منقوووووولة
#البارت_الثالث
#ابنتي_المفقوده
بعد رديت للحوش والقيت وليه ماسكه بنتي جيتها نجري شوي اختفت الوليه وباتها مازال يدور وجو بحث جنائي ومشينا كلنا وبصدفه جو جماعه مخطمين يسالو شن فيه حكالهم قصه واحد من المخطمين قال فيه مكان بعيد شوي فيه بير ومن غير اغطا شوفوه بالكي طايحه فيه مشينا نجرو البير قديم وبايد وعنكبوت عليه واحد منهم علق حبل قال ننزل نشوف نزلوه والحبل ينقطع قعد يعيط والدنيا شالت والصوت اختفاء والبير مظلم وناقلبي ناغزني من بنيتي وشوي جو خوتي وهلي وبكيت مع امي وخواتي وخوتي قالولي روحي ونحنا نشقو موضوع روحت مع هلي وسيبت خوتي مع ىاجلي وبحث جنائي اقترحو يجيبو ونج ينزل بيهم حد لجوا البير نا روحت وعقلي مع بنتي ومابت تخطاني منامات وعقلي في مزرعه يلي فيها حوش الشايب شوي ونا مغفيه رقدت احلمت بلوليه يلي ماسكه بنتي تقولي بنتك عندي بنتك عندي تعالي نعطيها لك اصبحت ونا في حاله وحكيت لامي قالتلي غير عقلك مشغول عليها وتوا خوتك يلقوها شوي ويرن نقالي راجلي يقولي يابنت الناس وحدي الله قتله كنك شن فيه وبحذاه نسمع صوت خوي يقوله ماتخبرها اصبر وراجلي يسكر نعاودلا مقفل والعند الليل مقفل وخوتي مايردوش وتجيني امي تجري تقولي خوك رن وبأذن الله بنتك لقوها بس تعبانه واجد ومريضه ونفسها بلهون نقولك من الاول ومانخبي عليك وتوا شالوها للعنايه وطايحه بير ومترضضه واجد وكدمات ونزيف لكن يابنيتي وحدي الله قتلها لااله الاالله خشيت مربوعه كلمت خوي الصغير قتله شيلني نشوف بنتي رن علي خوته وخذه عنوان علي اساس نا مش معاه وخذيت امي واول ما خشيت تقابلني علي دروج وحده معاطيتني بظهرها وتكر في روحها كر ومتبهدله برمت عليها نبيها تعطيني طريق نلقاها نفس الوليه يلي القيتها في المزرعه ونفس اللبسه ونفس شكل وجها ماعطيت روحي فرصه نشوفها عقلي بنتي خشيت نبرم وندور وكان عنايه مليانه وزحمه والقيت خوي الكبير ومعاه راجل من البحث مصبي معاه نقوله من بعيد ياعبدالله طمني ياعبدالله شن صار ويضبطني يقولي وحدي الله وخليها علي الله طلبت منهم نشوف بنتي وسمحو للام تخش ومن حرارة روحي دفيت باب وخشيت مش نفس ملامح بنتي وجها متخلط علي بعضه وفمها جاي بجنب وجرت دم جاف من خشمها وشعرها متقطع متبهدل ودبشها هو نفسه ظبطتها ونبكي سامحيني يابنتي ورقدت علي صدرها وحاجه تنغزني من رقبتي زي السيف حسيت بيه وفتحت عيونها كلمتهم اهي عايشه اهي مافيها شي جاني دكتور قالي بنتك في غيبوبه من امس وتعبانه ولازم تطلعي نا طلعت ودموعي ماوقفن صبيت مع باتها وحالنا يوجع وحالها يقطع القلب بوها خذه تركينه جاه اتصال من بحث علي تحقيق ونا صبيت علي قزاز ونبحت فيها شفت بنتي قعمزت وصوتها نفس صوت هذك الوليه يلي شفتها في المزرعه هزيت راسي قلت شكلي دايخه من قل النوم واختفت كريت باتها وحكيتلا جاني ولقيناها راقده ونفس ماكانت طلع دكتور قالي بكرة تجي تعالي لكن توا زيارتك انتهت طلعت ندور في الوليه فص ملح وذاب لكن في مكانها القيت فرده من كندرة بنتي وشال بنتي يلي كانت لبستهن في الزرده خذيتهن وقلت لباتها هظ دبش هبه شن جابه هنا قالي اكيد بعد جبوها طايح منهم🤔🤔🤔😱😱بس اول ماخشيت ماشفتهن ولاقابلني سكتت وروحت ونشم شال بنتي وكندرتها حطيت الكندرة تحت سريري ونشوف دم جوا كندرة وتراب ومتخبشه كلها استغربت والشال حطيته جنبي نشم فيه وخذتني غفوة في الليل حسيت روحي انخنقت ونفسي انقطع ومش قادرة نخذ نفس والشال نلقاه ملفوف رقبتي ومربوط ونعيط بلا صوت وصوتي راح والكندرة تشلط فيا علي راسي وعلي كرعيا والدنيا اظلمت نفتح وناسه الضي انقطع قلت نا نحلم ناونتخايل خيالات والشال يحول من رقبتي ويصبي الشال علي حاشيه دولابي بلطول ويقعد خيال الوليه هذك وتقولي بفمها بلا صوت😱💀☠بنتك عندي تعالي خوذيها وبيديها تقولي تعالي🖐🖐 غمضت عيوني وسلمت روحي لعند جاني الصبح نظت فطرت مع امي وقتلهم توا شيلوني لبنتي نبي نشوفها طلع خويا قالي وتي روحك تو نشيلك رن راجلي قالي ماتجش بنتك في نفس صناعي وعلي الاجهزة ماتعبش روحك اصريت نجي ركبت مع خويا ويجيني اتصال ونلقاه..........يتبع البارت الرابع
