كالأزهار المتفتحة

تقدري توصلي

و مهما كان اليأس قويًا إصراركِ للوصول أقوى منه بمراحل عدة

بتيجي علينا مرحلة نقف فيها، مرحلة بالنسبالنا خلصت فيها كل حاجة، كل أحلامنا وقفت، بسبب الفشل بنعتبر إن خلاص مفيش أي طريق تاني، أنا معاكم في الإحساس ده، بس لازم الواحد يجرب، حتى لو فشل مرة و اتنين و عشرة بس في الآخر هنوصل، لو مفيش فشل مكنش حد أتعلم من غلطه، عادي جدا لما الواحد يفشل، الفشل وقود العمل

أي حد ناجح لازم هيواجه تحديات كتيرة، صعبة، و مش سهلة أبدًا، بس الناجح هو الي هيقدر يعديها بسهولة، مش هنكر و أقول إنك لازم تعديها من أول مرة، عادي اقعي مرة، اتنين، عشرة، مليون، هتقدري تقفي تاني و توصلي للي انتي عايزاه، في يوما ما سنصبح ما نريد، في يوما ما ستلمع أحلامنا، أحلامك الي بترسم تستاهل إنك تحاربي عشانها، تتعبي عليها، تسهري عليها، اعملي أي حاجة عشان الحلم ده، مش الحلم ده حاجة بتحبيها، و ممكن تعملي أي حاجة عشان الحاجة دي، اعملي أي حاجة عشان حلمك الي هتفتخري بيه، متيأسيش لسا قدامك كتير تجربيه