#لن_أتركها_لغيري ❤

البــــــــــــ1ــــــــــــــارت الأول 💓

من رواية

#لن_أتركها_لغيري❤

تصويت قبل ماتقرو .. وكومنت بعد ماتقرو 💓

قراءة ممتعة 🌸

جمانة: احلى صباح لأحلى عائلة في الوجود 😄
نجمة: صباح الخير ....... صالح وتي روحك شكلها ترا شن تبي
صالح: صباح النور ... زعما قولتك😕
نهد: صباح الورد .... شني ضروري في حاجة بش تصبح عليكم هكي
جمانة: اي والله قوليلهم 😑
نجمة: الفطور واتي هيا تعالو البرا

وطلعوا يفطرو  في الجنان
نهد: بابا أمس كلموني بنات خالاتي بيمشوا عند خوالي وبيباتو مداما غدوا عطلة
صالح: وإنتو تبو تمشوا صح!!!
نهد: اي نعم 😆
صالح: كانكم عليا نرفعكم لكن ضروري تكون امكم موافقة
جمانة: أكيدة ماما حبيبتي بتقول باهي لأن ماشين عند خوالي وبنباتو مع حناي
نجمة: مدامكم عندكم نية بروا لكن قبل ضموا الحوش وفرحو الجنان
نهد وجمانة: حاضر
صالح: خلاص نروح من العمل ونرفعكم نلقاكم واتيات
نهد: إن شاء الله
*
*
*
*
رامي: الو
إسحاق: تي وينك ياراجل شكلك كيف نضت
رامي: اي والله كيف نضت خير
إسحاق: مش قلنا بنمشوا اندورو سيارة ل بوي
رامي: عليك نسوى... شوي نفطر وانكلمك
إسحاق: باهي بسرعة
رامي: تمام
.
.
رامي: صباح الخير ... شني ادير هني معدكش حوش
محمد: جاي بنفطر في حوش بوي أنت شن دخلك😑
إسراء: أاامووووووووو باح ليل (عمو صباح الخير)
رامي: صباح الورد دلوعة عمها ........ وين أمي ؟!!!
وليد: صباح النور ..... في الكوجينة

مشي رامي للكوجينة هو وإسراء
رامي: صباح الخير
سلوى: صباح النور
زينب: المفروض صباح القايلة مش صباح الخير
رامي: تي شني قاعدة الساعة 10 ...... منا وين الحاج
زينب: سافر اليوم الصبح خيرك شكلك نسيت
رامي: اي والله .... هيا وين الفطور وراي مشوار
وليد: وين وإنت ديما ادور 😕
رامي: عمي عز الدين يبي يشري سيارة جديدة شوي بنمشي أنا وإسحاق نشوفوله
سلوى: أول مرة نسمع رامي يقول وين طالع
زينب: ههههههههه  اي حق
إسراء: أمووو زيب معاك حلوة ومستة وسيبسي (عمو جيب معاك حلوة ومستكة وشيبسي )
رامي: حاضر إنتي تأمري
.
فطروا وطلع رامي مع وإسحاق وقعدو يدورو في سيارة
.
صالح روح : نهد جمانة هيا كان تبو تمشوا
جمانة: هي هانا جايات
نجمة: ردو بالكم على رواحكم ومتعصبوش حناك فاهما إنتي وياها
نهد: حاضر قداش مرة بتقوليلنا
جمانة& نهد: هي مع السلامة ماما بنستاحشوك
صالح: اللي يسمعكم يقول بيمشو للحج
نجمة: هههههههه  مع السلامة

وهما في الطريق
نهد : بابا نبو حاجات نرفعوهم معنا بش ناكلوهم حني والبنات 😊
جمانة: اي حق ☺
صالح: حاضر
صالح مكانش منتبه لين بعد شوي دارو حادث
وقفت السيارة متعهم وجتهم السيارة التانية اللي بعد شوي خبطت فيهم نزل صالح يشوف في السيارة ونزلو الشباب اللي في السيارة التانية
صالح: أسف ياشباب بعد شوي إنتقلنا إلى رحمة الله
رامي: اي والله ياعمي شني وين كنت مش منتبه
صالح: والله ترا كيف سهيت مش عارف
إسحاق& رامي : الحمد لله ع السلامة ياعمو
صالح: الله يسلمكم والحمد لله على سلامتكم حتى إنتو
جمانة نزلت من السيارة: بابا... بابا ... نهد دايخة في السيارة راهو
صالح: خيرها
ومشو كلهم يجروا
رامي: عندكم في السيارة اميه
جمانة: لا مهناش
إسحاق: في السيارة متاعي خن نمشي نجيبها
رامي: بسرعة
إسحاق: هاك ياعمي بخ منها على وجهها وشربها منها
شربتها جمانة وناضت نهد
صالح: بارك الله فيكم ياشباب
رامي: ولو هذا واجبنا
صالح: قولي مش إنت ولد خالد آل###### وليد صح
رامي: اي أنا ولد خالد لكن أنا مش وليد أنا رامي
صالح: بالجودة معرفت خير إن شاء الله
رامي: وبيك أكثر ياعمو
صالح : سلملي على بوك وقله يسلم عليك صالح ال######
رامي: يوصل

ومشي صالح رفع بناته لعند خوالهم........ وأما رامي وإسحاق مشو للبحر🌅
إسحاق: في شن تفكر شكلها البنت خذت عقلك
رامي: مرات
إسحاق: كانت ناوي عليها تقرأ معنا في الكلية راه
رامي: قول والله
إسحاق: والله
رامي: وأنا نقول وين شايفها
إسحاق: اي خيرك مش مرة مرة فادي يقف عليها ماهو عائلاتهم صحاب بعض وهما جيران😯
رامي : منك نسمع😮

إسحاق: الو
عز الدين: شني ياولدي شن صار لقيتوا
إسحاق: اي ...... غدوا تو نمشي انا وياك نشوفاها
عز الدين : باهي .... هي روح حوش عمك عندنا ويستنوا فيك
إسحاق: باهي هي أنا مروح وروحو
:::🌸
نهد: حناي حبييتي ستاحشناك
فاطمة: حتي انا يابنيتي. منا أمكم وين ؟!
جمانة: والله زي ماعارفة في الحوش

كمال: السلام عليكم ورحمة الله
فاطمة: كمال ولدي جيت
كمال: هاني ياحناي كيف مروح من الخدمة
( كمال يكون ولد خال جمانة شبوب سمح وطيوب وجنتل متخرج وكيف بادي يخدم😉)
نهد: واضح عليك حتى ريحتك طالعة
جمانة: اووووو كيموو عاش من شافك شني من العيد لل العيد
كمال: أهلين.  والله هاني الخدمة موصلة لعند رأسي وينها المشفشفة
فاطمة: منو زهور؟
كمال: اي
جمانة: والله مش عارفة من بكري حني هني وهي قاعدة مجتش
كمال: وخيركم ممشيتولهاش حوش خالكم قريب مش بعيد
 نهد: خذتنا الهدرزة مع حناي نسيناها مرة وحدة
كمال: منا عن إذنكم خن نمشي ندوش وتو اناديهالكم
جمانة: ماشي خوذ راحتك إذنك معاك.......

# يتبع

اسفة لو في أي أخطاء إملائية ❤