اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
•مهما حدث لا تزرعِ الكره داخل ثنايا روحكِ، فأنتِ تستحقين كل الحب عزيزتي•
أكيد أي حد بيمر بفترة يكره نفسه فيها، من موقف، كلمة سمعناها، أنا نفسي مريت بموقف خلاني أكره نفسي فترة تقريبا شهر و شوية خلونا نفكر مع بعض شوية، ايه الفايدةلو كرهنا نفسنا بسبب عيوبنا، عادي جدا لو عيوبنا ظهرت، مش عيب إن عيوبنا تظهر قدام الناس، بس العيب إنك تتدعي إنك خالية من العيوب، ده قمة الغرور، أي وحدة فينا فيها عيوب، مفيش حد كامل غير ربنا سبحانه و تعالى، الناس الي بتحبك بجد هتتقبلك من كل النواحي، هتتقبل عيوبك قبل مميزاتك، حبي نفسك بكل عيوبك مفيش حد من دون عيوب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قبل ما تدي لأي حد حب كبير فكري في حب نفسك، يمكن أنا اكتشفت ده متأخر، بس لازم تهتمي بنفسك و تحبيها نفس ما هي، كوني أعز صاحبة لنفسك عشان انتي الوحيدة الي مش هتخونيها أبدا، و إياكِ، هتخونيها لما تهتمي بحد أكتر من نفسك و تديله أهمية أكتر من أهميتك، دلعي نفسك، اوعي تفكري في حد أكتر من نفسك، لأنه و بصراحة لما تدي لأي حد اهتمام أكبر من اهتمامك بنفسك في يوم هينسى الاهتمام ده، و هيسيبك مش كلهم طبعا، مثلا لو حد جرحك والله مش تقعدي ترمي اللوم على نفسكو تفكري في مشاعر الي جرحك و تنسي نفسك و مشاعرها، أنتي كمان والله عندك مشاعر و أحاسيس و قلب لسا بيدق، مش تموتي نفسك على أي حد، يعني لو الشخص ده بيحبك مكنش جرحك خالص، فكري في مشاعرك، و خلي كرامتك فوق أي حاجة، خلي بينك و بين الناس حدود يعني متخليش حد يجرح فيكي كل شوية، تكوني عزيزة النفس، و مفيش حب أحلى من حب الذات لنفسها
