البارت25
#لو يحضن شمـس
#هم يبرد المشتــاگ
#وعفتني انت بوكـت
#بي ترجف الجمــره
اني وكفت عل مغسله جنت اغسل ملابسه بيدي الي نزعتهن اله دخلت رحاب عيونهه حمر وعمه وراهه وابني ماكو
صحت بعلو صوتي والخوف ماليني ابني وين .....رحاب تباوعلي وتبجي وعمه كذلك واني لزمت رحاب من ايدهه ..رحاب جود وين ابني وين يمعوده شو ساكته لتخبلوني رجعت ال عمه ....عمه فدوه جاوبيني انتي جود وين
عمه /لقحنا
اي ...اباوعلهه وعيوني تنتظر اشاره منهه لو تنزل دمعهه لوتتبدل الشفتي ابتسامه
حنان/من رجعنه وكفت سياره ونزلو مسلحين واخذو منه
شنو كمت اخرمش بوجهي شنوووو ابني ...يمه ابني لا ..لا ...ابني يمه ابني رجليه كبل اخذتني بدون تفكير للباب اباوع يجوز ديضحكون عليه يجوز مقلب كلشي توقف عندي
طلعت اني وكفشتي نسيت العده ونسيت اني محجبه مثل المخبله امشي وعيوني تدور ابني
ودموعي يصبن ويبللن وجهي مثل المطر امشي وامشي واعاين عل درب يمنه يسره واحجي بصوت مسموع ...ابني...يمه ابني ....يمه روحي الي يشوفني يكول هاي مخبله ميدري بكلبي المحترك
رحاب/اوكفي وين رايحه حبيبتي فددوه اوكفي
مااسمع رحاب بس روحي حارت شلون تلكه ابني
ابني لا ياربي يمه ابني يمه ابني يمه ....منو اخذ ابني ورحاب ورايه تركض تريد توكفني احس عقلي طار
فجأه وكفتني سياره ردت اندعم بيهه باوعت للشارع اتلفت يمنه يسره استوعبت ابني ماكو وين رايحه اني اباوع للشمس مدري شبيه حسيت بهذا الوقت صرت مخبله
ودموعي تنزل نزل الولد من السياره يمعوده ردتي تسويلي كارثه متشوفين
مشفت ابني....ابني صغير صارله يومين من جبته خطفو مشفتهم انت كمت اباوع داير مدايري هواي ناس ملتمين واكثرهم جهال يضحكون عليه ورحاب تتوسل بيه ارجع وعمه وياهه
ويجروني واكلهم وين وين ولكم ابني ماكو وين ترجعوني اروح ادور ابني
رحاب/فقدت ساره حسيتهه تخبلت فجأه طلعت فجأه سكتت فجأه صرخت كامت تخرمش بوجهه عمه لازمتهه وهيه تتلاوى بجسمهه حركة كلبهه مبينه وعمه كالتلي ولج خابري امير بسرعه
امير احنه بالفرع الوراكم بسرعه تعال
اسمع صوت ساره تصيح ابني ركضت عل سياره بسرعه اباوع كلهه ملتمه ساره لا حجاب ولا شي تريد حتى تشكك ملابسهه
شبيهه شبيهه يمعوده
ابنهه انخطف
شنووو
