البارت ...٦
#انين_الرووح
عشك طفله
شافت الكيكه مرسومه عليها صورتها
ويمها لعابه طارت من الفرح والكل شارك فرحتنه والكل ركص وغنه واكل وقطعنه الكيك واكلنه انتهت الحفله بالحب والفرح والوئام
ورده ..من فتت للكراج مال بيت عمو حسين تفاجأت بالحفله والنشرات والاكل صدك كانت اجواء اجنن ومن عرفت هاي الحفله اتخصني وتخص عيد ميلادي
طرت من الفرح تمنيت احضن كل الموجودين ..
دورت ع عمو حسين بس مالكيته عرفت طالع ويه الزلم للسلف مالهم
قطعت الكيكه
وضميت حصته بيدي لان حبيت اشكره عالمفاجاءه الحلوه
كانت الدعوات الحلوه من الجميع
جتلي فرح وخذتني وبدينه نكرص اني وياها وبسمه والاطفال كلها
عذراء ..شفت ورده جاي تركص صورت الحفله كلها لان احسين طلب مني هالشي
نصبنه العشه والكل اكل وتونس
وكملت الحفله
فتنه للبيت وجلسنه بالاستقبال ننتظر عمو حسين علمود اتشكر منه ع هل حفله الراقيه
صارت ساعه ١٢ بالليل رجع مع ابويه واخوتي واخوته للبيت
دخلوا للستقبال وجنت اني وفرح وبنات عماتها كاعدات ع القنفات ننتظرهم
دخل عمو حسين وكعد رحتله وتشكرت منه وبسته من خدوده
هوه فرح وكلي بعد عندي الج مفاجئه حلوه
ورده ..عمو كل هذا وبعد اكو شي
حسين ..اي اكو اخذتها من يدها ودخلتها غرفه الضيوف
شافت الهدايه كلها وركضت ع علبه جانت مجلده كالت هذا شنو
كتلها افتحيها ..
عمو هاي كلها الي
اي حبيبتي كلها الج
حسين..فتحت الجلاد وطلعت لعابه من فرحتها عاطت
حسين.. اني فزيت عبالي اكو شي ركضت عليها وجان هي
تحضني حضنه قويه في ساعتها اني معت رادت تجيلي الجلطه ههههه لان متمنيت تهدني ابد وظل مجلبه وعاكده يدها هيج طول العمر
ورده ..شكرا عمو اجمل هديه هاي اني عشقي العابات اموت عليهن انت شلون عرفت احب الالعاب
حسين..هذا احساسي بيج ورجعت باستني وحضنتني
اويللللللللللي ياكلبي صدك شاب مراهق بالعشرين عفتها وطلعت
هي متونسه ابغراضها والهدايا ورحت الغرفتي مددت وتخيلتها شلون حضنتني وبوستني وظليت بس اتحلم بيها
صحينه وكتلهم يا جماعه من جيتوا لليوم ما اخذتكم للشط
ابو كرار ...اي اليوم عليها نروحله
حسين ..اي اكيد خل انطي خبر
حيدر ..ابو علاوي اكلك
حسين ..كول عيوني
حيدر ..ليش ما ناخذ العائله كلها ويانه شباب وبنات ونخليها سفره عائليه
حسين ..من كلي صدمني بس استحيت اردله طلب
صار ابو كرار يجرالك
انت انطي خبر العائلتك وانه راح ابلغ البيت والموجودين كلهم
حسين ..عذراء وينج
عذراء ..ها خويه اني اهنا
عذورتي كولي لمي ونسوان اخوتج يتحضرا راح نطلع سفره لجزيره
عذراء ..صدك تحجي حسين
اي يله لا تتاخرا ولا تشيلان اكل لان مناك نشتري
عذراء ..يمه يوم ولجن بنات
ام مصطفى ..هاي شبيج عذراء كلبتي البيت بعياطج
اي ولج حضري حالج انتي والجهال راح نطلع سفره للجزيره الوسطيه
ام مصطفى ..هاي منو كلج
عذراء ..غير اخوي قابل انه اصرح كلام من كيفي
ام مصطفى ..جا خوش خل نجهز
اي ابساع لان كالي ساعه ١١ الكل اريده جاهز
اي عيوني صار تدللين انتي واخوج ابو علاوي
عذراء ..بنات فرح ورده بدلان راح نطلع
ام كرار ..وين نروح
عذراء ..للجزيره
ام حسين ..ولج عذيره ياهو هاي الجلج راح نطلع
يمه حسين كلي تحظران لان راح يطلعنه
يمه خافنج سمعتي بالغلط
حسين ...فات للهول .لا يمه صح كلامها راح اخذكم للشط يله كومي
ام حسين ..ولك خايب انه تعبانه
حسين ..يمه هي ساعه ازمان والله من تشوفين الشط ترد روحج
وتذكرين ايام صباج
الام ..خايب اسكت ما تجوز من سوالفك التعبانه يا صباي
هوه انه اشفت من صباي غير صلعيه ابوك
حسين....هههههههه هسه صارت صلعيه مو حجيه
قبل ما جان عنده شعرات قابل
الام ..لا ماعنده من تزوجنه وهو اصلع ويفزز الجهال
حسين ..والله يا يمه ما تكعدين راح
كل كلمه وراها قنبله
حسين ..صارت الساعه ١١ انتن ما جهزتن
عذراء ..جاهزين وانه صعدت الحصران والفراش
حسين ..يله بينه ابو كرار جهزت انت
اي خويه
الولد اي عمي
علي وحسن انتوا ..جاهزين
يله امشونه
طلعنه والجو يجنن
حسين ..علي انت اطلع كبل لبو مشتاك جيبلنه حطب وكل لوازم الشوي
وجيب وياك فاكهه ولبن وتعرف الباقي انت
علي ..اي طالع ابوجهي عليه
وصلنه لاجزيره
حسين ..اوكف شويه حسن خل ندور مكان بي شجره وتظل علينه
حيدر ..اكلك حسين ليش ما ينزلون الشباب ودور مو احسن
حسين ..مو الشمس قويه عليهم
هسه شويه ونلكه مكان
حسن ..تعال وراي حسين لكيت مكان
وصلنه وصدك جان مكان روعه شجره وظل وكبال الشط
يله فرشن الحصران
حسين ..حسن بالصندوك المولد نزلها ونزل البنكه الارضيه
حسن ..ها خويه جايب المولد الصغيره والله عفيه عليك
حسين ..جا شلون غير نموت من الحر .نزلها نزلها ونصبها عالسياره وعالبنكه
اي يابه افهمت بس اصبرلي شويه
ام مصطفى ..عيوني من يمج نزلي المخاد خل الحجيه تاخذلها ركن ترتاح بي
عذراء ..بنات لتروحن بعيد ظلن يمنه قريبات لا يصير شي بيجن
اي عمه منروح بعيد
فرح نزلت الطوبه والحبل علمود اني وصديقاتي نلعب
كرار ..نصبنه المكان كله عدل حسب الاصول وفرشنه الفراش وحسن شغل البنكه (مروحه ارضيه)
محمد ..عمي احسين هذا الشط بي سمج
حسن ..اي كومه وسبع اليصيده
كرار ..خوش لعد اني راح انزل وصيد
ام كرار .. وين تنزل
كرار..ها يمه بدت رحمه الله
حسين ..ام كرار لتخافين عليهم احنه وياهم
والله يابو فرح الشط يخوف عميق وخاف يغركون
لتخافين احنه وياهم
كعدنه ارتاحينه من الطريق
وصل علي ونزل الفحم والغراض ..ها خويه شراح نشوي
حسين ..كلنه ننزل للشط واليصيد سمج يشويها
حيدر ..وذا ما صدنه ههههه ناكلك الك ..انه بالنسبه الي لا انزل ولا اوصل للجرف
حسين ..كوم لك شنو ما تنزل غير اريد اشوفك السباحه شلونهم
كرار ..عمي اني وياك نتراهن بالسباحه
هاااا يعني انت تكدر تعبر الصوب للناحيه الثانيه
محمد وانه هم انزل وياكم
حسين..وانت حسن ..اي اكيد انزل وعلي هم ينزل
جا بقه بس حيدر
حيدر ..عيوني انتوا نزلوا وخلوني سالم ع ريشاتي
حسين ..ولا والحظ ما انزل اله انت تنزل
حيدر ..حسين والله اغرك بالساجيه انه شمالك ما تعرفني
حسين .انه وياك ياخوي
كمنه وتحضرنه اني والشباب نزلنه كلنه للشط وحيدر ويانه وبدينه نسبح لازم نعبر الصوب
ام كرار ..نزلوا للشط ويدي ع كلبي اخاف ياخذهم الموج لان قوي والنوب كرار حيل متهور
كل شويه وعيط
رجع علي وشايل سمج بس صغيره
ام حسين ..هاي شني جايب
علي ..يمه صدتلج سمجه شكبرهااااا
الام .خاب دول هاي ما محسوبه عالسمج
هاي بحلك ابنك الصغير وهمه يبقه جوعان
عذراء ..هههههه علي هاي شنو
يمعوده جاي اسبح ونضربت بيه لزمتها كلت خل اجيبها احسن من ماكو
ام مصطفى ..علي ..شوف حسين والله سباح طلعهم ملهم
بعد هذا اخوي ابن الذيب النجر عدنان محد يلحكه
حيدر ..رجعت نص الشط بعد تعبت وصار عندي دوخه ماي
اخذت السناره وشمرتها للشط علمود اصيد سمج احسن من الدوخه
رجعوا الشباب كلهم الوصل للصوب الثاني بس حسين وكرار
حسن ومحمد هم تعبوا ورجعوا
وصدنه الحمدلله ٣ سمجات
٢ وسط وحده جبيره
علي حظر الحطب وشعله وبده يشوي
البنوات حظرا الزلاطه والطرشي والخبز والبن
ام كرار صاحت عالجهال ولتمينه كلنه ع سفره وحده وكعدنه ناكل والحمدلله لمه حلوه وما تنسي
صار العصر تقريبا ساعه ٧
نزلان البنات للشط كعدان عالجرف يلعبان بالمي
والجهال قريب يمهم
واني صافن عالشط والسمه وعيون ورده حاير بيها وبعقلي وكلبي الخطفتهم مني بدون اذن شلون راح اكدر افاركها
مر الوكت ابساع حملنه غراضنه ورجعنه للبيت
حيدر ..والله اليوم من اجمل ايام حياتي حيل تونسنه
مرت الايام وصبحنه يوم جمعه وحيدر كلي اليوم لازم نرجع البغداد
هاي صارلنه اسبوع ابيتكم اكلنه وشربنه وتونسنه وانتم ما قصرتو ويانه طرتو بينا طيران
حسين ..اي تدلل ترحون اليوم بس وره صلاه الجمعه تغدو وطلعوا
حيدر .لا خويه ورانه طريق وتفرف
الدنيا مو امان وهم ياله
حسين ..لا تخاف جماعتنه يوصلونك انت وعائلتك البيتكم سالمين
حيدر ..بعد مكدرت ارده
صار موعد الصلاه وتوجهنه كلنه الزلم للجامع صلينه وسمعنه الخطبه ورجعنه للبيت
حسين ..اني صار فتره معاجبني وضع ابوي كل فتره ورايح الاربيل مدري شكو
حيدر ..اي روح وياه فد يوم
حسين ..ما يرضه اروح وياه
بس لازم فديوم اعرف شعنده
حيدر ..الله كريم
تغدينه ودزيت خبر لم كرار يتحضرون لان راح نمشي بعد شويه
تحضرنه وجهزنه وجاي نطلع شفت سيارتين ويانه توصلنه وحده سوده عاليه توسان والثانيه بيكم راس الثور محمله من حب كلبك واشتهه فواكهه والبان ولحوم بس كلها مغلفيها وفوكاها قوالب ثلج
