#ابنتي المفقوده
في يوم كنا مش قاعدين حوشنا طالعين زرده وبرا كان جو دافي وسمح شلت عويلتي يغيرو جو ولعبو وجرو ويرن نقالي نلقاها اختي يلي من برا ترن وتسال علي وعلي امي ونا لهيت في الهدرزه معاها وراجلي متكي راقد وخذاني المشي ونا نهدرز سيبت عيالي يلعبو وبصدفه الجو عجج قلت بسم الله شن فيه برمت القيت روحي ماشيه عن مكاني بواجد خذتني الهدرزه مع اختي معش عرفت انرد ونسمع صوت عيالي يلعبو تبعت الصوت القيتهم مش هما قلت خليني نمشي شورهم مشيت والجو استغفر الله سالتهم ماشفتوش عويله يلعبو هنا ردت البنت قالت شفت بنت مشت تجري من هظك المكان ووصفت بنتي وبنتي عمرها 5سنوات تخطيت العويله وقربت وبرمت لحتى القيت مكاني القيت راجلي حايس وعيالي مقعمزين وبنتي مش معاهم قتله وين هبه قالي نحسابها معاك قتله لا ماجتني ولاشفتها دورنا برمنا كلمنا الناس يدور معانا مفش فايده اتصل راجلي بلمباحث لكن اعتذو قالو الجو مايسمح وانتم زاردين بعدين ومغرب غرب كيف نجوكم ونا منهارة نبكي وخذيتها جري ونعيط اابنتي لكن مفش رد😭😢معش عرفت شنو ندير وباتها منهار ويدو ونسال عيالي وين اختكم رد خوها الصغير قالي شفت جدي خذاها وعطاها كورة قتله جدك شن دوته وشن جيبه نا قلت عيل صغير ويتخايل وشوي نسمع صوت بنت نعيط ماما ماما نمشو نجارو مانلقو حد قلت راجلي والله ماني مروحه نباتو سيارتنا كبيرة وعائليه والجو كان يخوف والليل كله قلت تو نسمع صوت بنتي وبعد ليل الليل ونا علي روشن السيارة وراجلي خذاه النوم وعيالي رقدو نشوف ضي جاي من ورا شجرة زي ضي البيلا وعيت راجلي وقعدت نبكي ناض يبي يفتح سيارة وينزل قتله ماتنزلش وتكينا تحت كلنا لكن الضي قعد يقرب ونشوفلك........يتبع البارت الثاني
