جروح بريئة(باللهجة الجزائرية)

👤اختطافي👤

The following of the  flash back:🔛
دخلت سعيدة للدار و ريحت في الصالون و سماح راحت تجيبلها jus و كي جات حطت لروحها كاس و لسعيدة كاس و تما سعيدة طيحت كاسها بلعاني...
سماح#اووووه صبري نجي نمسح عليك
و كي راحت سماح دارتلها سعيدة السم في كاسها و كي ولت سماح مسحت داك jus و ريحت تشرب هي و سعيدة ايا
سعيدة#داك هو الوقت سماح انا نروح
سماح#زيدي قعدي هادا وين جيتي
سعيدة#لا والله غير جيت نطلب السماح و نروح ...ماما راها مريضة في الدار نروح نشوف كاش ما خصها
سماح#ايا صحا ربي يجيب الشيفا و تهلي في روحك و كي يكون عندك الوقت فوتي علينا
_و خرجت سعيدة و هي باغية طير من الفرحة باسك قدرت تدير السم للمسكينة و راحت عند هاداك الحانوت هي و خوها محمد في alg  و خونت كامل لوراقي اللي يبينو بلي شراته عليه و مباعد غدوة من داك عيطت للla police و قاتلهم كاين واحد يبيع واحد السم نادر غير قانوني و قاتلهم باه نبيلنلكم و تحكموه متلبس ارواحو معايا و قعدو برا و هي دخلت و معاها تيليفون باه تبيپيلهم كي يخرج السم
عزيز#السلام عليكم مادام وش راكي
سعيدة#الحمد الله و نتا
عزيز#نعمة الحمد الله ...ايه وش خصك
سعيدة#باغية نعاود ندي من هاداك السم تاع عشبة ****
عزيز#ااا وي ستناي نجيبلك مstock
_و راح جابلها و كي حطه فوق الcontoire بيپات للla police حتى دخلو عليه و حكموه متلبس يبيع في سم غير قانوني...تما هكا بعدت على روحها الشبهات بلي شرات داك السم و مباعد عطات لمحمد خوها l'acte تاع البيع و قاتله يشوف وين يديره مالا عطاه لصاحبه و وصاه يحرقه و ماعلابالهش بلي هداك صاحبه هو شريك عزيز في الحانوت و كي شاف داك العقد عاود رجعه للحانوت بصح عزيز كان في الحبس و فات الوقت باه يحصل السعيدة معاه و مورا سيمانة و نهار 20/04/2015
ماتت سماح مامات سيليا ربي يرحمها و سعيدة جرجرت عبد الاله حتى اللي داها و تزوجها
End of flash back🔚

سيليا#تما شرات من عندك و باعاتك الكلبة
عزيز#ايه والله ما تحشم
سيليا#ما تخافش خويا لعزيز كلشي غادي يوليلك نشالله
عزيز#اللي غاضتني ماكانش علابالي بلي l'acte كان عند شريكي حتى كي قلتيلي درك
سيليا#باصيها درك
عزيز#ما نقدش باسك بقاتلي شهر هنايا شكون غادي يامني
سيليا#خلاص ما تدير والو في بالك نشالله نربحو هاديك المنافقة
عزيز#المهم عطيني نسنييلك la permition( و عطاتهاله و سنياها)
سيليا#ايا ربي يحفضك فرار
عزيز#بلا مزية ختيتو والله نحسن عونك حتى انا كبرت يتيم
سيليا#والله الميمة ما تتعوضش و ....
بوليسي#ايا مادام ...موسيو كمل الوقت تاع la visite و نتا ايا دخل كمل الوقت
سيليا#ايا تهلا فروحك خويا عزيز و نشالله نفرحو بيك كي تخرج من هاد البلاصة كيما اليوم
عزيز#مرسي ختي بالسلامة
نبيل#هيا سيليا شوفي البوليسي كيفاش راه يخزر فيك
_و خرج نبيل و سيليا من داك الحبس و عند اللوطو
نبيل#اووووه كاين واحد الحانوت راه en face تاع التيليفونات ...ستنيني سيليا نروح نشوف يلا يبيع لي كيتمان راه خاصني واحد و ما تتحركيش ماللوطو
سيليا#مارانيش صغيرة كملت 18 و ديجا نتا كبير عليا غي بعامين ما تهدرش معايا هاك
نبيل#يا سيليا نخاف عليك رانا قدام الحبس و نتي ما تعرفيش alg
سيليا#ايا صحا غادي نقعد
_و راح نبيل لعند هاداك الحانوت
سيليا#لا يروح يطبق والله غي نروح نحوس على ريسطو كاش ما نشري راني جيعانة
_و راحت سيليا تتمشى و تحوس شكون يبيع الماكلة و مباعد حبست قعدت تشوف يلا كاين كاش بلاصة يبيعو مي كانت الزونقا خاوية و ما فيهاش قط حتى حبست واحد اللوطو و خرجو زوج رجال دايرين ماسك كانو يشوفو فيها

مي هي لعبتها ماتشو و ماتخافش و قعدت في بلاصتها تشوف فيهم حتى جاو عندها و تما دخلها الخوف و بغات تهرب مي شدها واحد فيهم و دارلها مشوارة على فمها و هيا قعدت تضرب فيه و الزاوج يشدلها في يديها حتى اللي داخت و تغاشت و رفدوها طلعوها للوطو و قاسولها صاكها ...في ديك الدقيقة شافهم نبيل و راح يجري رفد الصاك و ركب اللوطو وقعد يتبع فيهم و حفض matricule تاع ديك اللوطو 31 118 76*** و قعد يتبع فيهم يتبع يتبع حتى هربوله
نبيل#خرااا داوها داوها الكلاب(و هو يضرب في guidon و مباعد دار قعد يشوف في تيليفونه و عيط لفؤاد)
#طييييط طيييي...الو واه نبيل خويا
نبيل#فؤاد داوها داوها داوهاااااااا
فؤاد#شا هي
نبيل#سيليا...سيليا داوها
فؤاد#شاوالا!!!! شكون داها و كيفاه صرا كالمي روحك نبيل و فهمني بالشوية
نبيل#دخلت نشري كيتمان و خليتها عند اللوطو و كي خرجت لقيتها بعيدة عليها و مجرجرينها زوج رجال مدخلينها للوطو
فؤاد#علاه مالحقتهمش
نبيل#تبعتهم مي تبحرولي هااا الرب العالي
فؤاد#صحا matricule ديته
نبيل#ايه مركيه عندك 31 118 76***
فؤاد #صحا صحا دوك نجي اليوم صبر عليا
نبيل#خف انا راني رايح لل la police دوكا و جيب شيماء و مروى معاك
_و راكروشا و مباعد راح للبوليس قاللهم بلي خونوها و ورالهم تصويرتها من تيليفونه و عطاهم le matricule و مباعد بداو قاع يحوسو عليها و هو ما ريح ما كلا ما شرب قعد غي يحوس عليها و خايف عليها بزااف قاع النهار  حتى الليل ايا عيطتله يماه...
نفيسة#الو وليدي وين راك شوف شحال راها الساعة
نبيل#يا يما والله ماني حاصي روحي قاع
نفيسة#علاه وش كاين
نبيل#خطفوها من قدام عينيا
نفيسة#شكون
نبيل#سيليا يا يما سيليااا
نفيسة#كيفاش ؟!!...صبر صبر نقول لباباك و نجو
نبيل#دوك نروح نتلاقا مع واحد صاحبي عند البوليسية اللي حدا الجامعة
نفيسة#ايا صحا صحا ربي يجيب الخير...

ايا نخلو حتى البارت الجاي و نقولكم شكون خطفو سيليا و يلا غادي يسلكوها ولا لا😉 المهم ما تنسوش قولولي شا تتوقعو في cmntrو ما تنسوش vote 😊