بنات العم

البارت الخامس

بنات العم. ...
للكاتبه رزان. ..
البارت الخامس. ...
البارت الخامس. .

نور. البنات هنه سالي وسرور .هنه يدرسن دوامهن مراح يكون مستمر كل يوم بس بأيام الإجتماعات والتنفيذ أحمد. خلاص مثل متحبون المهم يكونون فوق رأس عملهم وباجر أن شاء الله أحضر الهم مكاتبهن حتى يباشرون بالعمل واكيد اني موجود لأي مساعدة يحتاجنهه.
نور . شكرا الك تشرفت بمعرفتك .
أحمد. الي الشرف العفو.
طلعنه من الشركه والحراس مرافقينه توجهنه للبيت بالطريق توقفنه .
نور. بلا زحمه توقف قرب هذي الأسواق أريد اشتري حاجات للبيت .ابقي هنا زهراء راح يبقى الحارس وياج دقيقه وراجعه . نزلت اشتري أغراض للبيت زهراء بقت بالسيارة .
زهراء. أوف ليش خلتني هنا وحدي ضليت مرتبكه وهذا الحارس بس يباوع بالمرايه شلون تخليني وحدي وياه وتروح .
الحارس. إنسه لاتخافين اني هنا لحمايتج.
زهراء. ومنو كلك خايفة أخاف انت الي خايف.
الحارس. أي فعلاً خايف بس خايف عليج . زهراء. ومن شنو خايف عليه والله لو ما نور أصرت علينه مجان قبلت تخلينه حراس .
الحارس. حقهه تخاف عليج لأن هيج جمال نادر صار بهذا الوكت .
زهراء. وليش نادر عيني.
الحارس. لأن هذا الوكت قليل اتشوف بي جمال رباني طبيعي مثل جمالج العيون وكلشي بيج طبيعي.
زهراء. الزم احدودك اعرف ويامن جاي تحجي .
الحارس. ويامن يعني وي أجمل بنيه شفتهه بحياتي .زهراء. عصبت عليه ردت ارزله بس نور اجت نقذته هل عوينجي.
نور ..صعدت السياره اشوف الحارس وجهه مبتسم وزهراء كالبه وجهه شكو شبيج .
زهراء. مابيه شي يالله خلينه نرجع للبيت لأن ختنكت.
وصلنه للبيت دخلنه لكينه البنات ينضفن ويطبخن مو من عوايدهن خطيه تغيرت حياتهن وين جانن وين صارن ..
نور. شلونكم بنات . سالي سرور بأجر انتن تداومن بالشركة ولا تخافن مو كل الأيام اداومن بس ايام الي بيهه اجتماع وتنفيذ العمل شكلتن .
سرور. عادي اداوم ليش هوه اكو غير حل .
سالي . بس احنه شمعرفنه بهذا الشغل .
نور. راح أحمد هوه يعلمجن كلشي بس داومن انتن ونتبهن على كل الي يصير بالشركة. كملنه شغلنه وتعشينه وصعدنه الغرفتنه نمنه كعدنه الصبح البنات نقسمو القسمين قسم راح للشركة وقسم راح المدرسته طبعاً الحراس وصلو البنات للمدرسه ومناك راحو وصلو سرور وسالي للشركة وبقو وياهم دخلن البنات الغرفة المدير .
البنات. مرحبا .
أحمد. أهلا وسهلا تفضلن.
عرفن عن نفسهن ودخلهن كل وحده مكتبهه.

نور.. توجهن البنات كلمن الدوامهه وإني جانت عندي مهمة لازم اكملهه .
رحت على مركز الشرطة قابلت الضابط الجان موجود بيوم الهجوم على بيتنه.
نور. مرحبا .
الضابط محمد. أهلا وسهلا تفضلي .
نور. اني اجيتك اليوم أريد اعرف وين وصلتو بالتحقيقات بمقتل أهلي.
الضابط محمد. والله مالكينه أي ادله أو شهود تثبت القاتل.
نور. ولي ايجيبلك اثباتات وشهود.
الضابط محمد. أكون ممنون اله وسد بيهه قضية مدوختني .
نور. هاي هيه بأجر اجيبلك الأدلة. اترخص اني
الضابط محمد. أهلا وسهلا بيج .
رجعت للبيت وحضرت الغده ونضفت البيت دك التليفون.
نور. الوو
مجهول. أي دليل تسلمينه للشرطه راح يكون ثمنه حياتج.
نور. انت منو الوو واحد خسيس احجي منو انت طوططط . منو هذوله الي يعرفون بكل خطواتي اجن البنات لازم ماكلهن بأي شي مااريدهن يخافن أو يمنعني أن أبحث عن قاتل أهلي .
البنات. هلو شلونج اليوم من غيرنه.
نور. فرحانه ومرتاحه ماكو زهراء الي تلح هواي ولا اكو رقيه أم بطن ولا اكو أحد يزعجني .
زهراء. شسويتي بالله من رحنه .
نور. . نضفت
زهراء. وبعد
نور .. طبخت.
زهراء. وبعد
نور. غسلت هدوم وماعين.
زهراء. وبعد .
نور. موكلتلجن هل اجت وبدت تلح .
سرور. ولج اسكتي طبنكه عوفي اختي حبيبتي بحالهه .
رقيه. شطبختي النه اليوم .
نور . دولمه .
رقيه. ولجن لحكني راح اوكع بسرعه صبيلنه ماتحمل بعد. مممممم
نور. شفتن وهاي الثانية .
البنات. هههههههههههههههه
تغدينه وشربنه جاي راحن البنات يدرسن ورحت اني للمكتب طلعت شكو ورقة تفيدني بالقضية .. لاكن بين الأوراق شفت ورقة صدمتني ...

يتبع. ...
تابعوني. . user07965477