البارت ..٣
#انين الرووح
عشك طفله
ابو حسين ..
جا خوش اسوي بس لا تتاخر علينه تره اخوتك ما يدبرون شي من دونك
حسين ..صار وتدلل يابه الباجر اني عدكم
حيدر ..شبي الوالد عمي عدنان
حسين ..لك اسكت غبت يومين نكلبت الدنيا عبالك اني الوحيد الي اوكفها ع حيلها
ابوي كالب السلف كله واخوتي ما شالله
لا يهشون ولا يكشون بس منظر
واكع السلف كله ابراسي والله تعبت ومليت
حيدر ..والله يا احسين حقك تعب لازم ادورلك ع عضد يشيل من تعبك اشويه
حسين ..حيدر ليش ماتجي الديرتنه اني انطيك بيت كامل
وانت تكون وياي مسؤول بكلشي وتعوف جو بغداد والتعب
حيدر ..لا خوي اني ما اكدر اعيش بالريف ما اتحمل احب الروشه وكثره الناس والضجيج مو مثلك
تعزل حالك ابستانك يم الزرعات والحلال
حسين ..هههههه والله ما يصيرلك جاره انت من جنت صغير تعشك بغداد
حيدر ..اي يخوي هوه بغداد يرد الروح بيه
حسين ..خاب دطير هوه بغداد كله عطاب السيارات والدخان
والنوب التفخيخ والانفجارات كلها كملت
والله يا حيدر لو يملكونياها ...تمليك ما ارضه اعيش بيها
عود مثل هوه الريف اليرد الروح هواه نقي تشم ريحه الزرع والورد وتشوف بعيونك الزرع شلون يكبر وتبدي تحصده اويلي اشتاكيت لتراب كاعي مو يومين غايب تكول سنه ما شام هواها
الله ع هل جو الحلو شوكت يصبح باجر
حيدر ..ليش ضجت مبين بعد ما تصبر بس تريد ترجع
حسين ..اي والله اريد ارجع وحضن كاعي وبستاني وحياتي
حيدر ..كوملنه خل نطلع نفتر شويه طلعنه رحنه فترينه وكعدنه ابكوفي حلو وتونسنه صارت ساعه ١٠ بالليل رجعنه للبيت دخلت
ام كرار ..لتحضرين عشه لان متعشاين
ام كرار ..كمت بس فرشت الفراش ورجعت الغرفتي ظلوا حيدر والولد سهرانيين وي ابن عمهم حسين واني نمت وما حسيت بعد لان بالنهار اتعب واصلا ماحب السهر هواي
حيدر ..كرار جيب الدومنه خل نخصر حسين
حسين ..منو يخسر
انت تعرف ويامن جاي تلعب
حيدر..وذا خسرتك شتنطيني
حسين ..التطلبه
حيدر ..اوك اتفقنه
بدينه نلعب مجموعات اني ومحمد وحسين وكرار
ايوووواه صار واحد عليكم حسين
هاي تونه
حسين ..اليضحك بالاخير حيدوري
هاي تعادلنه ولا يهمك
وظل العب وصارت الساعه ١ ونص بالليل
واخيرا حسين وكرار فازوا
واني ومحمد خسرنه
وسمع التعيار
نص وشوف حسين يعمل ايه
جيس جيس زوراء هوه ولواعيبه
الصوت صحه البيت كله
جتي اطياف (ام كرار ) تركض شبيك خير ليش هالعياط
الكل ضحك لا يمعوده بس احنه فزنه وحسين كام يعيرنه ويغني
حسين ..هاااااا ولك حيدر منو الخسر ومنو الربح
سمعت كرار ابوك شيكول لمك
اي عمي اسمعت
يمه لا اصدكين ببويه تره احنه فزنه وهمه خسروا
حيدر ..ولك كرار لتكذب عيب
يابه احنه الفايزين
حيدر ..احنه مو محمد
اي يابه اني وانت همه خسروا
وظل واحد يكذب عالاخ
اطياف ..كافي كافي صحيتوا العالم هسه عبالهم دخلونه حراميه
اطياف ..يله عيني شوفوا الساعه ابيش
حيدر وحسين خرب لك هاي ساعه ٣ والله اخذنه الوكت
حيدر ..طولنه وياك وانت باجر عندك شغل ياله ياولد كومونه
عيني حسين البيت بيتك لا تضايق ابد اخذ راحتك
حسين ..تسلم حيدوري
طلعنه من الاستقبال وكلمن راح الغرفته
حسين ..من طلعوا تمددت بفراشي وبدت الافكار تحاوط راسي
اني ليش هلكد دافكر بهالطفله معقوله شكلها عجبني او الفت انتباهي
ظليت بس افكر بيها وكمت احوص بس اريد اشوفها
ياربي شلون اهديلي بالي
نسيني هل طفله
مكدرت بعد طلعت من الاستقبال وتوجهت الغرفتها وصلت للباب
اريد افتحها ....جريت نفسك عميق وصفنت وبعدها تعوذت من الشيطان ورجعت للاستقبال
ولك حسين انت شجاي اسوي باله لو كايم احد وشايفك كبال باب البنات شراح اتكللهم وطلع عذر
وانت تالي عمرك بالله تكذب
حيل استحقرت حالي وتعوذت الشيطان
وضليت استغفر ..
ياربي والله شكلها مجاي يروح من بالي
نزرعت في دماغي مراضيه تروح عني
ظليت اتخيلها واني ابخيالي احاجيها
وخذتني الغفوه ونمت صحيت ساعه ٧ الصبح كوه اشيل جسمي من النعس الكل نايم كمت غسلت وبدلت وطلعت
حيدر ..كعدنه ساعه ٩ رحت اصحي حسين ما شفته بالفراش دورت عليه ماكو اتصلت بي
هاااا ابو علاوي وين انت
حسين ..اني بالمعمل
حيدر ..شو ماكتلي وطلعنه سويه
حسين ..مايستوجب انت كمل وتعال
حيدر ..اني مسافه الطريق وكون يمك
حسين .كل الهلا بيك
حسين اني طلعت متعمد لان راسي دمرني بالتفكير والبنيه مجاي تروح من بالي خفت ع حالي وعليها وقررت اطلع من بيتهم وما اجيهم بعد
حيدر ..وصلت للمعمل شفته كله يشتغل دخلت للاداره شفت حسين كاعد
السلام عليكم
وعليكم السلامه
حيدر ..شمالك غباشي طالع
حسين.. والله جنت نشط وكلت خل استغل الفرصه
حيدر ..نشط مو لوما خفت لان خسرتك
حسين ..خرب ولك منو الخسر منو المفروض اصورك حيدر ..هههههههههههه عاد متريك
حسين ..لا بعد هسه نطلع وناكل عاجبتني كبه قدوري
حيدر ..وين تلحك عليها هسه فوك التسعه تلكاها يمكن خلصت
حسين ..يابه شدعوه
حيدر ..غير انت ما تدري ..بابا نكتل الصبح من زمان وقدوري
