6 ||
في لحظة تبدل من أمير لوحش و دزها بقوة حتان طاحت تجرحت يدها من غصن شجرة و صار يعيط :" يسمى عرفتي شكون انا؟ راني نحكي مع ربك اهدري... اذا راكي تشفقي عليا غير ماتعبيش ربك انا مش محتاجك "
نسمة مالقات وش دير و صارت تهدي فيه :"شبيك انت ماتعيطش لا يسمعوك.." قبل ماتكمل قاطعها يصيح اكثر :"واحد مارح يسمعني و واحد ما حاول يسمعني..... و راس يما ن** جدكم كامل و رح تندموا "
راح لجهة الطريق و هي بقات مفجوعة تبع فيه بعينيها لحين اختفى و صارت تبكي و تقول :"علاش يا ربي اش عملتلو علاش ماحبش يفهم مشني نشفق عليه انا فاهماتو و..." قامت تلملم في قشها تمسح في دموعها و تسقم في روحها و دخلت للبيت مسحت جرح يدها بسطحية و رقدت
عند ايهاب :
كان متأكد باه يدمرهم الكل عيط لواحد يخدم عندو و مشى للمدينة بالضبط لبيروه (تتسائلوا وش يخدم؟ عندو شركة تع تصدير و إستيراد ) و من اهم الشركات فدزاير قدر ينجح بعد ما خذا منحة دراسية لفرنسا فإدارة أعمال و كي كمل عمل شركة هو و صاحبو اسلام و بدعم اب اسلام قدروا ينميوها اما توفى الأب لي داعمهم و نسحب اسلام من الشركة باه يحكم شركات باباه و هكا صارت الشركة لايهاب لكن بقى حاقد على عايلة امه لأنها توفات قبل ما يعوضلها الفقر بالغنى و الراحة و كان حقها فالورث قادر يسعدها مش قضية صوارد قضية انهم يعترفوا بيها و تموت مرتاحة و كيما تعرفوا اخطر حالة يوصلها الإنسان مرحلة الإنتقام...
سمانة مابانش كانت متحيرة عليه و في نفس الوقت مرعوبة من تهديده اليوم عرس ريم و الدار مهولة و قلبها مهول ثاني... عند إيهاب :
كانت الخطة جاهزة و كل الدلائل مرتبة قرر أنه فالعرس يشكي بخوالو لأن رح تتلم العايلة الكل و إنتقامو مش رح يتوقف بحبسهم برك حتى انه دبر مجرمين داخل الحبس لي رح يتحطوا فيه باه يشبعوهم ذل ناض الصباح دار دوش خفيف و كل ما يتفكر نسمة يتقلق أكثر كانت فرحتو مش كاملة لأنها بنت خالو محمد و اليوم رح يسجن بوها و يفسد العرس تع بنت خالتو ما همو حد غيرها يتخيل فردة فعلها و كيفاه رح يكون شعورها بعد عملتو هذه اما سرعان ما يخرج الوحش لي فيه باه يشجعو على الإنتقام... لبس كوستيم فالاسود و ذيك الكرافاطة الراقية و الصباط لي يلمع و شعرو المستيكي (مش بالجال كي لحسة الداب 😑😂) و لحيتو لخفيفة طراساها اكثر و فحفح روحو بالبارفان لي يتشم من أميااال 😍 بإختصار خرج كعبة مقطوعة 😂
أنت تقرأ
كرونيك:💠 احبني _في_انتقامه_💠«باللهجة الجزائرية »
Fanfictionباللهجة الجزائرية 🇩🇿🇩🇿🇩🇿🇩🇿🇩🇿 منقوووووووولة### || الحلقة 1 || شكون فينا ما يحبش لمات العايلة خاصة كي تكون كبيرة و نسمة اليوم هابطة للبلاد ول نقول الريف احسن باه يحضروا لعرس بنت عمتها ريم. نسمة من النوع لي يتصرف بعفوية جمالها مش خارق كيف كل...
