بنات عم عاشو في سعاده وهناء
في ضل آبائهم وامهاتهم لاكن
يشاء القدر أن يفقدن اهلهن
على يد مافيا ... تابعو القصه لتروا
هل يجتازن مامرن به القصه حقيقيه وضفت لها بعض مني
نور. تعال هنا هنه بنات افتحن الباب . فتحن الباب وإني احضنهن وبجي . زهراء. هاا نور أهلي بيهم شي عمامي بيهم شي احجي. نور. ماتو ماتو كلهم أهئ أهئ طلعن البنات كلهن يصارخن وجانو ينقلوهم بسديات لسيارة الإسعاف ذيج الساعه ماسكتنه لحضه من البجي. الضابط. اعرفكم بنفسي اني اسمي محمد ضابط بالشرطة عمري 25 سنه اجانه إبلاغ إطلاق نار في إحدى المناطق داخل منزل أحد التجار أخذت مفرزه وياي ورحت دخلنه على البيت جان المنضر فضيع أربع رجال و خمسة نساء مقتولين كنا نعد بالجثث ونرفع البصمات وذا بخروج بنت خرجت من البيت منهاره حاولت اهديهه بصعوبة كدرت اهديهه وفتهم منهه شنو صار مكانت عدهه معلومات تفيدنه بس كسرت خاطري حالتهه وكان وياهه 8 بنات يعني 9 بنات تيتمن بيوم واحد وعائلة وحده ماعرفت شلون اصرف بهاي الحاله اكيد راح يخافن يبقن وحدهن . نور. يابنات شراح انسوي منو بقى النه بهذا البيت الكل راح الكل مات . الضابط . بنات انتن لازم ماتبقن هنا وحدجن عدكم أقارب نور . نروح البيت جدي بس بيتهم ازغير يادوب مكفيهم. سجى. اني هم بيت جدي محافضات شلون نروح ومدارسنه. زهراء. تعرفون بيت جدي مسافرين خارج العراق. شهد خلي انروح البيت جدي جبير وقريب هسه اخابرهم سجى اني هم راح اخابر مصطفى حتى يجي . خابرنه على كل اقاربنه طبعاً اجو للبيت نضفو البيت وسوو الفاتحه ابيتنه وره الفاتحه كلمن انكله انروح عدكم يتحجج بشغله ميردون ياخذونه يخافون أخاف العصابه تلحكنه وتكتلنه وتكتلهم . إحدى اقاربنه. هسه همه لومخلفيلهم ولد جان هسه شالو الفاتحه ومحد احتار بيهم. الثانيه من اقاربنه . أي يمعوده والله اليل هنا ماانامه أخاف يجفتون علينه ويكتلونه. اني والبنات نسمع حجيهم ونبجي هيجي ضلينه من ايد الايد أخلاف اهلنه . نور. تعالن بنات عدي حجي وياجن .طبعاً البنات حالتهن حاله لاياكلن ولا يشربن حتى رقيه الي نسميهه أم بطن ماتاكل وحده خايفة على الثانية قررت قرار كلت لازم احجي وي البنات حتى نعرف مصيرنه . نور .. بنات لازم نعتمد على روحنه ونصلب طولنه احنه جنه لانطبخ ولا نشتغل جنه عايشات اميرات بمملكة اهلنه بس هسه اهلنه راحو محد ضل النه وشفتن الكل اتبره منه لازم نبدي حياة جديدة ونعتمد على نفسنه شتكولن بنات موافقات . البنات . موافقات .
الكل راح بقينه وحدنه بالبيت كمنه نلملم ذكريات من هنا وهناك ونبجي عليهن مر أسبوع على حزنه وبجينه حياتنه تغيرت من السماللكاع قررنه نفتح خزاين اهلنه ونعرف منو كان السبب بقتل اهلنه دورنه المفاتيح وكل وحده فتحت خزينة ابوهه ولكينه أوراق وتسجيلات تليفونية وفلوس اخذنه تليفون عمي أبو شهد شفنه آخر مكالمة قبل الحادث من ضابط وسمعنه كلامه من كان يحذرهم من العصابه قررنه نخابره ونفتهم منه كلشي خابرناه وجه للبيت وكلنه على كلشي وعن العصابه ومنو همه فهمنه انهم خطرين ولازم نأخذ حذرنه منهم . نور . بس شلون احنه بس بنات . الضابط . ليش متخلون حراس شخصين الكم من الشرطة هم يحموكم وهم يدافعون عنكم من العصابه. نور. موافقه بس شلون أقدم على طلب حراس شخصين الضابط هاي خلوهه عليه بس كلولي كم حارس تردون . نور . انريد اثنين يبقون بالباب يحرسون البيت من الطاب والطالع وثنين من نطلع يبقون ويانه . الضابط. بأجر يكونون يمكم. نور .أشكرك تعبناك ويانه . الضابط. بالعكس اهلكم راحو شهداء الفساد والنه الشرف نخدمكم. ثاني يوم اجه الضابط وجاب وياه أربع حراس همه هم شرطة بس تخصصهم حراس شخصين . نور . بنات اني وزهراء راح نروح نشوف وضع الشركة شنو ونجي انتن ديرن بالجن على نفسجن لاتخافن الحراس بالباب . رحنه طلعنه طلعو الحراس ويانه واحد ساق السياره والثاني كعد يمه بالصدر وإني وزهراء كعدنه وره .وصلنه للشركة دخلنه على الإدارة . نور. مرحبا اني بنت أبو نور صاحب الشركة وهاي بنت عمي أبو زهراء . السكرتيره. أهلا وسهلا تفضلن هسه انطي خبر الأستاذ أحمد . السكرتيره . تفضلن الأستاذ أحمد بأنتضارجن. نور. مرحبا . زهراء. مرحبا . أحمد . أهلا وسهلا تفضلن نورتن الشركة . نور. تسلم بس حبينه نجي نشوف وضع الشركة احنه نعرف أبويه وعمامي جانو مأمنين بيك ومسلميك إدارة الشركة بغيابهم وأكثر من مرة يمدحون بيك نسمعهم . أحمد. أولاً هاي شركتكم وإني شريك الهم وهذا عملي مامفضل عليهم بشي وجانت خسارتهم جبيره علينه الله يرحمهم . نور. اكيد انت صنت مالنه وحلالنه لوغيرك جان فسخ الشراكة وخلص روحه من المشاكل الي ممكن يوكع بيهه . أحمد. اني أتمنى انتو البنات تجون وتاخذون مكان ابوكم بالشركة حتى تعرفون كلشي بالنهاية هاي شركتكم نور. طبعاً وإني عندي اثنين من البنات الي ممكن يشتغلن هنا وجيت حتى ابلغك البنات هنه .. يتبع. . تصويت ومتابعة حبايبي user07965477
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
