البارت الرابع
#ابنتي_المفقوده
بعد سكرت من اتصال راجلي وبلغني انه بنتي علي النفس الصناعي ومعش تنفع قلت لازم نمشيلها مشيت مع خوي وقعمزت في الانتظار دكتور مازال مامرش خطمت الممرضه تسالتها علي حاله بنتي وعطيتها اسمها بحتت في زين وقالتلي ادعيها بس تبي دعاك رديت قعمزت مكاني القيت مكاني مقعمزة فيه بنيه صغيرة قتلها وين ماما قالتلي مش عارف نبحت نلقا البنت بلا كندرة سالت يلي جنبي يقوللي مع من تحكي قتلهن كيف مع من نحكي وهذي من مقعمزة يالاكن كلهن بحتن فيا استغربن حسسني مجنونه معش عرفت شن صارلي غيرت مكاني ونحق خوتي وراجلي جايين يجارو مشيت شورهم كنكم كنكم تاريته بنتي علقولها جهاز القلب تعبانه بكل قتله لازم نخش لازم نشوفها رفضوا واصريت بلبكاءوعياط خشيت القيت اجهزة القلب واجهزة الدماغ ومسكت يدها نحب فيها فكت يديها من يدي وبرمت وجها تميت نحكيلها يابنتي كنك يابنتي ادويلي شن صارلك نا امك قلبي معش يتحمل اكثر من هكي فتحت عيونها وفنصت في ويخش دكتور يقولي ممكن تطلعي وطلعت نراجي نتيجه خطم راجلي قالي هي نروحو ونجيبك بعدين تريحي نجيبك مشيت مع خويا تريحت شوي وعلي مغرب قتلهم شيلوني نبحت فيها حتي تبحيت نملي عيني عليها مشيت القيت هذك الممرضه جوا معاها وتدوي وتحرك يديها زي تهديد خبطت علي قزاز نبي نحكيلها ماردتش طلعت قتلها يافلانه نبيك شوي صبت قالتلي تفضلي قتلها تحكي مع من شفتك تحكي قالتلي بنتك تبي تشرب ميه قتلها ممنوع 🤔🤔استغربت قتلها مو قاعده غيبوبه وتعبانه قالتلي صدقتي شكلك هبله ومشت قلت الحل الاخير نقعمز مع راجلي نحكيلا حكيتلا قالي موضوع كبير ولازم نمشي لهذك المزرعه نهدرز مع الشايب بلكي نعرف شن صار لبنتي واليوم الثاني مشينا مع بعضنا للمزرعه دورنا الحوش مالقيناه مفش اختفاءلكن شفت سعي ومعاهن راعي سالناه قال مفش لامزرعه لاشي شوي قاله راجلي انت تعرف هضك البير قالي انعم نعرفه قال شن قصته قاله قصته قديمه بكل طايح فيه شايب وعزوز ونا تعودت نسمع عياطهم ونشوف خيالاتهم في الليل قتله لازم معاك قعميزة وهدرزلي بشواش مشيت معاه لمكان حوشه واول ماخشيت للحوش الراعي قال قعمزو هن تو نجيكم راجينا راجينا فاتت ربع ساعه وساعه قلت خليني نخش جوا نكلمه بلكي خذاته غفوة ورقد ونا نخش من هنا ونشوف الصدمه ويلي كنت شاكه فيه شفت ............يتبع
