جمال الندى

البارت الرابع عشر

اجت ماما جايبتهة  وياهة فتحت الباب مستغربة
صاحت جمال شبيك شنو الي صايربيك
شبيك ليش هيج وجهك
رديت عليهة
لاتخافين مابية شي
مادري تهجموو علية عصابة
ليش شمسوي انت
لأن حبيت بنتهم اسمهة ندى
شنو تنكت وانت بهل حال
مادري منو همة وشجانو رايدين مني
أنكسرت ايديهم مخربطين وجهك
صدك خفتي علية
لعد لويش ماخاف زوجي وأبو ابني
بس ماكو فوكاهم بعد
وحبيبي
ندى بعدج تحبيني ..
يعني هذا سؤال تسألة ..احبك واحبك
لأخر لحضة بعمري ..
لعد ليش تريدين تعوفيني ..
ابد ولا اكدر اعوفك غير اموت
بس جنت اريدك ترد علية ..
شبيك ..
شبية مشتاقلج ..وانتي تعرفين اشتياقي
من يانوع ..يعني حرمان ..
ندى ..اني حتى ما لحكت اشبع منج ...
شبيهة ايدج ترجف معقولة بعدج خايفة مني ..
لا من تحجي هيج ما خاف منك لان ادري انت
بأصدق اوقاتك وياي ..
بس ابد ما انسى نضرت عيونك والراشدي الي
ضربتني اياه اسبوع وجهي خدران...
حبيبتي ..لا ذكريني بذيج الايام ..
تعالي تقربي علية ..
خليت راسي بحضنها ايدها تلعب بشعري
يمكن هذيج جانت اريح نومة أنامها بعد كل
ذيج المشاكل اللي مريت بيها ..
جانت جلسة صراحة بينا
كعدت لكيتها نايمة يمي همست يم اذانها ندوش
فتحت عيونها ..صاحت جمال تأخرت وديني ..
شبيج فززتيني عبالي بيج شي ..
عيب من اهلك ..
ولج شنو عيب انتي مرتي وحلالي ..
ادري بس ..اشوفها مو راهمة ..
ندى اسكتي ترى من اكول ماتطلعين
ماتطلعين... وانتي تعرفيني ..
جمال عفية مو وكتها الخاطري ..
تعالي بوسيني ..
مال سبع اشهر...
شلون يعني...
مادري ..
جكال والله تأخرت عفية خابر بسام الخاطر يزن
شبيك ياعيني شو هيج تباوع علية
شوكت عاد نرجع مثل قبل حبيبين ..
ان شاء الله قريب...
متأكدة ..
جمال خابر شلعت گلبي ..
والله انتي الي شلعتي گلبي...
الو..الوو
شلونك بسام..
هلوو جمال شلون صرت ..
الحمد لله بخير ..بس شفت الحب صرت احسن
شنو اخبار يزن ..
تمام لا يضل بالك ..
عيني اذا تكدر تعال اخذ ندى ..
ليش خليهة لويش  جاية ..
اني كتلهة ماتقبل ..
اوكي شوية وأجي ..
راحت ندى ..نزلت جوة تلكتني ماما
اي عيني الأبتسامة بس الندى ..
وجهك يضحك يخبل اي هيج أريد اشوفك
بعد امك  ..
ماما ..عيون امك
احبج حضنتهة بوستهة ..
تعبتج وياي ..
حبيبي اني من اشوف هاي الأبتسامة
أيروح كل التعب ..
كلي شسويت على دراستك
خابرت دكتور صديقي شرحتلة الوضع
كالي لاتتأخر واني ارتب الموضوع ..
هااا شوكت اسافر ..
بعد كم يومبس أيروح الوروم الي بوجهي
ماعرفت هذول منوو ..
لا والله ..
صدك جمال ..احمد دك على تلفون البيت
سأل عليك كتلة نايم ..
كالي من يكعد خلي يخابرني ضروري ..
اوكي ..
رحت الغرفتي خابرت
الو ..
الو..هااا حمودي شلونك ..
هلوو  جمال شلون صرت ..
الحمد لله ..
مخابر على ماما ..اي والله
السيارة الي انطيتني مواصفاتهة عرفت من اصحابهة
منو اني أجي وافهمك ..
يالة انتضرك بس ماريد احد يدري
يالة شوية واجي ..
انتضرك ..
صحت ماما ..ماما  ..
أذا اجة احمد خلي يجي فوك ..
براحتك ماما من يجي اخلي يصعد...
اندك الباب ..تعال ..
هاا ولك شلون صرت الحمد لله
بس كلي ندى اجت ..
اي ..من هذا اليوم فاك حلكك ومطلع سنونك
تصنف علية حمودي ..
لا ما صنف هاي حقيقة .،
اوكي ..اكعد السيارة مالتمن ..
شبيك خلي اتنفس ..
احجي اريد اعرف منو هذا اللي سوة بية هيج
ولك مو سوة يمكن سوت بيك هيج ..
شتقصد بنية...
يمكن ما متأكد ..
احجي السيارة المن ..
السيارة نفس المواصفات خوال بنت عمك
يعني معقولة مروة...
ليش مو معقولة ..
احمد متأكد ..
والله اني على المواصفات اللي انطيتني اياهم
شوف ماريد احد يدري خاصتآ بابا ..
أني عندي فكرة ..شنو هية كولي ترى اذا ماتكلي
مانام بليل...
ههههه صدك
اي والله الفضول يقتلني ..
ولك غير اتأكد يالة اكلك خاف مو همة
اوكي انتضر منك خبر ..
احمد اني بكل الأحوال ما سوي شي الا انت وياي
اوكي لعد اروح ومن تريدني خابرني
وين خليك وياي تعشة هنا
لا حبي عندي كم شغلة اريد اخلصهم 
يالة باي
باي...
بقيت كاعد افكر شلون اوصل الهة اذكرت
اني من جنت خاطبهة سويت الهة الفيس .،
بقيت ساعة أذكر شكد الباسورد ..
أكتب ويطلع غلط الى أن تذكرت ...
فتح طبيت على الماسنجر بديت اقرأ
واقرأ...  مالكيت كلشي ضلمتها ..
توني اريد اغادر لفت انتباهي واحد اسمة
قاسم شقاوة/فتحت الدردشة اقرأ واني مامصدك
هاي شنو صدك تكرهني
متفقة وياه يضربوني قبل لا اسافر بكم يوم حتى تروح السنة علية وارجع انوب اسافر سنة اخرة
حتى ندى تمل مني واطلكهة
شنو هاي اكيد مو صاحية .. زين ما متت
صدك عمرة الي يكره مايحب
اني اعلمج الا اخليج من اشوفيني تتمنين الموت
لا ومتفقة ويا تنطي اربع اوراق  لعد شكد صاقطة
لازم افكر شسوي أخاف على بابا من المشاكل..
سمعت صوت ماما دكلي جوجو تعال تعشة ويانا
نزلت ..تعشينا بقينا انسولف نضحك  ..
شوية ترخصت منهم صعدت تمددت افكر شسوي
خابرت هاا مروة...
هاا ملك ..هلوو جمال شلونك شلون صرت
خوما تأذيت ..
صدك مبروك عليك الصغير ..
شبيج ماتنطين فكة واحد يحجي
شبيك بس ترزل بية غير خايفة عليك
ليش تخافين اصلأ انتي منو
شبيك جمال غير ابن عمي ..
هاا ..كلتيلي جنت ناسي اني ابن عمج
اكلج تكدرين باجر تجين للبيت ماكو احد بس
اني...  اي اجي شوكت تعالي الصبح بال تسعة
اوكي اني شتاقيتلك
اي انتضرج بس لا دكلين لأحد ..
دزيت مسج ماما اذا كاعدة تعالي علية بدون مايدري
بابا... ردتلي نص ساعة واجي...
خابرت على ندى
الو ..الو حبيبتي.. جمال
عيون جمال ..اريد اروح على يزن ..
ادللي باجر العصر ..
ليش مو الصبح ..لا الصبح ابقة نايم
هاا لعد العصر ..
يعني كلما ماعندج غير يزن تسألين عنة
وأبو يزن ..
طبعن ابو يزن هو كل حياتي ..
لج عاد حني علية حتركو اهلج...
هههه ليش تحرك بأهلي ..
مو اني دحترك ما شتميتي عطاب گلبي اليوم
والله مورث من وراج ..
ندى شوكت عاد تعالي ..
جمال حتى عمليتي بعدهة ماطابت
هااا صارت هيج...
نداوي صدك اني محترك بس كلشي
ولا أأذيج ..يعني اكو واحد يأذي روحة
ندك الباب ..
يالة ندى تصبحين على خير
شبيك جمال مو دنسولف
ولج الباب ندك
هااا يالة لعد باي
ماما تعالي ..شبيك..
بابا كاعد
اي كاعد ديقرأ كال شوية وينام
شبيك يوجعك شي ..
لا مابية شي ..
بس اريدج باجر ما تروحين للدوام
ولك شبيك ..
ماما طلعت ملك اللي دازتلي جماعة ضربوني
صدك تحجي ..
اي والله ..
بنت الكلب ..شلون عرفت ..
اني شفت السيارة ونطيت المواصفات لأحمد
اجة كالي السيارة نفسهة عد خوال بنت عمك
اي كمل ..
فأني من خطبتها سويتلها فيس
واعرف الباسورد / وهسة فتحتة لكيت كل المراسلات
خزنتهم كلهم ..ف خابرت عليهة باجر بالتسعة تجي
كتلهة ماكو احد بالبيت  .،،
ف ما اريدج تروحين ..حتى تسمعين كل شي ..
يمة اخاف عليك منها ..
يعني اليوم دزت احد يضربني باجر ما ندري شسويي
يمة هاي شلون وحدة الله بلانة بيها ..
مو هية هاي الي تريدون تحطوهة براسي
تتفق ويا شقاوة علية لا والكواد ابن خالهة
ومنطيتة كلادة ذهب .،
ولي ضربوني منطتهم اربع اوراق
بس من الغباء السيارة مالت ابن خالهة
يا يمة ماشايفة هيج بحياتي...
زين ليش هيج تسوي .،
بلكي تروح علية هاي السنة ..
فراح اعيد سنة ..وتكثر مشاكلنا  اني وندى بالكت ننفصل ..وهية ترجع علية وخطبهة
عزة بعينهة شلون تخطيط..
لا وباجر تريد تجي مشتاقة الي
دير بالك منها جمال اني خايفة عليك ..
لا تخافين اذا ما وكفهة عد حدهة راح تتمادة هواية
لا باجر من الصبح راح ادز على اخوهة حتى يسمع
اختة المصونة شد سوي من وراهم ..
يالة لعد اني اروح انام ..
ماما مثل ماكتلج ماريد لا بابا ولا ندى يدرون
بالموضوع...
بقيت كل الليل ما كدرت انام ..
غفيت وجه الصبح شوية وكعدت ..
بقيت كاعد لحد ما راح بابا  للشغل
أجت ماما فتحت الباب
صباح الخير..
صباح الورد ..
كوم ..قبل لا تجي الخانم ملك
ماما بعد نص ساعة وتجي من تجي خابري
على مروان اخوهة وكليلة من يصل لا يدك الباب
خلي يخابر عليج ..
وانتي اطلعي من الباب الي ورة البيت...
جمال شنو هل تخطيط ...
والله صاير  تخوفني  ..
لاتخافين اذا مو هيج ما نكشفهة ابد ..
اوكي
شوية دكت علية هلو جمال ..
هااا انتي وين  ..
اني برة افتحلي الباب ..
انطيت اشارة لماما ..مثل ماكتلج سوي
طلعت افتح الهة الباب ..
سلام .. عليكم السلام
شلون صرت ..الله لا ينطيهم العافية
ماعرفت منو هذولة ..
لا ماعرفت بس يمكن متوهمين بية
هااا ..
فوتي ماكو احد ..
كعدنا بالصالة ..شوية كالت شتاقيتلك
شوفي ملك اني اريد اطلك ندى ..
اي يمعود احسن اخلص من دوختهة
ومنو يكول ما هية واهلهة دزو عليك ناس هيج
ضربوك ..
اي اني همين كلت هيج ..
جمال اني مستعدة اربي ابنك واضل خدامة الك
بس ارجع أخطبني ..
اجتني رسالة من ماما اجة مروان
اسمعي ملك انتي غبية ولو تموتين ماراح اغير
وجهت نظري عنج ..
يعني اذا احبك غبية ..
لا مو لأن تحبيني .. غبية لأن اني كشفت كلشي
شبيك جمال تخربط شنو الي كشفتة...
لازم الضربة اثرت على راسك ..
هههه..لا الضربة الي على راسي صحتني
مو اكلج انتي غبية ..
غبية لأن عفتي كل الناس جبتي ابن خالج
حتى يجيب عصابة يضربوني ..
ورجع الغبي انطاهم سيارتة
هذا الحجي ماصار ..
شبيج على كيفج ترة هو اجة كالي كلشي
اي ذكرتيني موبس هاي ..
الفيس مالتج اني الي سويتة الج .،
فتحتة وقريت كل مأمراتج الخبيثة
صورتهم حتى اشتكي عليج
بقت فاكة حلكهة شوية ..
جمال استر علية والله اني بريئة
لأن احبك هيج سويت لا تفضحني ..
ليش افضحج انتي سويتي شي
بس دزيتي عصابة گسروني ..
انتهت العبة مالتج ست ملك
اليوم راح اشتكي عليج ..
جمال عفية الله يخليك لا سوي هيج
جمال هاي اخر مرة بحياتك تشوفني بيها
لحضة عندي الج مفاجئة ..او يمكن مفاجعة
بكيفج انتي حسب الي تحبي تسمي ..
دخلو علينا مروان وماما
بقت مخروعة شسوي
بدون تفاهم سحلهة اخوهة وطلع...

يتبع.....

————————❤️

حبيباتي هواية يهمني رائيكم
علقو لان دقرا التعليقات كلهة
شنو الي اكثر شي شدكم بالقصة اوبقيتو متابعين وشنو الي عجبكم واني راح انشر بارت
اضافي وراح ارد على تعليقاتكم
كلهة اذا حابين ارد ..
لأن من اشوف شنو تحبو بالقصة يصير عندي شغف اكتب
بسرعة تحياتي الكم احبكم 😘