#لن_أتركها_لغيري ❤

البــــــــــــ11ــــــــــــــارت الحادي عشر 👌

من رواية
#لن_أتركها_لغيري ❤

قراءة ممتعة🌸

رامي شاف لإسحاق اللي لقاه يشوفله:: بنت ... كيف وضح
صابر:: جمانة صالح ال####
رامي بحدة:: فوتها
إسحاق:: هدي
صابر:: بشوية عليك راك في أرضي وبين جمهوري
رامي بهزوة:: دير شن بدير "بعصبية"لكن هيا فوتها
صابر ببرود:: اووووو خفت
رامي ساكت
صابر:: هما كلمتين ورد غطاهم دور غيرها
رامي:: قولهم لروحك
صابر:: أنا توا جايبك هني بنحذرك 
رامي:: إعرف روحك مع من تلعب
صابر:: عارف روحي كويس كويس
رامي:: خلاص مالا
صابر بعصبية:: أنا قلت
رامي:: وصلت
صابر:: منا هونا. .. يلا
رامي:: هي انستو بعض
صابر شافله من فوق ل لوطا
رامي ردله الشوفة متعه وطلع هو وإسحاق
شاب 1 :: هيا اركبو
وركبو. .. وردوهم مكان ماجابوهم

::::::::🌸🌸:::::::🌸🌸::::::::

خلي نحكيلكم على صابر شوي
صابر يكون وحد متع مليشيات ومخذرات والجو هذا ..... ومرة كان مروح بأخته من الكليه اللي هي نفس كلية جمانة شوي عجباته وحبها .... وطبعا جي كلمها لكن هي قتله مرتبطة والجو هذا ..... شوي عصب وبدي يقول في كلام مش ليه...... المهم جمانة مشت وسيباته. ........
وهو حلف إنه رح يتزوجها ....... وطبعا شافها مرة واقفة على رامي ... شوي فكر إنه يحبسه لكن كان حبسه مش رح يستفيد شي وهذا اللي خلاه يكلم رامي

:::::::🌸🌸:::::::🌸🌸:::::::

خلي نرجعوا
إسحاق:: توا شن بدير
رامي:: حلوة شن بدير اهيا
إسحاق:: فكر بعقلك مش بقلبك يارامي
رامي:: إسحاق مديرش فيها جو فيلسوف ومش عارف شني أنا مش رح نخليها لغيري تبي تفهمها هكي ولا خلي نقولهالك بالعربي الفصحة أنا "لن أتركها لغيري" فهمت
إسحاق:: اه وخلاص
رامي بعصبية:: علاش علاش خيرني أنا مش مسربة معاي علااااااااش
إسحاق:: رامي اهدا خلاص
رامي:: نحبها والله نحبها
إسحاق:: به وتوا
رامي:: بنخطبها واللي يصير يصير
إسحاق:: سير ونحنا معاك
رامي:: عارفك متقصر
إسحاق:: أسمع
رامي:: نعم
إسحاق:: ولا نقلك فوتها
رامي:: خيرك
إسحاق:: كان صار خوك يحب شكله
رامي:: منو. . إنت
إسحاق هز راسه بمعنى اي
رامي:: ت غر منو يابرو
إسحاق:: صفاء 
رامي باستغراب:: صفاء صفصف
إسحاق:: اي صفصف بعينها
رامي:: ترا إحلللف
إسحاق:: اي خيرك
رامي::ومن أمتا تحبها
إسحاق:: من أيام الكلية
رامي:: الي يسمعك يقول لينا 5 سنين متخرحين هو حتى سنة مسكرنهاش قلك من أيام الكلية قال
إسحاق:: والله نتفكر في هاكي الشوفة لليوم
رامي:: ههههههههه لكن شخصية وحضور
إسحاق:: ههههههههههه فوت الموضوع
رامي:: يلا برا وقول يالله وأنا معاك
إسحاق:: يالله. ...... أسمع هيا عازمك ع العشي
رامي:: وعشاك شني
إسحاق:: خبزة ودحي وهريسة
رامي:: اي وطاست شاهي
إسحاق:: ت غر اقف
رامي:: هيا والله المغرب يأذن خلي نصلو في جامع الخليل ونروحو
إسحاق:: وصلي ركعتين بنية التوفيق
رامي:: مش وقت بسالتك

::::::::🌸🌸::::::🌸🌸:::::::

عند جمانة
جمانة تنادي:: لبنة لبنة
لبنة:: أيوا هانا مقعمزين في الجنان تعالي
جمانة:: اوووو أيمن
أيمن:: اهلا أهلا
لبنة:: نعم خيرك تنادي
جمانة:: تعالي تنادي فيك خالتك فوزية شكلها جايبتلك عريس
أيمن:: شني شني
لبنة:: اووووف وهي ديما بعرسانها .... بنمشي شوي ومنعطلش . جمانة خليك هني
جمانة هزت راسها ب اي ومشت لبنة
أيمن:: خيرك شن فيك
جمانة:: مش عارفة حاسة شعور غريب
أيمن:: غريب كيف
جمانة:: حاسة موضوعي أنا ورامي مش رح يصير منه
~{أيمن كان عنده علم ب إرتباط جمانة ورامي .. رامي هو اللي قله .. لأن جمانة تعتبر في أيمن زي خوها 😉😉}~
أيمن:: علاش خيركم متعاركين
جمانة:: لا بالعكس
أيمن:: مانا كيف
جمانة:: مش عارفة أصلا أنا ديما فرحتي مش كاملة ضروري يصير شي بش متكملش
أيمن:: علاش تقولي هكي
جمانة دموعها ينزلو بدون وعد منها:: تتفكر أمتا نجحت في الشهادة الإعدادية امتا دخت ورفعوني للمشفى وقعدت في غيبوبة ل 3 أيام بسبب طيحتي على راسي من الدروج متع المدرسة ...... وبعدها في الشهادة الثانوية لما عبدو دار حادث ودخل العناية وفي نفس الأسبوع نهد إنكسرت رجلها ...... ولا في عيد ميلادي لما تكهربت وقريب متت من الكهرباء .... ولا لما تخرجت إنت أنا محضرتش المشروع على خاطر صارلي هبوط في الضغط والسكر وطلع معنديش دم ولا صفائح ..... تتفكر فيه كل هذا
أيمن:: خلاص هدي عاااد سادك دموع يادلاله
جمانة وهي تمسح في دموعها:: قتلك كل حاجة حلوة ولا الحاجة اللي نبداء متشوقة أمتا بتصبر لازم تصير حاجة بش متكملش
🌸🌸

القرار السليم والرؤيا الواضحة تمنعنا من الوقوع في الخطاء ..... الثقة الزائدة ربما تهلك صاحبها .... فإختر بحكمة وترو وثق دائما بقرارك وآختر من حولك بدقة لأنهم من يسندون ضهرك😢 
بقلمي✏Âmøń
 

دموع تنهمر❗ ....
 علاقات تهدم❗....
حب وليد❗ ....
عودة أحباب❗ ...
هل يستمر الحب ⁉
استنوني في الحلقة الجاية من رواية
#لن_أتركها_لغيري ❤

نبي تعليقات 🙈🙈
فرحوووني شوي 🙊😻