جروح بريئة(باللهجة الجزائرية)

كان انت

و تلاقاو نبيل و يماه و باباه و فؤاد اللي كان ديجا وصل لalg هو و امينة و مروى و شيماء و كانو قاع يبكو و خايفين
نفيسة#واش درت يا وليدي...الطفلة امانة كيفاش خليتها؟
نبيل#والله يا يما راحت من قدام عيني راني حاب نقتل روحي ...يا ولوكان ما نلقاهاش تصرا حاجة فيا
امينة#(و هي تبكي) والله ما تحشم ...والله ما تحشم ...بنت ختي داك ما بقالي في دنيتي تجيبهالي من السما ولا مالارض
فؤاد#كالمي روحك امينة راكي تشوفي السيد مالصباح ما ريحش و هو يحوس عليها...
نبيل#خليها... عندها الصح كان خصني نديها معايا بصح انا اللي غلطت ... نجيبهالك ما تخافيش
جلال#اسمع يا ولدي ...يلا ما جبتش الطفلة ما تدخلش للدار
و شاف فيه نبيل و خزر فيهم قاع و قالهم
نبيل#انا راح نجيب سيليا لهنا و يلا ما صراش هاد الشي فؤاد تقدر تخوي كابوسك فيا...(و خرج)
......

_عند سيليا:
كانت دايخة و قعدت تسيي تحل عينيها
حتى قدت تشوف بلي راهي في شومبرة مبلعة ...سيات تنوض بصح كانت محزومة في كرسي و دايرينلها السكوتش في فمها ايا قعدت تبوجي و تزڨي بصح ما قدتش حتى دخلو عليها زوج مي شكوووووون؟؟!!!! وائل ولد هوارية اخت سعيدة (هدا ولد خت سعيدة ما قتلكمش عليه في عمره 19 مباعدا تزيدو تعرفوه) و محمد خو سعيدة ...كي شافتهم تنارفت و دورت راسها ايا قربلها وائل
وائل#سيليا(و تبسم) ...كيراكي(و قلعلها السكوتش بشوية
سيليا#ااااه كيراني و تزيد تسقسيني والله ما تحشمو ...علاه جبتوني شاراكم باغيين قيلوني قيلووووني... في alg و لحقتوني راني باغية نعيش حياتي ...غي سعيدة تاع الزبل و تزيدو نتوما...
محمد#(عاود دارلها السكوتش في فمها) بلعييييييه كليتينا الرب العالي
وائل#سيليا ما تزعفيش عليا حمبوك والله ما انا اللي جبتك هنا ...محمد و هاداك لاخر هما جابوك و زيد هاداك هو اللي قتل عبد الاله والله ما انا
محمد#سايي وائل خرج نتا دوك نهدر معاها دقيقة و نجي
وائل#صحا محمد...(و خرج)
محمد#سمعي غادي نقلعلك السكوتش بصح ما تضجينيش (و قلعلها السكوتش)
سيليا#هاااااا الرب العالي الناس يخطفوهم مافيا تع الصح و انا يخطفني محمد و وائل....حبس حبس حبس شكون داك لاخر اللي كان يهدر عليه وائل و جبد بابا
محمد#ما كاين حتا واحد...
سيليا#محمد شكون هاداك اللي هدر عليه؟
محمد#صبري نفهمك...بسبتك وائل وصل هاكا...
سيليا#شا هاكا شا هاكا مالجده وائل
محمد#كي مقلقااااااا قلت صبري....وائل عنده انفصام في الشخصية دروك... هادا اللي كان يهدر معاك la personnalité المليحة و اللي جابك معايا هنا la mauvaise ...و كلشي بسبتك نتي و بوك
سيليا#ما تجبدش بابا على لسانك ولا...
محمد#نتي ماعلابالكش شا دار بوك ...وائل مسكين كان يبغيك سيريو و يضل يتبع فيك و نواك للحلال و جا عند بوك بغا يحط الكلمة عليك بصح كي هدر معاه عايره و قالله غير نتا اللي ما تديش بنتي و زاد طرده من داركم ...وائل مسكين خرج مابيه يندب على المسخ اللي داه من بوك ولا يبكي خاطش ما يقدش يكون مع اللي يبغيها...و جا عندي انا و كانت معايا سعيدة و بدا يشكيلنا ايا قاتله سعيدة دورك سيليا عاقلة و تامن باللي يبغيها بصح بوها ما غاديش يبغي و la seule solution باه توخره مالطريق خصه يموت ...و من داك النهار يجو واحد les moments يتبدل فيه وائل و يقولنا ما تعيطوليش وائل و كي ديناه للpsycologue قالنا عنده انفصام في الشخصية بسبة choque...تما قعد يتبع في عبد الاله حتى خطرة كان جاي بوك من ميسيون ايا خربله فالفرانات و خصرهمله و هرب...و هاد الشي صراله بسبة روحه هو اللي دار في روحه هاك
سيليا#(حلت فمها و قعدت تبكي)لا...لا...لا لا لا لاااا وائل هو اللي قتل بابا والله تخلصوها كي نتا كي ختك الكلبة اللي قتلت ماما كي وائل دوك تخلصوها
محمد#(قعد يشوف فيها و دارلها السكوتش في فمها) انا قلتلك باه تعرفي بوك شا دار لوائل و يستاهل ديجا...مشي باه تندبيلي هنا(و خرج مالشومبرة و خلا سيليا تبكي و حدها)
....