18 ||
قدملها خلاص و فجأة هبط لرجليها حاط وجهو عليهم و محوط خصرها بيديه و قال بفرحة كبيييرة :"لا مرسي كي ارغمتيني نعترف بمشاعري كي كنت خايف منها ومن كل الحواجز لي كانت بيناتنا" تسمع فيه و هي تلعبلو بشعرو و قلبها يزغرت مش حتى يدق... قام يتمعن فوجهها و كمل اعترافو :"انا خسرت خسرت و بقوة لكن عمري ما ندمت كي لعبت معاك... نحبك نسمة نحبك نحبااااااااك" (سمعناك يا عينيا سمعناك 😍 😂😂) نسمة :"و انا نموت علي.." قبل تكمل غدرها ببوسة طويييلة خدرتهم لزوج و مبعد هزها و بقى يدور بيها... (باينة مش رح يبقاو يدورو للأبد 😒 المهم سيليباتار ضباسط 🌚)
وصلها للدار و دخل معاها حاكملها يدها و راسو طالع لسماء
نسمة :"تي وين رايح"
ايهاب :"امشي و اسكتي"
دخلوا للصالة و هوما هكاك كلهم تصدموا حتى من فاطمة و نسمة تحاول تبعد يدها عليه تي حشومة قدام امها و ولاد عمامها اما ايهاب ماسيبهاش و قال كله ثقة :"انا رح نسحب الشكوى و نخرج خوالي و خالاتي من الحبس حتى الدار تبقى ليكم و ما نحتاج حتى دينار" خزر فيها يتبسم و كمل :"اما شرطي الوحيد اني نتزوجها و نتمنى تساعدوني باه نقنع خوالي" نسمة حمارت تي ولات طمطومة و بدات تخمم "هذا خشين الراس لي خضع لحبها و تنازل عانتقامو على خاطرها سبحان مغير الاحوال"
قام جمال كبيرهم فغياب بوه و كل العيون تستنى ردة فعله الخايبة اما هو قعد يخزر فيهم لزوج و الصمت مالي الصالة و في لحظة تلاح عنقو و لأول يبتسم من قلبو و ناضت فاطمة تزغرت و نسمة تحضن فأمها و يبكيو من الفرحة ايمان فرحتلها اما حاسدتها على زهرها و قاموا لبنات يغنيو و نسمة في وسطهم ايهاب يحكي مع ولاد خوالو و لأول مرة يحس روحو مرغوب تي مطلوب مش مرغوب برك
صراحة كان متوقع انهم يردوه او حتى يسمعوه كلام اما لي صرا خلاه يحس انه بين عايلتو لي عندو سنين فاقدهم و بعد الفرحة جاء وقت الجد قعدوا يخمموا كيفاه يقنعوا الجمعي و الوافي
فاطمة :"ديرو العرس و خرجوهم فنهارو يا بعد هكا يتحطوا تحت الأمر الواقع هههه"
نسمة :"لا حابة نعاودو نغلطوا نفس الغلطة و نتزوجو بلا رضايتهم حتى يتبراو منا"
ايهاب :"................"
نسمة داخلها "ييي هلكتها... ضرك يتغشش مني"
ايهاب ناض :"رايح نحكي معاهم بالصريح و منها نخرجهم" جاء خارج لحقاتو نسمة :"اديني معاك"
ركبوا السيارة و الصمت سائد عليهم حتى كسراتو نسمة :"حبي.. سمحلي تكلمت فموضوع يجرحك والله ما كان قصدي بلعكس عمتي كانت اشرف الناس ربي يرحمها"
أنت تقرأ
كرونيك:💠 احبني _في_انتقامه_💠«باللهجة الجزائرية »
أدب الهواةباللهجة الجزائرية 🇩🇿🇩🇿🇩🇿🇩🇿🇩🇿 منقوووووووولة### || الحلقة 1 || شكون فينا ما يحبش لمات العايلة خاصة كي تكون كبيرة و نسمة اليوم هابطة للبلاد ول نقول الريف احسن باه يحضروا لعرس بنت عمتها ريم. نسمة من النوع لي يتصرف بعفوية جمالها مش خارق كيف كل...
