اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مهما كانت جروحكِ قوية لا تعطيها أي اهتمام و اكملي حياتكِ الرائعة
"اهجري كل ما يؤذيكِ و لا تلتفتِ"، من أحلى الجمل الي قرأتها في حياتي، الجملة دي بتعنيلي حاجات كتيرة و منها بدأت نقطة التغير عندي، ليها تأثير كبير في حياتي، كل حاجة بتأذيكي سيبيها و متبصيش وراكِ، أكيد أي حد فينا بيتعرض لمشاكل، الشطارة بتبقى لما نطلع منها و نكمل حياتنا عادي، لو مثلا قعدت مهمومة على مشاكلي، و أموت نفسي عليها، مش هلاقي غير وجع الدماغ، و أفضل أقول الحياة صعبة، الحياة مش صعبة بس احنا الي مصعبينها، عمره ما حد كانت دنيته بمبي، مفيهاش مشاكل، و ثغرات، ساعات بنحس انو امتى نخلص من حياتنا دي، كلنا بنعاني من مشاكل كتير في حياتنا، خلونا نكون مرنين مع مشاكلنا و نحلها، لو فضلنا مهمومين على المشاكل مفيش حاجة هتقدم و لا تأخر، بس هنحس بوجع، أكيد كلنا هنحس بوجع بعد أي مشكلة، الشطارة و المرونة هي لما نقعد و نحل المشاكل دي، نكمل حياتنا عادي و نعيشها، و إننا نقعد مهمومين على المشاكل دي و الحل سهل قدامنا بس وقفنا حياتنا على الناس الي متستاهلش، ليه بنعمل كده، جوانا روح عايزة تعيش و بطريقتك دي بتقتليها شوية كده و هيتطبق عليكي حكم الإعدام، أنتي وردة و مش لازم تدبلي، الأحزان بتروح و مفيش حد مش بيتوجع، كلنا بنتوجع، و هنعدي صدقوني💛🍃
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مهما حصل أنتِ قوية، مهما حصل متخليش جروحك تسيطر عليكي، تخليكي تتعمقي في الحزن لدرجة إنك تنسي الفرح و السعادة، تكتشفي إنك مكنتيش عايشة حياتك بسبب الحزن ده، عادي لو حد سابك أكيد هيجي حد مكانه، يمكن مش نفس المعزة بس في يوم هتلاقي الشخص ده بقى عزيز عليكي أكتر من الي كان معاكي، مسألتيش نفسك ليه الشخص ده سابني، ليه مكنش قد المقام، أكيد هنزعل و نعمل شوية الدراما الحزينة بتاعتنا، بس هل ربنا عمره بيعملنا حاجة وحشة؟، أكيد في حكمة للموضوع ده، ممكن بعدك عنه يبقى خير، متكسريش نفسك على الي ميستاهلش، كوني قد نفسك، متجريش ورا حد، الي عايزك هيجيلك، متخليش كلام الناس يكون كل اهتمامك، من كسرك ده استمدي قوتك، لأن الأيام الي بتكسرك هي الي بتقويكي💚🕊
