البارت22
ماشي ماكو داعي اليوم حال السالفه ظليت منتظر بالسياره بدو الناس يطلعون بس صارت الساعه ٧ دكيت الباب عليهم دكه خفيفه ممسموعه وتراجعت وخرت من الباب مااتوقع سمعوني ورجعت للسياره لزمت موبايلي لكيتهه بعدهي حاضرتني
وره نص ساعه تقريبآ اني النعسه بعيني تعبان حيل وهلكان شفت واحد طلع اظاهر لبن خالتهه وره شويه طلع الثاني.. حلو ..حلو هسه تكدر تدخللهم
دكيت الجرس طلعتلي خالتهه بس معرفتني
تفضل خاله رايد شي
اني زوج ساره
ظلت تباوع عليه يمكن متذكرتني لان مشايفتني بس بالعرس
ام سلام/اهلا ابني تفضل ...تفضل اعذرني وااله خاف معرفتك تدري مشايفيك هواي
انور/معذوره خاله .....
دخلتني للاستقبال وراحت طبعآ اني ميت نعس وتندمت لان هسه اجيت وخليت الولد يروح خاصه من اشرب حبوب ظليت كاعد بالربع ساعه وماكو محسيت نفسي غير تمددت عل قنفه واخذتلي غفه
ساره/كنت نايمه وخاله تنده بيه واني عبالي احلم
ولج ساره كعدي رجلج بالاستقبال
ساره....ساره ...تسمعيني رجلج بالاستقبال كومي الولد صارله هواي كاعد عيب فزيت كمت افرك بعيوني واباوعلهه ها خاله
رجلج بالاستقبال اني كمزت من مكاني ....انور
اي بالاستقبال يلله كومي بسرعه واني راح اسوي ريوك اله عيب كعدت على طرف الجربايه اتنهدت واخذت نفس ساره لتخافين منه ميكدر يسويلج شي
طلعت من الغرفه صارت مرت احمد ابن خالتي كبالي مشفتهه البارحه جانو طالعين سلمت عليهه وسألتهه الولد هنا لو طلعو
لا طلعو
جاوبتهه بخوف اثنينهم
اي اثنينه تريدين شي منهم
لا ....مااريد
دخلت للحمام غسلت وجهي واسناني وطلعت دخلت للمطبخ كاعدات خاله ومرت احمد كتلهم صباح الخير
صباح النور حبيبتي يلله تره الريوك كامل عود دخلي ال رجلج
خاله ريوكيش ...لا اكيد متريك وراهه طلعت من المطبخ وكفت بباب الاستقبال واني متخاوفه مااعرف هذا شيريد وشلون احجي ويا دخلت شفته نايم وخال ايده على عيونه نومته المفضله جانت
يااا هذا صدوك يحجي نايم ضحكت والله مع العلم جنت ضايجه على خوف بنفس الوقت رجعت طلعت من الاستقبال دااريد ادخل للمطبخ سمعت مرت احمد تحجي
خاله يعني هيه زعلانه وراح تبقه يمنه
والله ماادري بس اتوقع زعلانه مردت الح عليهه
