فصلية ل راهب

بارت 15 الجزء الأول(هدية)

هااااي حلقوماتي
عندي عطلة باجر لان اليوم سفرة فكلت انزل بارت
البارت هدية لحبيبة دلبي خوخة 😍مووح اعبج
....................

جوري
طلعت شوي شوي تقربت صار كبالي حسن كاعد عالثيل ويدخن ويغني بصراحة شكلة كلش رجولي  السمار و اللحية وشعرة مخربط ما حسيت على نفسي صافنة بوجهة

حسن:ها جوري شعندج كاعدة

جوري:هاا لا ماكو شي بس عطشت ونزلت اشرب

حسن:اكعدي ليش واكفة ترة ماعض

جوري وهية تكعد:واني ما اخاف
امم حسن

حسن: همم

جوري:اني اسفة عالصار اليوم مو قصدي اعلي صوتي بس اني ما احب شخص يتجاوز علية واسكت

حسن:...........

جوري:حسن ...حسن

حسن:هاا (يبعد العشيرة التروح فدوة لهالصوت)

جوري:هههه وين رحت صار ساعة احجي

حسن:وياج بس صفنت شوية
ماكو داعي تعتذرين لان الغلط مو منج

جوري:بس حسن مجان اكو داعي هيج تضربهة خطية

حسن:ههههه لتخافين ما بيهة شي تعلمت عالدكاك
بس انتي خوما ضل ببالج

جوري:لا عادي ماكو شي
تدري صوتك جدا حلو ..غريب

حسن:هاي عيونج الحلوة ( يايابةشلون عيون )
شني الغريب؟

جوري: يعني انته مبين عليك عصبي وجاد جدا مو مال اغاني ورومانسية

حسن: العشك كلشي يسوي بالبشر

جوري:هنيالك تحب وتعشك وهنيال سعاد على هيج حب

حسن:هههههه هنيالي
العشك يعذب ترة ومنو كلج احب سعاد

جوري:هااا يعني تحب غير زوجتك
بس هاي خيانة

حسن: ما تعرفين شكو بالكلوب وشتضم البيوت

جوري:صح
زين حبيبتك حلوة

حسن:مو حلوة
اية بالجمال والحلاة والدلال

جوري:فدووة الله يخليهة الك

حسن:يخليج انشاء الله
انتي ما تعشيتي ولا تغديتي ماجوعانة؟؟

جوري بخجل:بصراحة كلش جوعانة

حسن:لعد ليش ما حجيتي من البداية

جوري:استحيت 🙈

حسن:لا جوري لا تستحين
يلا كومي لعد سويلنة عشة اكل وياج بس كون تعرفين تطبخين مو تودينه بهالليل للطوارئ

جوري بحزن:ههه لا لتخاف

حسن:شبيج شو ضجتي

جوري:جنت اني وترف دوم هيج تكعد بالليل نسوي اكل واني ابقة اخربط بالمطبخ وهية تعصب علية وتضوج
قابلة تصيح علية وتضربني هم بس خلي ترجع ماعيش بدونهة اني😢😢

حسن:كولي يا الله لا تتشائمين ربج موجود
تعالي ادخلي جوة باردة لا تتمرضين

جوري: انشاء الله
شتريد اسويلك عشة

حسن:وانتي متريدين؟؟

جوري:لا انسدت نفسي

حسن:اني هم ما اريد راح اشرب جاي وانام روحي نامي انتي

جوري: ماشي تصبح على خير

حسن:تلكين الخير
بس جوري مرة ثانية لا تفتحين الباب لغريب

جوري:امم انشاء الله

..................
حسن

كاعد لوحدي ادندن وحسيت بصوت رجلين رفعت راسي شفت جورية تباوع علية كعدت سولفنة اسولف واني صافن على وجهة شني هالجمال سبحان الخلقهة ردنة ندخل تاكل تذكرت اختهة وبجت احس روحي راحت من شفت دموعهة تنزل مو دموع ليلو راحت تنام واني بقيت كاعد افكر بهاذة الي كام يدك جوة ضلوعي (شني يحسن رجعت مراهق تباوع علة بنية بكد اختك انته وين هية وين صغيرة وحلوة وطالبة والعمر كدامهة شتسوي بشايب عقيم مثلي)

كعدنه الصبح وديت سعاد لاهلهة سوتلهة زعلة عبالك أول مرة تنكتل رجعت لكيت الكمر واكف بالمطبخ يسوي بيض وامي كاعدة تسبح وغدير تحضر الصينية والوالد من الصبح طلع عندة روحة لغير محافظة

حسن:صبحكم الله بالخير

الشيخة فضة:صباح الخيرات يبعد امك

جوري:صباح النور

غدير:صباح الخير خوية

كعدت وصبو الاكل كملنه ودك راهب كال ترف كعدت ومابيهة شي وراح يجون بالطريق وكال احضر الذبايح وأعزم الناس اتصلت بالوالد بلغتة وكال راهب متصل عليه وبس يخلص الكعدة يجي مايطول

حضرت كلشي وجبت الذبايح والكصاب للظهر واجو

حبايب كلبي هاذة بارت هدية مو تضوجون لان قصير وخليتة بس بين حسن وجوري
احبكم كووومة