من رواية
#لن_أتركها_لغيري❤
قراءة ممتعة 🌸
أيمن: نعم
رجاء: قولي ولدي هيا أمتا بنفرحو بيك
أيمن: تي شني هكي تبو تتفكو مني
رجاء: هههههههه لا ياولدي غر معندي ولد غيرك ومن حقي نفرح بيك
أيمن: مزال ياحاجة مزال........ وسرح أيمن شوي يفكر في هاكي البنت (لبنة)
رجاء: نيالها اللي واخذة عقل ولدي
أيمن: ابتسم وسكت
رجاء: غدوا قتلك نبي نمشي من الصبح لحوش حناك وسلم وليدي أرفع أختك لحوش خالتك نجمة
أيمن: من الصبح
رجاء: اي
أيمن: ربك يستر...... انا بنرقد تصبحي عل خير
رجاء: وإنت بخير
ورقد وهو عقله مش عنده
......
في الصبح
ناضت جمانة قبل لبنة وتتلها فطور مصارش هي والعيلة ومشت تتنوض فيهم
جمانة: لبنة..... لبنة
لبنة: صباح الخير
جمانة : صباح الفل والياسمين ..... هيا الفطور واتي
لبنة: هاني نايضة
ناضو وفطرو وشطبو عل الحوش وهما كيف قعمزو فون لبنة يرن
لبنة: الووووو ... أهلين عبيرو
عبير: أهلا حيبيتي غلايا إنتي ياعمري
لبنة: م الأخير شن تبي
عبير: يعني ضروري نبي حاجة
لبنة: عارفاتك وحافضاتك بصم
عبير: بنمشي لمحل الحلو متع ولد خالك ونبيك تمشي معاي
لبنة: توا
عبير: اي منا غدوا
لبنة: أنا في حوش صاحبتي
عبير: أها. ...... أسمعي نرفعك ونردك عندهم ضروري تمشي معاي
لبنة: باهي تمام
جمانة: خير شن في
لبنة: خير خير .... غر عبير بنت عمي بنمشي لمحل الحلو متع إسماعيل ولد خالي وتبيني نمشي معها
جمانة: بري بري
لبنة: بنمشي ومش مطولة
جمانة: تمام
نهد: أسمعي راك تنسينا جيبيلنا معاك كيك وعصائر طبيعية وحاجات
لبنة: حاضر ولا يهمك
.......
ومشت لبنة للمحل.
لبنة: السلام عليكم يا ولد الخال
إسماعيل: وعليكم ماقلتم. شن الجو
لبنة: عسل وإنت
إسماعيل: مليح بكل
لبنة: دوووووم مش يوم
إسماعيل: دوم حمدك
وشرو شن شرو وروحو
........
أما عند أيمن
حميدة: أيمن نوض سلم أوخي
أيمن: فوتيني
حميدة: هيا أقف اتصلت بالبنات بكري ولبنة عندهم ضروري نلحق عليها قبل متروح. نوض نووووووض
أيمن ناض سقم روحة:: منو عندهم
حميدة: صاحبت جمانة بنوتة توهبل عليك أسلوب وأخلاق وإحترام ماشاء الله عليها
أيمن: أها..... باهي خن نبدل ونرفعك
.......
ورفعها عند خالتها ونزل قعد واقف في الجنان لين نادوه يدخل لأن لبنة قاعدة في المحل سلم عليهم وقاعدو يهدرزو. ..... طلعو نجمة وصالح وقالو لأيمن أقعد معاهم لين نروحو أيمن وافق وكان كل تفكيره في لبنة البنات مشو ل دار جمانة وكملو هدرزة وأما أيمن قعد مقعمز في الصالون لين شخص يطق عل الباب
..........
أيمن: منو
لبنة: انا لبنة أفتحولي
فتحلها أيمن الباب وهي من الصدمة لين قريب طاحو منها الحاجات اللي جايبتهم كان ماشدهم أيمن
أيمن : ياساتر بشوي عليك
لبنة: 😱😱😱😱
شوي رفعهم للكوجينة ولبنة تمشي وراه
لبنة: عفوا يا... قاطعها أيمن
أيمن : أيمن
لبنة: عفوا يأيمن البنات وين
أيمن: في دار جمانة على ما أضن
لبنة قصتله من الكيك وعطاته عصير
أيمن وهو يشوفلها وعيونة قلوب قلوب😍😍 : يسلمو ايديك
لبنة: ولو هذا واجبي😄...... إنت خو حميدة صح
أيمن: اي صح
لبنة: هي هني
أيمن: اي
مش لبنة تجري وأيمن طلع ل الصالون وهو يشوفلها
لبنة: حميدووووو
حميدة: لبنة
وحضنو بعض وقعدو يهدرزو قدام الباب وأيمن مزال يشوفلها
لبنة: تعالو للكوجينة جيبتلكم معايا هلبة حاجات
نهد: الله
ونزلو للكوجينة وقصو الكيك
حميدة: لبنة ديريلنا قهوة
جمانة: ايه ايه والله مشتهيتها
لبنة: باهي ....... حميدة بري أسألي خوك كان يبي قهوة
حميدة مسمعتهاش لأنها كانت تهدرز مع نهد لما كانو طالعين لجنان شوي لبنة مشت تكلم في أيمن
لبنة وهي متحشمة: أيمن أنا والبنات بنديرو قهوة تبي نحسبوك معانا
أيمن: عادي مفيش مشكلة
لبنة : باهي سؤال
أيمن: تفضلي
لبنة: القهوة متاعك تشرب فيها سادة ولا سكر زيادة ولا وسط
أيمن: اللي بديريه باهي
لبنة: إنت اللي بتشرب مش أنا
أيمن: وسط
لبنة: تمام
........
وطيبة لبنة القهوة وشرباها البنات في الجنان وأيمن في الصالون وبعدين روحو نجمة وصالح
أيمن: منا عن إذنكم توا
نهد: إذنك معاك
أيمن: حميدة أمتا بتروحي كلميني
جمانة:: ومن قال بتروح
أيمن: عفوا
جمانة:: هو لبنة بايتة حتى اليوم شوي نبيها تبات معانا لو مفيش أي مانع الحق
أيمن: حاضر تبات الليلة اي أوامر تانية
جمانة: تسلم يا خوي التاني
وروح أيمن
نهد: غريبة أيمن قال باهي طول مش عادته
نجمة: هيا يابنات بنمشو للبحر
........
ومشو للبحر والسبرايز إن رامي كاين يتمشى عل البحر شوي شافهم..
نجمة وصالح قعمزو واما البنات كل 2 مشو مع بعض
لبنة: حي يا جمانة حي
جمانة: خيرك شن في
لبنة: شفتيه الولد هذكي
جمانة: اي
لبنة: هذا رامي ولد بنت خال أمي اللي حكيتلك عليه مرة
جمانة: قصدك هو هذا رامي
لبنة:أي
جمانة: وأنا هو هذا الولد اللي نحكيلك عليه أمس
لبنة: هههههه شفتي الصدفة
جمانة:ههههه اي
وهما كانو قراب من رامي ورامي شافلهم وحس أنهم يتكلمو عليه ... جوهم نهد وحميدة
نهد: جمانة ..........#يتبع
زعما شن قالت نهد
استنوني في حلقة جديدة من رواية
'' لن أتركها لغيري''
أنت تقرأ
#لن_أتركها_لغيري ❤
Romanceرواية باللهجة الليبية طبعا القصة واقعية وأبطالها عايشين معانا .. طبعا فيها شوية من الخيال للتضليل ع الشخصيات طبعا 🙈🙈 ومتابعة طيبة
