البارت ..١١
#انين_الرووح
عشك طفله
حسين نزلت اريد اعرف منو هاي جاي تعيط
لج هاي شبيج
شبيه عيني روح اسئل زوجتك شبيه وبعدين اسألني
حسين ..لج ورده وينج
هياتني بالمطبخ
تعاي اهنا كبالي
اي جايه
هااا حسين شكو
انتي سولفيلي شكو ..ليش ام مصطفى تعيط وتكول اسئل زوجتك
ورده ..شنوووو 🤔
حسسن ..احجي شكو بينج وبينها
ورده ..والله ماكو شي ابينه جيبها كبالي وسألها
حسين ..خلي اطلع هسه ومن ارجع اعرف شغلي وياج عدل
ورده ..حسين متتريك
ماريد زقنبوت ...لان ازقنبت من الصبح
حسين ..بسيطه الج اني ياورده
لعلمج اني الاحترام لان كان رفضها وسلوبها محلو ابد ف حبيت اني اروضها بالصحيح لكن اضاهر سويت اني الذنب الاكبر
والنوب دتسويلي مشاكل داخل البيت ويه الجناين
جان بيتنه هادئ حيل بس من جبتها للبيت احترك البيت حرك
يوميه سامع شي والنوب كله ابراس ورده شنو دخلت البيتي شيطان لو ملاك
بس بيه الغلط اني شجابني عليج شوصلني انعل عالكلب الحبج
طلعت من البيت واني مفور غادي نار من ازوج اخوي حسن لليوم مسامع صوت زوجته ليش هسه يله كام يطلع صوتها
لازم ورده جاي صدك اضوج ام مصطفى يمكن مجاي اساعدها وشايفه حالها
بس ....؟ ليش ميصير هالشي وي زوجه علي اسماء
شو ما سمعت منها شكوه ع ورده ولا عذراء حتى امي اذا اشوف شي غلط ما تسكت عليه
لا لازم اعرف شنو الديصير وبطريقتي
مريت عالبستان ابو جعفر وينك
اي شيخنه انه جايك
حسين ..شلون الزرع
ابو جعفر ..خير من الله محصود يجنن
حسين ..والتمر تره اجه موعده لازم تنزلوه للسوك
ابو جعفر ..اي تدلل باجر يجون الفلاليح ونحصده كله
حسين .ان شالله
شخبار السياج خوما بعد تفوت جلاب
لا شيخنه ابد من العام من سويناه وما شفت احد تكرب ولا تكرم المحت جلب
حسين .خوش انه طالع ماوصيك بعد
ابو جعفر .الله وياك عمي حسين
صعدت السياره وفكري مشوش ماعرف الف حسبه في راسي
خليت ورجعت للبيت ساعه ١٢ الظهر
كبل فتت للبيت من الباب الخلفي ماريد اشوف احد
صعدت الغرفه فرح وظليت بس اتفرج عليهم
.😊😊😊
من شفتها تلعب مع فرح بالالعاب حسيتها صدك بعدها طفله مو مال زواج بس شسوي الكلبي الحبها وتعلق بيها
وهسه وبعد احبها وتمناها واريده
حبها يوميه يزيد مع زياده عمرها وجمالها
ياربي ساعدني هاي بليه حبها نهب عقلي وفكري وكلبي صرت مثل مجنون ليلى ابحبها
مر ع طلب ورده ثلاث ايام من كالتلي اريد اروح لهلي مشتاقه واليوم يله خلصت كل وشغلي بالديوان وبالبساتين راح اسلم بقيه الامور لحسن لان انه هم محتاج راحه فكري دمرني
لازم اليوم افرحها لان خطيه هي هم حقا تشوف اهلها
دخلت للبيت الظهر وصعدت للغرفه
ورده .شفت حسين اليوم جاي من وكت للبيت تفاجأت لان من ازوجت والهذه يومه الظهر ما يجي للبيت كله ابشغله وبالسلف ويم الناس وطلباتهم
رحت وراه اريد ادخل وسمعت عذراء
ولج يمه شبيج
ولجن لحكني اقبال اسماء
طلعنه نركض ع حسها
هااا شكو عذراء
وقبلنه كلنه طفر حسين
وشال امه وطلع بيها لسياره يركض
حسين ..صيحه عذراء اخذت كلبي وياها طفرت من الفراش حافي نزلت ركض شفت امي واكعه ابحضن عذراء شلتها وطلعت صحت ع ورده
حسين ..لج ورده جيبي السويج ابساع
ورده .ركضت للغرفه ادور عالسوج ضاع اختفه من كبال عيوني
وحسين عاط
يالفاااااااااهيه السويج وينه
ورده .دورت المكان كله ماكو
صعدت عذراء تركض دورت راحت لدشداشه كبل جان بالجيب لج عيني فدوه شكد فاهيه
ونزلت ركض واني وراها
حسين ..هااا يالفاهيه مالكيتي
ورده ..ما رديت عليه راحت وياهم ام مصطفى وعذراء وحسين للمستشفى
حسين ..وصلنه اخذت امي خليتها عالسديه
فحصها الدكتور
هي شعدها
حسين ..سكر وضغط
اي صاير عدها هبوط قوي بالسكر شنو مماكله الحجيه
عذراء ..لا ليش تريكت بس تقريبا ساعه ٨ الصبح
الدكتور ..اي وهسه ساعه وحده معناها خمس ساعات مماكه اكيد يهبط
هسه حنطيها ابره سريعه الصعود
حسين ..علكولها مغذي ونتظرنه ساعه وصحت الوالده
الحمدلله ع سلامتج يمه
عذراء..ليش هيج متاكلين وتخربين
حسين ..مو وكتها عذراء ..توها صحت من الغيبوبه
ام مصطفى ..الحمدلله ع سلامتج عمه
وشفت المستشفى نكلب كله الحجي والولد والعمام الكل جاي يشوفها
حسين ..يابه مابيها شي وكعه بسسطه ليش كلكم جيتوا
عدنان ..هااا يم الحسن شمالج هجي تردين تعوفيني وترحين
ماخفتي عليه انه وين اروح من بعدج
ام حسين ..خايب دسكت
الشباب ولد العم ..اي بخت ام حسين شرايحلج هاج الشيخ بعده يحبج ويتغزل بيج
ام حسين ..سكتوا سكتوا انتم ماتصدكون تسمعون ابميت علمود تشبعون لطم بي
جا هوه ما يغازلني وانه صاحيه من اتعب واوكع يغازلني
حسن ....اااااااي والله عمي الحجيه روحه بعدها شباب وتريد مغازل من الحجي
علي ..وك تعال حسين تعال اسمع امك تريد مغازل من ابوك حتى ترد لصباها
ام حسين ..ولكم اسكتوا لا اكوملكم
الكل ضحك
