*💓أحمدي💓*
صعب علينا نبدأ حياة جديدة ونطلع من حياة كانت مجرد وجع علاقات ملفقة باسم الحب وتنتهي بالخيانة ضيااع عمر وسنوات في علاقة م منها فايدة الحب كان شي كبيير بالنسبه لي بس م بعد الليلة لانو بعد انكسرت بقيت م بثق في اي زول فقدت ثقتي بنفسي وبكل الحوالي عششان انسسان تاافه م اداني قيمة في حياتو اتوجعت كتييير بس بعد دا بدأ الوقت عشسان نتغيير ونكون احسن ونقدر نواجه الحياة من جديد ونقيف على رجولنا ونستعد لمغامرة جديده واقدر ارجع الثقة فيني من جديد.. قصتي قصة يمكن ليها علاقه بالواقع البنعيش فيهو والبمر علينا يومياً في حياتنا عارفيين كلنا انو سبب اغلاطنا هي الطيبة الزاايدة لييه نكوون طيبين زيادة عن اللزوم ونقدر الزول الما بقدرنا!! اصحوا على حالكم وشوفوا مستقبلكم وبطلوا تحلموا بحاجات مستحيله عاارفين لييه؟ بكل بساطة عشان هي مستحيييييله...
ملك عمري 21 سنه في الجامعة وحالياً في المستوى الخامس صيدلة مع انو م كانت رغبتي بس حبيتها في النهاية... مجالي كان مختلف شدييد عن مجالي الحالي كنت عايزة اكون بيزنز واقرأ ادارة اعمال وامشي على خطا بابا بس كلوو لخيير نحنا كلنا 5.. ابوي زي م قلت ليكم رجل اعمال كبيير وعندو شركات كتييرة وعقودات خارج السودان ودا بدل على انو وضعنا فوق الممتاز اما ماما فهي طبيية اسنان وعندها عيادتها وشغلها الخاص وعندي تاني اخت بتقرأ طب في تالته واخوي الكبير اكبر مننا كلنا قاري هندسه معمار اتخرج وشغال حاليآ كلهم حتكونوا مستغربين انو اي زول مجالو مختلف عن التاني لانو اي زول ماشي برغبتو الا انا بس زي م قلت ليكم عجبتني في النهاية الشخصيات الفوق دي حتتعرفوا عليها لقدام بس اعرفوا أسمائهم اول.. اسمي ملك محمد يعني بابا اسمو محمد وامي اسمها سهام واختي ماريل واخوي الكبير باسل💙💕...
ملك ياا ملك اصححي سريييع مووش عندك لكشر عايزة تحصليها!! ماما يااخ لسسه الزمن بدري شديد انا شغاله 10 عدييل وهسي يادوب 8:30 😑💔قووووومي ي بت بلا كسل معااك دا كلوو من السهر انا التلفونات دي يووم بكسرها والله... مااما ياااخ طيب نازلة...
كالعادة قمت من الصباح على كواريك نبع الحنان 😂💙 مششيت ادوشت وصليت وجيت وقفت في البلكونه عششان ابدأ يوومي بنشااط وعشان اعاين ليهو من الصباح.. ساامر حبيبي واي شي حلوو بحياتي 💙علاقتنا ليها اكتر من 3سنه تقريباً من لما كنت برلومة شي طبيعي ونحنا جيران 😂💚 وقفت كعادتي وبقيت بتفرج بس م طلع زول انتظرت شويه بس جاء طالع عااين لي مسافه وأشر لي امسكي التلفون مشيت جبتو وبقيت بعاين ليهو اتصل علي قال لي صباااح الخييير لأحلى أميرة في الكون كلو 😍💛 قلت ليهو صبااح النور حبيبي كيفك قال لي انا تمام الحمد لله بس مشتااق ليك شدييييد رأيك شنو نطلع اجيك بعد الجامعة؟ قلت ليهو طيب اوكي ح انتظرك قال لي تمام وقفل💜مسكت التلفون حضنتو علي وبقيت بفكر وبقول م بتتخيل انا بحبك لدرجة شنو طبعا سامر اتخرج وشغال في شركة مع ابوهو يعني مظبط أوضاعو بس م باقي الا يتقدم لي وانا قربت اخلص اصلا 💕في عز سرحتي ديك جاني ليك شبشب طااير من نبع الحنان ي بت انتي لسسه م جهزتي وووو.... قعدت تجووط وانا اتبسم قالت لي مالك راكبك شيطان ولا شنو من الصباح دا مسكتها ولفييت بيها وماسكه يدها وبقول مبسووطة بس ي ماما💙قالت لي خيير في شنوو الباسطك تاني انتبهت لنفسي وقلت ليها ولاشي بس الليلة دوامي م طوييل 😂😂💔قالت لي غريبة كل يوووم دوامك م طويل وين الجدية في الموضوع 😑على كلي يلا انزلي اشربي الشاي والبسي اتخاارجي وإيااااااااك تشيلي عربيتي لاني طالعه برضو امشي شيلي حقت اخوك لانو الليلة معطل م شغال قلت ليها حاضر😂😂💜.. مشيت دقيت الباب براحه م في زول فتح بقيت بنادي باسل باسل😁 قال لي امممم دخلت لقيتو لسسه م صحى وم واعي طبعا لما يكون نايم 😂😂قاعد مكووم في نص السرير رجل بالشرق ورجل بالغرب قلت ليهو عايزة مفتاح عربيتك اشيلو!! م رد لي قلت ليهو باسل يااخ عاايزة مفتاح عربيتك اتأخرت عندي جامعة يااخ.. قال لي كويس امشي قلت ليهو متأكد؟ 😂قال لي اممم يلا واقفلي الباب وراك شلتوو وطلعت وعارفه انو بعدين حيديني محاضرة لانو م بحب زول بهبش عربيتو ولما تتكلم معاهو وهو نايم اعتبر نفسك بتتكلم مع الحيط 😂😂💔يلا م علينا..
