"Oh! You're here na already?" kuya Renz asked me. Pati iba niyang mga kaibigan ay napatingin din sa gawi ko at binati ako. Ngumiti ako ng bahagya at tumango sa kanila. Halos lahat ng kaibigan ni kuya ay kilala ko na at naging close pa sa kadahilanang parati silang dito sa bahay tumatambay. Si Ralph lang yata ang exception kasi parati akong natatameme kapag andiyan siya. Naramdaman kong may papalapit sa likod ko kaya nama'y tumabi ako sa gilid.
"Nakisabay ako kay Ralph kuya. Sabi kasi niya papunta din siya dito sa bahay kaya sumabay nalang ako sa kaniya," napatango lang si kuya.
"Magkasama pala kayong dalawa?" tanong ni Gelo. Tumango lang din si Ralph kay Gelo.
"Kanina pa kayong magkasama nang kayong dalawa lang?" confuse na tanong ni kuya at tumingin kay Ralph. Napatingin na din ako kay Ralph at nakitang napaigting na din ang panga nito. Magsasalita na sana si Ralph pero inunahan ko na siya. "Nagkita kami sa cafe kuya, kasama niya din si Eunice. Kasama ko din nung time na iyon si Tess kasi nagrereview kami. Timing din na tinawagan ang dalawa na may biglaang meeting sila kaya naiwan kaming dalawa," napatango lang si kuya at napatingin kay Ralph. Ewan ko pero tumahimik lang bigla na para bang may dumaan na anghel. Pasalamat nalang at may tumikhim. Hindi ko na inabala kung sino iyon.
"Oy! Oy! Awat na! Sige na Patch, kami na bahala dito," sabi ni Gelo at inakbayan si kuya. Yung isa naman nilang kaibigan na si Miko ay lumapit naman kay Ralph.
Sinunod ko na lang ang sinabi ni Gelo at pumunta sa kusina. Kukuha muna ako ng makakain at maiinom bago umakyat para hindi ako makaistorbo kina kuya mamaya.
Paakyat na sana ako nang tinawag ako ni Lance. Isa din sa mga barkada ni kuya. Kaya bumalik muna ako sa sala kung saan sila nakapwesto. "Bakit? May kailangan kayo?" napansin ko ding nawala si kuya pati si Ralph pero hindi na ako nagtanong. Baka iba pa ang isipin nila.
"Magpapatulong sana ako," sabi ni Miko kaya napatingin naman ako sa kaniya.
"Tulong? Para saan naman?" napakunot-noo na ako. Saan ko naman siya matutulungan? Sa pagkakaalam ko ay dean's lister ito sa department nila.
"I just want to ask for your opinion Patch. Nagtampo kasi sa akin yung girlfriend ko. Wala naman akong nagawang kasalanan. I just wanna know your thoughts about this. Baka matulungan mo ako. Kanina pa kami dito pero walang maitulong 'tong mga lalaking 'to," sabay tingin sa dalawang kaibigang nakatingin lang sa kani-kanilang cellphones.
"Dude! Akala namin emergency. Ito lang pala problema mo. Ano kasing ginawa mo at nagtampo sa iyo si Ara?" sulyap ni Gelo at binalik ang tingin sa cellphone.
"Wala nga kasi akong ginawa. Bro, tayo-tayo lang magkakasama kahapon sa birthday party ni Joseph."
"Sinabi mo ba sa kaniya?" sabat naman ni Lance na hindi din inaalis ang mata sa cellphone. Naglalaro yata ang dalawa.
"Na alin?"
"Na andun din si Eya, yung pinsan ni Joseph."
Nalito ako sa sinabi ni Lance. Anong problema kung andun yung Eya? Pasalamat nalang at si Miko ang nagtanong. Magiging tsismosa pa ako ng wala sa oras.
"Ba't naman nasali si Eya dito?" litong tanong ni Miko. Kahit ako nalilito sa kanila. Palipat lipat din ako ng tingin kung sinong nagsasalita sa kanila.
"Siyempre, nalilink sa iyo yung tao," tumingin muna si Lance kay Miko bago pinagpatuloy ang pagdutdot sa kaniyang cellphone.
"Wala. Hindi naman importante iyon 'di ba? Expected naman din kasing andiyan talaga si Eya kasi pinsan niya yung may birthday," paliwanag ni Miko. I sighed. May selosang naganap pala.
