جروح بريئة(باللهجة الجزائرية)

المحاكمة

راح فؤاد و la police عند سعيدة و جابوها من دارها بالتهم اللي دارتهم و داوها للمحكمة و بدات الجلسة...
رئيس المحكمة#فتحت الجلسة
القاضي#الصابر سعيدة تقدمي..
سعيدة#نعم سيدي القاضي
القاضي#الانسة عامر سيليا راها موجهة ليك التهم التالية:اقتناء سم غير قانوني و القتل العمدي للمعطي سماح...التحريض على قتل عامر عبد الاله...اختلاس املاك عامر سيليا...تزوير عقود ملكية للضحية السابقة بالاضافة للكذب على السلطات و تمويه العملية الاولى...دافعي على نفسك
سعيدة#اعترض سيادة القاضي... اعطوني الدليل
القاضي#تقدمي انسة عامر سيليا
سيليا#نعم سيادة القاضي
القاضي#ما قولك
سيليا# سيادة القاضي اسمحلي نحكيلك على الجرائم اللي ارتكبتهم انا عندي الدلائل و العقود و التقارير اللي تثبت بلي هي اللي شرات السم و قتلت بيه الوالدة تاعي ربي يرحمها و نزيدك سيادة القاضي خوها محمد و وائل ابن اختها كانت عليهم ضغوطات نفسية و استغلتهم و حرضت وائل باه يقتل بويا المتوفي و الاملاك كيما علابالكم رانا حكمنا المزور متلبس و راه كاين الشهود سيادتكم
سعيدة#اعترض
محامي سعيدة#سيادة القاضي نحن لم نر شيئا مجرد افتراءات في الفراغ دون براهين و ادلة
القاضي#الكلمة لهيئة المحلفين
هيئة المحلفين#ليتقدم الشاهد الاول اخ المتهمة الصابر محمد
محمد#نعم سيادة القاضي
القاضي#ماذا تقول عن التهم المقدمة لاختك الصابر سعيدة
محمد#كيما يقولك سيادة القاضي قل الحق و لو كان مرا و يلا بغا هادي ختي مانكدبش بلي هي شرات السم و قتلت سماح ربي يرحمها و حرضت وائل ولد ختي باه يقتل راجلها طمعا في الورث بعد ما ضمنت شكون يزورلها الوكالات و كانت حكاتلي كلشي بصح حتى ليوم جيت نحكيلكم و جاتني الفرصة و  نتحمل اي عقوبة
القاضي#و الدليل
لينة#سيادة القاضي يمكنكم ايجاد التقرير الحقيقي لموت المعطي سماح و عقد اشترائها للسم الممنوع بالاضافة الى الوكالات الحقيقية للملكية
القاضي#(قعد يv يريفي في الدوسي و يقرا) يبدو ان الدلائل صحيحة فليتفضل الشاهدان عزيز صاحب السم و شريكه:
عزيز# سيدي القاضي هاد المراة اللي راها امامكم هيا اللي شرات من عندي السم و زادت اتهمتني و خونت عقود البيع
شريكه#نعم سيدي القاضي و العقد كيما شفته راه عندك
القاضي#شا تقولي الصابر سعيدة
سعيدة#افتراء
هيئة المحلفين#مرفوض
القاضي #نادو الشاهد الاخير ...تقدم **** عماد
عماد# انا خاطيني سيادة القاضي جابتلي 70مليون و راك عارف الدراهم قاتلي زور الوراقي و الوكالات ايا زورتهم و عطيتهملها
و كيل الجمهورية#( مدة التشاور ) اعلنا بعد هذه الجلسة ثبوت التهم التالية على المتهمة الصابر سعيدة القتل العمدي و اشتراء سم غير قانوني التحريض على القتل و استغلال مريضين نفسيين بالاضافة الى تزوير الوكالات و اختلاس املاك خاصة بالعامر سيليا
رئيس الجلسة#قد تم التقرير في حقك السجن المؤبد و احالة **** وائل و الصابر محمد الى الاطباء النفسيين و التقرير في حقهما 4 سنوات للصابر محمد و ذلك حسب المادة 128 من القانون الجنائي و 7 سنوات ل*** وائل للقبض عليه متلبس في عملية اختطاف حسب المادة 167 من قانون الجنايات و سيتم ارجاع كل الاملاك الى العامر سيليا...
رئيس المحكمة#اغلقت الجلسة
_و ناض القاضي و رفدو سعيدة. محمد و وائل و سيليا بغات تطير مالفرحة كي عطاوها الوكالات
سيليا# ليكيب سايييي ولالي حقي الحمد الله يا ربييي
نبيل# والله يلا فرحتلك ارواحييي( و عنقها ايا قعدت تنقز و زادت عنقت شيماء و مروى و امينة بدات تزغرت)...
شيماء#شوفي على هادي اليوم نتعشو برا و الخلاص عليا
مروى# اادي عليا انا
نبيل# خسارة عليكم اللحية هنا ماراهش تبان... خواتاتي انا اللي نخلص اليوم
سيليا# خلو اليوما غادي ندير فيها وحد la fête يحلو فامهم فيها و زيد هدا الفرح تاعي غادي نديرها خير مالعرس
نبيل#فرح تاعك؟؟!! شدوني عليها غادي نضربها قاتلك الفرح تاعي..هدي فرحتنا كاامل
مروى#واه و زيد على هاد الفرحة غادي نخبطلك فيها وحد التزغريتة مالغري ما نعرفش يوووو يو يو ووح اح كح كحح احم سايي سايي بطلت ارواحي عنقيني خير
_و بداو يضحكو و قعدو يعنقو في سيليا و مباعد دارت حتى شافت سعيدة يديرولها فles menottes و تبكي ايا راحتلها...
سيليا#راكي تبكي
سعيدة#...(قعدت غي تحمر فيها)
سيليا# بكي بكي كيما بكيتيني و انحرقي كيما حرقتيني كيما قلتلك دارنا نرجعها نرجعها و كلمتي فاتت و دعاويا خرجو قاع فيك دركا عادا نرقد على المخدة هانية
_و جرجروها هي و محمد و وائل و داوهم la police
_
_
_
_في la fête :
_مورا ما جابت سيليا صوالحها پريپارت la fête مع نبيل و مروى و شيماء و فؤاد و قاع لافامي و الناس اللي تبغيهم في دار بوها و وحد l'ambiance وحدهااا و كانو قاع فرحانين و مقصرين في رحبة حتى شيماء قعدت تشوف في ساعة امينة ...
شيماء#امينة الساعة شابة بزاااف مين شريتيها
امينة#جابهالي كريم مla France خدمو منها زوج جابهملي ليا و لسيليا...سيليا وين راها تاعك نوريهالها
سيليا# اممم راها في tiroir نورمالمون
امينة# استني دقيقة نوريلك la pièce الزاوجة
_راحت امينة و كي جبدت tiroir تلاقات صاشي كحل خارجة منه پودرة بيضا رفداته و حلاته و لفات تصاوير راجلها كريم في الكاباريات و مع النساء و مالشوك قعدت غير نوع و تزڨي
سيليا# شاوالا هاد الزڨا
شيماء# أمينة راحت تجيب الساعة و ماولاتش
_و راحة ڨاع يجرو لقاو أمينة رافدة التصوير و طايحة منجمتش حتى توقف ....