ماقبل الأخيرة 😿❤
من رواية
# لن_أتركها_لغيري ❤
قراءة ممتعة🌸
في الصبح
طبعا رامي روح من ألمانيا ودارو عشي امس وهو و الكلب متصلش بجمانة
في الكلية
مشت جمانة ولبنة للكلية جددو القيد وقعمزو في وحدة من الكنبات
لبنة:: جمانة حي شفتي من جي
جمانة مصدووومة
فون جمانة رن..... الو عبدو ..... اي كملنا .. إنت البرا .... باهي طلب ...... إنزل. .. تمام نستنى فيك ...
طبعا جمانة عندها علم أن رامي روح ... لأن إسحاق نزل بوست عالفيس ودار تاق لرامي 😊
نزل عبد الرحمن ووقف على جمانة
رامي كان يدور في جمانة لكن الصدمة إنها كانت واقفة على عبدو .... وزي ماقلت إن رامي ميعرفش عبدو..... مشالها وهو حامق لين العروق اللي في رقبته باينات
::جمااااااانة
جمانة تلفتت :: رامي
وجي رامي ومسك عبدو من البلوزة متعه بعصبية
عبدو حول ايدين رامي اللي كانو عليه:: وين تحساب روحك
رامي لف لجمانة:: من هو هذا
جمانة كيف جت بتتكلم
عبدو:: أنت اللي منو
رامي:: جمانة جاوبيني
عبدو:: مش ملزومة تجاوبك
رامي ضرب عبدو بوكس
عبدو ردهوله. .... بدو يتعاكو
جمانة:: عبدو رامي خلاص
لين جوهم للأمن متع الكلية حزوهم ومشي عبدو معاهم بينما رامي فكانو يعرفوه فخلوه عادي ''واسطات'' ....ومشي يكلم في جمانة اللي كانت واقفة ومصدومة
رامي وهو يساوي في البلوزة متعه:: جمانة من هو هذا
جمانة اللي دموعها نزلو وحروفها خانوها في هذي اللحظة
رامي أمتا شاف دموعها ضعف بهمس:: علاش اديري فيا هكي علاااش
جمانة بصوت مخنوق:: أنت علاش سيبتني ومشيت
رامي:: أنا مسيبتكش .... لكن الضروف
جمانة:: ضروف ''وضحكت بستهزاء''
رامي:: والله الضروف ... كنت مسافر وو
قطعت عليه جمانة :: مسافر ... وأنا كل يوم نتعذب ومشغولة عليك وربي أعلم بحالي ... وتوا ترجع اتقلي ضروووف بس هذا السبب معندك دم إنت .... مواعد بنت وهي زي الهبلة صدقت وبدت ترسم في أحلامها معاك و و وبدت تبكي
رامي وملامحة بااردة:: لكن شايفك عايشة مع غيري عااادي
جمانة شافت لرامي كان ودها اتصرخ لكن فضلت السكوت
رامي:: اي وتدهوري إنتي وياه في الحدائق وعااادي ..... ونسيتي العشرة.. وبايعتني
جمانة وراسها في الأرض:: اي كنت تعبانة. ... رفعت راسها وبثقة.. بعد ممشيت وخليتني
رامي بقرف:: خسارة فيك حبي والله
جمانة حست ان أنوثتها انجرحت
رامي:: والله خسارة ....... سكت شوي ولحظة ضعف ... جمانة قوليلي تبصري قولي نكذب قولي اي شي منبيش نضلمك
جمانة وبكل قوتها:: علاش بنكذب .... هذا اللي صار .... وأصلا انت الغلطان ..... به علااش متصلتش ... لا مسج لاشي ''بصراخ'' علااااااااش
رامي:: لأني لأني
جمانة بعصبية:: لأنك شني ... تكلم
رامي بعدم اهتمام يجرح:: وعلاش بنقلك إنتي من أساسا
جمانة جمدت في مكنها كأنها مكعب ثلج
رامي:: تعرفي حبيتك لدرجة إنك لو تقوليلي موت انموت ... لكن توا كان نلقى نمحيك من ذاكرتي من كل شي في حياتي خلاص مليكش اي قيمة ... كان يقول في كلامه مش واعي وهو كان خاطره يصرخ بأعلى صوت ويقول انحببببببك انحبببك لكن الموقف غلب عليه
جمانة:: تسمع في روحك شن تقول صح......... كلامك تقول فيه ليا أنا يارامي .... جمانة
رامي ساكت
جمانة تلفتت وكيف بتمشي:: تعرف كنت نبي نسمع منك كلمة وحدة ونسامحك على اللي فات ''تلفتت عليه وتشوف لعيونه ودمعها على خدها'' تعرف إني نعرف إنك كنت في ألمانيا وكنت داير عملية ومضروب بالرصاص وحدة في رجلك والتانية في كتفك ... وكل يوم نسمع في أخبارك ..... لكن كنت نبيك تروح وتقول .. جمانة نحبك خلاص هانت بتبدي زوجتي وأخيرا ... لكن تأتي الرياح بما لاتشتهي السفن ..... يعني اني كنت نطمن عليك مرة مرة مع انك جرحتني لما مشيت بدون كلام ... نبي نقلك حاجة أخيرة .... ان اللي كنت واقفة عليه هذا خوي عبدو .. ومعرفة خير .... ومشت
رامي واقف مصدوم ومش قادر يتكلم خاطرة يقول نحبك متسيبينيش ..... حس بدمعة حارة على خده مسحها بدون ميشوفه حد
القلب الطيب❤ ... يتحمل الجرح💔 .. اذا أتا ممن أحب ،،،،، وببعض الحنان وبكلمات بسيطة يختفي الجرح إلى الأبد💜
عبدو روح بلبنة وجمانة .. لكن جمانة نزلت مع لبنة لأنها كانت مضايقة واااجد من اللي صار
أما رامي فمشي كالعادة للبحر
رامي بعصبية غلب عليها الحزن:: علااااااش ... أنا شن ناقصني ...
رامي:: به علاش دارت فيا هكي
وجاته سيارة بكل سرعتها شدت فرينو في الأخير ونزل منها أيمن
أيمن نازل ميشوف في شي إلا أنه يبي يقتل رامي
رامي:: أيمن
أيمن ضرب رامي ... ورامي مقدرش يدافع على روحة
أيمن وهو شاده من بلوزته ويهز فيه بعصبية:: علاش مش قلت مش رح تخليها لغيرك ... علاش سيبتو .... علااااااش
رامي وهو يادوب يتكلم :: مش أنا اللي سيبتها هي
أيمن وهو على نفس الوضع:: مش تحبها ... خيرك خيرك .. شن صارلك .. خلاااص
رامي وهو يحول ايدين أيمن لأنه خلاص معادش قدر يتنفس :: هي تحسابني سيبتها بعد ماسافرت ... هذا علاش خانتني مع وحد تاني
أيمن بعصبية وصراخ:: خيرك تخرط ... خاناتك ...
رامي بعصبية:: معادش تصرخ هدي وتو انقلك
أيمن بعد ماهدي شوي:: هيا حل فمك تكلم
رامي:: مش أنا سافرت على خاطر العلاج
هي تحسابني خليتها ومشيت .. يعني منبيهاش ... وعارف روحي جرحتها. لكن وأنا كيف بنتصل بيها توصلني صورة وكانت هي وولد يدهورو في وحدة من المنتزهات
أيمن بإستغراب:: ولد
رامي هز برأسه أي ووراله الصورة
أيمن ضرب رامي على رأسه :: ياحمار هذا عبد الرحمن .. خوها
رامي بصدمه:: خوها
أيمن:: اي عبدو اللي كان مسافر
رامي حط يده على وجهه:: أنا علاش درت هكي ... ومسمعتش منها
أيمن:: كانت بتقلك لكن كلامك جرحها .... وعبدو هو كل شي عند جمانة متعلقة بيه واااجد .. لكن والله اللي درته غلط
رامي:: وتوا خلاص ضيعتها من أيدي
أيمن:: مش تحبها
رامي هز راسه اي
أيمن:: صلح غلطك
رامي:: به كيف
أيمن:: فكر
رامي قعد يفكر شوي وبعدين:: لقيتها
أيمن:: شن هي
رامي:: اتصل بعبدو وقله يجي هني
أيمن:: علاش
رامي:: غر اتصل
أيمن:: أمري لله ... واتصل
الو. ... شن الجو ..... دوم .... أسمع تعالى للجرف .... غر نبيك ضروري .... اي بسرعة .... هي نستنى فيك
،،، توا كلكم تسألو أيمن كيف عرف ... طبعا عرف من لبنة حكتله كل اللي صار😊 ،،،،،،
....#يتبع
اصعب الجراح هي التي تأتينا من أشخاص لم نظن أنهم سيجرحوننا يوما😢😢.... لكن ذلك الجرح سيلتئم عاجلا ام أجلا فقط إن وضع له العلاج فإنه سيلتئم أسرع .... ✋
عناد عاشق❗.
قلوب طيبة❗..
ويستمر الحب رغم العوائق❗...
انتظروني 😉
في الحلقة الأخيرة 🌸
من رواية ✌
#لن_أتركها_لغيري❤
أنت تقرأ
#لن_أتركها_لغيري ❤
Lãng mạnرواية باللهجة الليبية طبعا القصة واقعية وأبطالها عايشين معانا .. طبعا فيها شوية من الخيال للتضليل ع الشخصيات طبعا 🙈🙈 ومتابعة طيبة
