وتحب العب والكارتون يعني عايشه الطفوله
متربيه عند امي واختي عذراء عندي خوات ثلاثه اثنين مزوجات وحده باقيه بس مخطوبه الابن عمي اسمه اشرف
واخوان اثنين علي وحسن احنه كلنه عزوه ابويه بالديره
ديوانه واسع للكل البيت ما يفرغ من الضيوف والديوان ما يبطل كهوه للعمام
عيشتنه جدا حلوه
اني عشكي الكاع والزرع والحلال
مرات اطلع مع الغنامه عالحولي نسرح بالغنم
حيل احب هل حياه
هي روحي من اضوج واختنك عندي بستان اختلي بي الوحدي ويه حلالي وزرعاتي
مزوجت ولا مفكر بالزواج لان شغلي ماخذ كل وكتي وتعرفون اني ذراع والدي ابكل شي بالديره والمصانع ما يخطو خطوه اله ابشوري
امي مره جبيره بالعمر بس معدله والكل يمشي ابشورها
تحب دوم تكعد يم الدوبه (ناعور مي ) تنقل المي من النهر الى المنطقه الزراعيه
المنظر جدا حلو وهادئ
يعجبني من اختي تخبز بتنور الطين اكعد يمها وشم ريحه الخبز واكله ويه الخضره والطماطه زرع كاعنه
امي ههههه تعيب عليه وتكلي شيخ ابكدك يكعد بالكاع وياكل خبزه وخضره
حسين.. اي يوم هاي اجمل عيشه بالنسبه الي وماحب صيت الغنه والفخفخه
هذا مو ثوبي
الله ورسوله الكريم (ص) يحبون الانسان الفقير المكتفي ابعيشته وراضي بيها
امي .تصدك يمه حجاياتك ذهب
عذراء .حسين انت جوهره نادره ..مبخوته التكون زوجتك
حسين ..ههههه انتي ياعذيره ما اجوزين من سوالفج
والله يا اختي انتي هم جوهره وبن عمي اشرف مبخوت بيج
امي ..حسين يمه اريد اشوف بزرتك قبل لا اموت
حسين .طول عمرج يمه ليش هل حجي واني مخلف جا فرح شني موش من بزرتي
الام ..يمه انه اريد اشوف ولدك يلعبون كبالي الولد يشيلون اسمك ويشيلوك من تكبر بس البنت ام زوجها وبيتها ما تنفعك ابكبرتك
حسين ..الله كريم يمه تجي المره ما تروح
الام ..بس انه شفتلك اوحيده وحيل طيبه وحبابه ونادره
بنت ابو جاسم ... صديق والدك ...والبنيه اسمها ابتسام
حسين .يمه كتلج مو وكتها هسه خلي افرغ وفكر بعدها بالزواج
كمت.. ومشيت عنهم وبراسي الف حسبه والنوب امي مجلبتلي ابسالفه الزواج
اوووف محد يحس ابضيمك وبدوختك ياحسين
الباجر لازم احضر نفسي روحه بغداد عندي انتاج ولازم اوجه العمال والتوزيع وشوف انتاجهم شلونه
صبحت الصبح بس راسي دايخ حيل ما تريكت كبل طلعت ابوجهي البغداد
وصلت للمصنع ودخلت استقبلني حيدر بصدر رحب
