جروح بريئة(باللهجة الجزائرية)

🔙كشف الماضي🔙

احمد#بغيت نقولك...ماماك ماتت مسمومة
سيليا#شاوالا؟...وش من سم...و شكون دارهلها
احمد#هاد السم ...كاين...كاين واحد برك يبيعه في دزاير...ليندة بنتي...جبدي...جبدي واحد الورقة راها في table de nuit
(جابتها بنته و عطاتهالي)
سيليا#شاوالا هادي
احمد#هادا هو ...le vrai rapport تع...تع la mort تع ماماك ...جات وحدة...وحدة...سموها ...صابر ...صابر
سيليا#صابر سعيدة ياك؟
احمد#واه...واه ...هي...هي نيشان...ااااه يا بنتي...رشاتني...رشاتني باه نزور le rapport...سمحيلي...والله يا بنتي سمحيلي...(و عاود بدا يبكي)...سمحيلي
سيليا#سايي الحاج راك مسامح دنيا و اخرة
احمد#انا...انا ...هدا اللي كنت خايف يحاسبني عليه ربي...الحمد الله ...دوركا نرقد مهني
_و حط راسه على المخدة و غمض عينيه و هو يضحك ...ايا قاتله سيليا
#بصح وين جاي هاداك اللي باع السم؟
_مي الحاج احمد قعد ساكت و ماردش و قاتله بنته ليندة" بويا بويااا نوض بويا" مي ما بغاش ينوض و جا واحد منهم و قعد يسمع لقلبه و دار عندهم و هز راسه و قال "مولى الامانة دا امانته" و بداو قاع يتوغو و يبكو و سيليا و مروى قعدو يبكو معاهم و مباعد ناضو مع نبيل عضمولهم الاجر و جاو خارجين بصح عيطتلها ليندة بنته...
ليندة#صبري ختي
سيليا#واه ختي
ليندة#شدي هادي
سيليا#تاعش هادي ؟
ليندة#هادي l'adresse تع مول السم ...بابا كان يحكيلي كلشي و كان ديجا حكالي على l'histoire تاع ماماك و عطاني l'adresse و قالي en cas نموت حوسي على فاملتها و عطيهالهم و درك الامانة راها عندك
سيليا#مرسي ختي ربي يحفضك...ايا تهالي في روحك
ليندة#بلا مزية ختي و كاش ما تستحقي راني هنا
_و خرجو نبيل و سيليا و مروى من ديك الدار و كي جات سيليا تركب لوطوتها صونا تيليفونها و لقاتها شيماء...
سيليا#الو واه مالكي
شيماء#مالنييييي؟؟!!! راكي منيتك قلتينا قارعولي في jardin و ما بنتيش تلت سوايع فاتو و حنا نستنو
سيليا#ايييه واه نسيت نعيطلك تلاقيت بمروى و و نبيل و حكيتلهم شا صرا ايا انسيستا عليا نبيل باه نروحو درك لعند داك الشيباني
نبيل#وش كاين سمعت اسمي(ايا خزرت فيه سيليا و شاورتله بيديها تاع سكت)
شيماء#صحا فوتو عليا دوني للدار ماما راهي غي تعيط و تعاود
سيليا#ها روحي مع فؤاد يديك
شيماء#لاااا ارواحي باه تحكولي شا صرا
سيليا#ايا صحا قعدو وين راكم(و راكروشت)
نبيل#مالكي كليتيني هدا غير سقسيتك
سيليا#كي شغل كدبت على شيماء باه تقعد مع فؤاد و باه ما تبانش مسحت الخدمي فيك
نبيل#يااااااااك
سيليا#معليش تكبر و تنساها...ايا نروحو غادي تاكلني طولت عليها
_ايا ركبت سيليا لوطوتها و كانت معاها مروى و دارت كورتاج مع نبيل بلوطوته و زادو كي راحو لل jardin ركبت شيماء مع سيليا و فؤاد تبعهم بلوطوته و سيليا حكات لشيماء كلشي حتى اللي وصلو و هودت شيماء و فؤاد و مروى باسك هي تاني تسكن قريبلهم ايا مباعد كي جات تقلع سيليا صونا تيليفونها و لقاته غي نبيل...
سيليا#الو يا الفنيان ما تقدرش تجي تهدر معايا (و طلت مالتاقة و ضحكت معاه)
نبيل#هههه فنيان الله غالب...وش تقولي عليها كون تڨاري الطونوبيل تاعك هنا و تركبي معايا نديك للcrèmerie؟
سيليا#نتا اللي روح داركم راها قريبة حط لوطوتك تما و ارواح ركب معايا
نبيل#ايا وش عليه ...بصح خليني نسوق عليك راكي عيانة اليوم
سيليا#صحا اا سيدي ماكاش بروبلام
_و راح نبيل حط لوطوته و ركب مع سيليا و داها لوحد crèmerie و كي ريحو و كوموندو جبدت سيليا l'adresse تع مول الاعشاب اللي يبيع داك السم و قعدت تشوف فيها...
سيليا#نبيل...علابالك بلي هاد l'adresse مشي في وهران
نبيل#وين امالا؟؟؟!!!
سيليا#في alg
نبيل#(تبسم) مالا مليح هكا ...
سيليا#فاش مليح؟
نبيل#نروحو لدارنا و نفوتو السيمانة التالية تاع لي فاكونص تما تجي فووور
سيليا# و والديك ما يقولو والو
نبيل#نووووووون مالكي
سيليا#ايا صحا صحا خلينا ناكلو درك
_وهوما ياكلو صونا تيليفون نبيل...
نبيل#سمحيلي دقيقة سيليا
سيليا#وي ماكاش بروبلام
_و راح وحد 10mn و كي ولا كان يضحك ايا ما داتهاش فيه سيليا المرهوجة و كملت لاكريم تاعها و مباعد خرجو و ركبو اللوطو ايا بدا يسوق و يتبسم و هو يشوف فيها بنص عين
سيليا#مالك شاكاين
نبيل#والو ...شاكاين؟؟
سيليا#مالك تشوف فيا مالا
نبيل#ههههه غادي نديك لدارنا
سيليا#هدا ماكان...تشك
نبيل#يما و بابا راه عندهم واحد السوجي يهمك بزااااف
سيليا#كي غايااااااا فاينلي غادي نشوفهم
نبيل#ايا هانا وصلنا نزلي
_حل نبيل الباب و دخل و معاه سيليا
نبيل#يمااااا...باباااا راني جيييت
يماه#مرحبا وليدي...مرحبا بنتي سيليا وش راكي؟
_مي كي شافتها سيليا انخلعت باسك يمات نبيل هي المرا اللي خبرتها كيفاش مات بوها في الجنازة
سيليا#نتيا هي يمات نبيل؟؟!! ااااه ماكاش علابالي
يماه#وي انا يماه و تقدري تعيطيلي خالتي نفيسة...(و بدات تعيط)جلاااال...جلاااال ...ارواح شوف شكون جا
جلال#اييه راني جاي ...(و دخل عليهم)الله يبارك ...الله يبارك...شكون هاد الملاك؟
نفيسة#ما عرفتهاش جلال؟
جلال#والله ما نكدب عليك كون ما كانتش سماح ميتة نقولك هادي هي في يامات الليسي
نفيسة#تما عرفتها!
جلال#لا شكون هادي
نفيسة#هادي بنت سماح و عبد الاله...شفت شحال تتشبه ليماها
جلال#ايييييه ما شفتكش يا بنتي ملي كان عندك عام راه الواحد يتبدل غي سمحيلي
سيليا#لا والله عمي PS grv. مي باغية نفهم نتوما كيفاش تعرفوني و كيفاه تعرفو والديا
نفيسة #كون نحكيلك يا بنتي حنا histoire تاعنا مع والديك طويييييلة
جلال#خليني نحكيهالها بلا ما نطول
Flash back🔙:
En 1990:
في الليسي كان كاين ربعة صحاب ماكاش كيفهم نفيسة،سماح،جلال و عبد الاله