*💓أحمدي💓*
احساس تكون عايش شعور ملخبط مع نفسك دا في حد زاتوو حب....
البارت دا جزء منو حيكون بلسان احمد💓...
م كنت عارف انو نهايتي اقع في حبها.. حبيتها ؟عششان بتشبه ملاك ولا عشان بالجد حبيتها!! جاوب ي احمد م عارف اقول شنوو لكن م قادر اوصف ليكم انا مبسووط لدرجة شنوو وبكون مرتاح لما اتكلم معاها خلاص وقعت🔥..
بتذكر اول م شفتها في الأمسية الشعرية كانت قاعدة قدام وبتتونس وبتضحك لحدي م عيني وقعت عليها انصدمت! شوويه عشان الشبه البينها وبين اختها طيب انا م كنت عارف انها اختها! للحظة حسيت اني تائه في ملامحها ابتسامتها وكل تفاصيلها.. حب من أول نظرة؟ م بأمن بالكلام دا لانو الحب بكون اقوى عن طريق المواقف.. وفعلا حصلت لي معاها مواقف لما شفتها جات علي لما كنت مع اصحابي حسيت الروح اتردت لي عششان شفتها مره تانيه واقفه قدامي وبتقول لي صوتك حلو! لا والله انتي الحلوة م عارفه نفسك أثرتي فيني كيف م كنت عايزها تمشي بس في نفس الوقت اتعاملت معاها ببرود عشان م تلاحظ لي وبعدها مشت.. فقدت الأمل انو تاني م ح اشوفها بس القدر حلوو لما يجمعنا بالصدفة تااني مره اشووفها جنب المول وهي بتضحك نفسس ابتسامتها الكسارة البتخليك في عالم تاني وانا جووه العربيه سرحت فيها اتذكرت ملاك لما كانت بتعمل فيني مقالب وترجع تبتسم لي كنت م بزعل ولا اي شي بس بسرح فيها وبتأمل في ابتسامتها لانو بالجد ملاك💓قلبي قال لي انزل امشي ليها وعقلي بقول شيء تاني كنت في صراع بين نفسي امشي ولا لا؟ طيب لو م عرفتني او احرجتني! استجمعت شجاعتي ومشيت لحدي عندها ووقفت قدامها سألتها اذا اتذكرتني او لا كنت منتظر ابتسامتها وفعلا ابتسمت وقالت احمد صح؟ في قلبي قلت ليها اي احممدك بس💓رديت عليها عرفتني مباشرة ياربي كانت بتفكر فيني؟ ولا عشان اتذكرتني بس م اخدت معاها دقائق الا وهي مشت مع اختها وانا قبلت ومشيت المول.. تالت مره اشوفها في شارع النيل بليل لما كانت متضايقه وبتحكي لي عن خيانتها وثقت فيني بالسرعة دي وحكت لي؟ يمكن قلبها كان مطمن من ناحيتي بس حسيتها اتضايقت عشان فكرت انو ازعجتني بكلامها بس هي م عارفه انو اي كلمه كانت بتحكيها كنت بتعمق فيها اكتر واكتر سرحان في ملامحها وهي قاعدة وضامه رجولها واثر الدموع في خدها اتمنييت اللحظة ديك اقول ليها انسي اي شي اي وجع في حياتك وخليك معاي انا ح اسعدك بس م قدرت كنت عارفها هي عنيدة وم حتديني فرصة بالساهل لانو م ح اقدر افوز بقلبها بسهولة 💙وم بنسى لما جيت سوقتها من الجامعة ومشينا الكافي ولما عرفتها على وفاء اختي م بنسى ضحكتها وونستها مع اختي م نسيت كيف كانت بتهظر معاها وبتجر الونسةة ولاا لما علقوا علينا وقالوا اننا مخطوبين.. بالجد!! لايقين على بعض للدرجة دي اتذكرت نظراتها لي في عيوني كأنو بتقول لي خلينا نبدأ مع بعض بداية جديدة ونهرب بعيد من هنا من اي مشااكل وحزن ووجع لفيت وشي منها بعييد عشان ما أفضح نفسي بنظراتي ليها لحدي م جات صحبتها وساقتها.. طيب وقت الحفلة لما كانت واقفة بره الصالة براها وانا جيتها صدفه!! ابدا م كانت صدفة كنت مراقبها من بعييد مراقب كل تفاصيلها لحدي م طلعت ولما وقفت قدامها وسرحت فيها خافت مني ولا فهمتني غلط!! هي م عارفه انو جمالها م خلا فيني عقل كنت بتأمل وبفكر كيف افوز بقلب بت عنيدة زيها! ح احاول بس لمتين م معروف ولما قعدنا مع بعض وحكت لي بصورتي والتعاليق القالتها لي بالجد هي كانت مهتمة بالموضوع كتيير؟ شفت انزعاجها ظاهر في وشها بس لييه؟ معقوله غارت!! كنت مبسوط وم مبسووط و في نفس الوقت كنت متشوق عشان اسمع كلمة منها بس م قالتها..
