كرونيك:💠 احبني _في_انتقامه_💠«باللهجة الجزائرية »

💠الجزء الحادي عشر💠

 11 ||
نسمة و هي تبكي :"مش انا لي خربتلك حياتك ولا ريم لي قالت عرسي ما يفوت بلا ولد عمتي و لا ولاد عمامك لي كنا مانعرفوش بلي تكزيستي حتى خبرتنا عمتي نجية ذيك الطيبة لي تحكيلنا كيفاه كانت تهرب من عمامي باه تجي تزورك و انت بيبي صغير صح غلط عمي الجمعي و الوافي اما مش تحاسبنا كلنا على غلطتهم" 
ايهاب :"بلعي رب فمك زعما كون عرفتوا رح تعملوا حاجة كلكم كيف بعض و عمتك هذيك لوكان حبت امي صح كانت هربت و زارتني كي كبرت بالعكس هي قوادة سكتت على الظلم قال طيبة قااال" 
نسمة :"مش هملت بعدما توفات امك اااه؟رح تخرج تحوس عليك بيت بيت زنقة زنقة ول حابها تعمل كيفنا انا و ريم علاه تشوف فيها تعرف هذ لحوايج ومش كي عرفنا عليك درنا انا و ريم دي غوشاغش كبيرة باه نلقاوfb تاعك برك هذا و تقول ماديروا والو"
ايهاب :"انا رح ننتقم لأمي لي ظلموها خاوتها من لحمها و دمها"
نسمة :"و علاش ما رفعتش عليهم قضية قبل ماتموت ااه؟ مش تعرف صلاحها ؟ هي ببساطة تنازلت عن كل شيء مشني نتكلم على الصوارد نتكلم على التضحية على عايلتك لأنها سامحت قسوتهم و بقات تستنى فمسامحتهم ليها ثاني..."
قبل ما تكمل قاطعها :"علاش يسامحوها؟ ما غلطتش هوما لي غلطو و حبوا يزوجوها بلي ما بغاتوش" 
نسمة :"أما لا نكاح من دون ولي ما يصحش زواج من دون..." هاج عليها و حكمها من خيمارها حتان فسد و تنحى :"تقولي امي زانية... امشي تشوفي الزنا تع صح" و جبدها يكركر فيها للسيارة ركبها و هي تبكي :"اطلقني... ايهاب خليني نرووح"
في ذيك اللحظة تفكر قساوة الكلمة لي قالوهالو خوالو و ماتقبلش انو يسمعها للمرة الثانية من عند نسمة بالأخص لكن هي كانت رح تقول "انه هروبها مش حل و خاوتها ماحبولها كان الخير لأنهم ماحبولهاش التمرميد و كانت تقدر تقنعهم بطريقة اخرى تخليهم يتهناو عليها و يحسوا انها دايرتلهم قيمة" لكن الوحش تحكم فيه و بقى غير يزيد فلفيتاس و يخبط فلفولون و يصرخ كي لمهبول لأول مرة تشوفو هك حبس قدام دار تحفة من برا و ما بالك من داخل خرج و خرجها تع ذراع و كي ماحبتش هزها و هي تصرخ فيه :"وين ماخذني ايهاب.... ايهاب هبطني" هبطها و حشرها للباب باه حلو و دزها لقات روحها في دارو وحدها معاه و هو قلقان لآخر درجة صارت تعيط و تبكي:" ايهاب يهديك ربي ماتعملي شيء انا بنت خالك يكفي لي عملتو فيا"