البارت32
فتحت عيني واني تعبان اباوع ساره كمزت من مكاني
امير لتعوفني والله احبك
امير/تقربت يمهه وضميتهه بصدري لتبجين مسحي دموعج مااتحمل اشوفهن
لتعوفني والله اموت بدونك شبكتهه حيل حسيت بروحي رتاحت جان افز من الحلم شكد كعدت مختنك لان حلم ولان خلص هنا وعيت النفسي انو اني غلطت من خطبت صفا وتندمت حيل لان ساره انحفرت بكلبي ومتطلع منه اكتشفت كلبي ميكدر يحب غير ساره ولا يكدر يتعود بدونهه بس صفا متستاهل اعوفهه بنص الطريق مالهه اي ذنب تتحمل غلطنه اني وساره
قررت ابعد عنهه ال ساره اعتبرهه ميته بعقلي بس كلبي مو بيدي اشيلهه منه ومااتوقع كلبي يكدر يعتبرهه ميته متأكد راح يدك كلما يشوفهه لان من دخلت الكلبي جان صافي وحبي الهه جان صافي وصادق الحب الحقيقي جذوره تكون قويه منكدر نكطعه وبلعكس تكبر وتزيد الحب ومتنهي ابد لو مهما يصير هذا اكتشفته لان شكد سوت وشكد بجيت بسببهه بس حبي الهه يزيد ميقل
فزيت من حلمي الساعه ٦ الصبح مابيهه نومه بعد اني افتح المحل يوميه ب٧ ونص لان بالسوك كعدت سبحت وبدلت وطلعت قبل الموعد وكفت كبال بيتهم
كم مره يا ساره نودع بعضنا كلوبنا تريد تنجمع بس القدر يفرقنه كل مره كلوبنا تسهله علينه والقدر يصعبهه كم مره نكول انتهينا وكلوبنا تعترض ادري تحبيني هواي واني احبج بكد حبح الي قاطات بس ممقسوملنه ننجمع اسف من كتلج بيوم اذا تصيرلي فرصه ننجمع الزمهه بيدي وهسه اني الضيعتهه
اسف من عبالي اكدر بدونج واني بكل وقت اريد قربج
......................
رحاب/ساره ...ساره كعدي يمعوده شكد نومج ثكيل
ها يمعوده شكو
راح اروح اني وعزيز بالج يم ايهاب
وين رايحه
رايحين نعقد بالمحكمه
ماشي روحي كعدت بيومهه مرجعت نمت ظليت انظف بالبيت حتى الهي روحي
الايام كامت تمشي وبنفس الروتين الممل حياتي متشابهه بكل اوقاتهه بدون اي هدف امير راح يصير ٣ شهور مشايفته مع العلم هو بنفس منطقتنه ايهم يجينه عمو تبارك بس لا هو ولا عمه تجي ولا اني اروحلهم مرات سلام يلح واروح بس ماالكا
عمه حنان ماخذه موقف من رحاب
اليوم جانت تبارك موجوده بايته يمنه لان رحاب بعد اسبوع الزواجهه وحبينه نلتم بهذا الاسبوع فجانت تبارك بايته يمنه وبالاخص بغرفتي نايمه يمي فزيت الساعه ب٣ تبارك مموجوده
استغربت ماكو عبالي راحت للحمام عدت ال١٠ دقايق وماكو هيه كمت من فراشي وتسحبت وفتحت الباب عقلي كام يشك باشياء بس اغالط روحي تسحبت مثل الحراميه وفتحت الباب بهدوء دورت بالبيت ماكو وبعقلي بس لا الي اشك بي صدوك تسحبت على غرفة سلام جان اكو صوت حرت شسوي هسه اني
