أحمدي

البارت 5

*💓أحمدي💓*

م في زول كامل لانو كلنا ناقصين في حياتنا وفاقدين جزء معين..."

من كترة البكاء والدموع النزلتها حسيت رأسي حيطرشق عدييل قمت من سريري بلعت بندول قعدت في مكاني مساافه افكر انا ح اعمل شنوو طيب... في زول دق لي الباب فتحتو لقيتها امي جات قعدت جنبي قالت لي مالك انتي ي ملك؟؟ الحاصل معاك شنوو ملاحظه ليك من فترة انك م طبيعيه خالص... قلت ليها بس تعبانه ومصدعه شديييد ومسكت راسي قالت لي بتكذبي على اي زول الا انا امك تاني سكتا قالت لي اها في شنوو!! قلت ليها امي انا شفت احمد قالت لي احمد منو؟ قلت ليها الكان حبيب ملاك سكتت مسااافه قالت لي شفتيهو وين؟طوالي حكيييت ليها القصه كلها من اولها لأخرها بس م خلصت سرحت بعييد وقالت سبحان الله اتلاقيتو في النهايه ملاك كانت عايزة تعرفكم بس ولا مره اتلاقيتو الا بعد موتها بسنين.. هو كيف هسي كويس؟؟ قلت ليها والله ي امي ظاهر عليهو م نسى لانو متأثر شديييد قالت لي لانو كانت بحبها شدييد وظاهر عليهو بس انتي عارفه كنت بتمنى احمد يكون راجل بتي او واحده من بناتي انتي م عارفه انا بريدو كيف لما يقول لي امي ويتونس معاي ويسألني عن ملاك وامو كانت عارفه بعلاقتهم وانا اتعرفت عليها وكنا كويسين مع بعض بس بعد موت ملاك كل شي انتهى يمكن عشان متأثر م قبل يرجع يتواصل معاي تاني.. لكن والله اتمنيت يكون راجل واحده من بناتي 💜سكت م قدرت ارد ليها قالت لي يلا قومي اكلي حاجه قلت ليها م جعانه بس هسي مصدعه قالت لي طيب ارتاحي وطلعت خلتني..

سرحت مساافه كدا مسكت تلفوني لقيت مسجات من رقم غريب ومرسل لي صوور فتحت الصور واتخلعت شديييييد لمن التلفون وقع من يدي وبقيت برجف تااني رفعتو براحه ودققت لقيتهم بالجد حقيقة... صور سامر ومعاهو سلمى ماسكين بعض بطريقه مقرفه وشي حضن وكلام كتييير دموعي جات نازله زي المطر عايزة ارسل للرقم نفسو لقيتو حظرني واخر مسج منو كانت.. دي عمايل حبيب القلب البتموتي في التراب البمشي عليهو يلااا خلي يضوي ليك بعد دا... مسكت تلفوني بهيستريه وضربت لسامر م رد علي تااني ضربت كم مره م رد قمت من مكاني لفحت عبايتي ومشيت نزلتا وطلعت حصلت جنب بيتهم عايزة ادق الباب كدا لقيتو فاتح خشيت طوالي براحه سامعه صووت ضحك كتيير شكلها صووت بت خشيت وانا ساكته فتحت غرفتو لقيت سااامر ومعاهو بت والبت بتضحك بمياعه شديييدة وقفت قدامهم لسه م انتبهوا لي دموعي نزلت قلت ليهو سامر!! طوالي نطط عيوونو وقام من مكانو والبت وقفت وكانت لابسه قصصييير شديييد يعني جسمها كلو ظاهى وقالت ليهو دي منو ي بيبي؟ قلت ليها انتي المنوو؟؟؟ قالت لي اه انا حبيبتو.. سامر عاين ليها مخلوع وبقى يقول ليها هيي حبيبه منو انتي م حبيبتي ولاشي قالت ليهو نعم؟؟؟؟؟ الكان بقول لي هسي بحبك منوو؟؟ ولا الكان واعدني انو يخطبني منو؟؟ عاينت لسامر بعيين مكسسورة نظاام انت كيف تعمل فيني كدا انا حبييتك عشقتككك ادمنتك عديييل ليه تعمل فيني كدا وقعدت اصرخ قام اداني كف بدون قصد وتاني قرب علي قال لي ملك حبيبي انا اسف والله وقفت عاينت ليهو قلت ليهو انت حثالة وم راااجل بسس تفوو عليك وعاينت للبت قلت ليها استحي على نفسك ي قليله الأدب قالت لي قليله الادب البتجي داخله بيوت الناس الساعه 9قلت ليها لا قليله الأدب البتطلع في الوقت دا وبتكون بتعمل في حاجات فارغه طوالي سكتت قلت لساامر اعتبر البينا انتهى وقمت ماشه حاء جاري لاحقني بوقف فيني م اشتغلت بيهو لحدي م مشيت رجع دخل غرفتو وخت يدو في وشو البت جاتو مسكتو من قمصيو قالت ليو حيااتي دي واحده مريضه يلا خلينا مع بعض طوالي مسكها اداها كف وقال ليها اطلللعي من هنااا سررررررعه ولا ح ارتكب فيك جريمة طوالي خافت وشالت عبايتها وجرت...