كالأزهار المتفتحة

الإيجابية مطلوبة

الإيجابية مطلوبة في حياتكِ جميلتي، فإن أردتي تحقيق أحلامكِ البسيطة زينيها تفاؤل

في حياتنا دي أكيد عندنا أحلام بالهبل، ساعات بنقف في نص الطريق، الطريق الي بنرسمه سنين لأحلامنا، والسبب الإحباط والسلبية، بس تعرفوا انتوا الغلطانين لأنكم استسلمتوا للشعور ده و أعدمتوا الحاجة الي مستحيل تتخلى عنك، ده حلمكِ اوعي تستغني عن حلمك مهما حصل💙

الإيجابية هي عمود أمنياتنا، من غيرها أمنياتنا بتقع، مفيش حد يقدر يسند أمنياتكم وأحلامكم غيركم، ف متبقوش ضدها بإنكم تبقوا سلبين، السلبية للناس الي مستغنية عن أحلامها، متعودة إنها تبيعها، الناس الضعيفة، إنتي مش ضعيفة، إنتي أقوى واحدة ممكن أي حد شوفها، خليكي جامدة، أعز صاحبة لأحلامك البسيطة، أحلامك هي نجوم طموحاتك وتعبِك اوعي تستهيني بيها 🌟

ايه علاقة كل ده بالإيجابية، الإيجابية هي وقود الأحلام، من غير الإيجابية هتلاقي أحلامك هتقع وحدة ورا التانية، من غير أي تحفيز مش هيبقى في أي دافع إنك تكافحي، ممكن نيأس من التعب، بس تعب النجاح أحسن من ندم الفشل، عشان كده من كل وقعة فشل اقفي لأن دي بداية نجاح مخبيه القدر، أنا متأكدة إنكم قدها 💖

الإيجابية مطلوبة في كل زمان وكل مكان، حتى لو إنتي في الفضاء هتحتاجوا الإيجابية، من الإيجابية هتقدروا تعرفوا نفسكم أكتر، مع الإيجابية هتقدروا تطفوا الحرب الي جواكم والي سببها السلبية، مع الإيجابية هتقدروا تشوفوا الحياة من زاوية حلوة لدرجة إنكم هتحبوها، هتعودوا نفسكم على التفاؤل هتلاقوا أحلامكم اتحققت، ومع الوقت هتنشروا الإيجابية لحد ما تعدوا الكل بيها اهي عدوة حلوة، مهما حصل اوعي تخلي السلبية واليأس يتغلبوا عليها، معاكي جيش الإيجابية، لا يستهان به ومضمون ١٠٠%❤

مهما مريتوا من تجارب فاشلة في حياتكم متبنوش بناء عليها تجربة جديدة 😊

هقلكم موقف، أنا مثلا فشلت فشل معين، فشل عمري ما توقعته، اتضايقت طبعا لأنه تعبت، بس قررت ما ابنيش تجربتي الجاية عليها، حفزت نفسي لحد ما بقيت إيجابية، وقت التجربة التانية فعلا نجحت بسبب التفاؤل، متنسوش مقولة "تفائلوا بالخير تجدوه"💛

هقلكم كذا نصيحة :
1. لو انتوا في أيام دراسة أو امتحانات وبتعملوا منبهات في تلفوناتكم ممكن تبدلوا كلمة منبه/ alarm بجملة بسيطة إيجابية تحفزكم

2. افضلي قولي لنفسك كلام إيجابي
3. ابعدي عن أي مكان بيجيب طاقة سلبية، ناسه سلبين، ده هيأثر عليكي
4. اكتبوا طموحاتكم وأحلامكم
5. متخليش الفشل يسطر عليكي
6. من نحية الألوان البمبي والأصفر بيدوا طاقة إيجابية
7. اقرأوا كتب إيجابية، تجارب ناس، عن الإيجابية نفسها وكل أموركم تمام

الهدف كوني إيجابية فروحكِ تحتاج لقدر هائل من الطاقة حتى تصلح ما أفسدته الطاقة السلبية، قفي من جديد فمازال أمامكِ حياة تعيشيها، وراء كل فشل هو النجاح، ومع كل طاقة إيجابية تجدين حياة رائعة💕

عاملين ايه وحشتوني

ياريت أكون أفدتكم، الصراحة هيفرق معايا إذا أنا بفيدكم ولا لاء بأن هدفي هو إني أساعد الناس💙

حابين اي الموضوع الجاي عشان اشتغل عليه 💜

لوف يو 💚🕊

Fatima.W💙💎