عيووون النمر (مكتملة)

بارت ٥

ميثم..... دوامي صار واحد وعشرين
طول فترة التحاقي متصلت ع رقية
ولاهية هم
وابوية يوووومية مخابر
اخر شي كتلة لو ادخلت اطلكهة
لان مليييت
وهم مخابر بعد خلصت لان صدك ينرفزني من يخابر

اجة وكت نزولي وجهزنة ونطلع الفجر لان طريق طويل

وصلنة ورة الظهر بس ميتين تعب
وطبعا هذا اليوم محسوب من الاجازة يعني طاار يوم من السبع ايام

ابوية وجهة ثكيل علمود بت اخوو

وامي دكول يمة جيبهة صار هواي هناك
كتلهة ان شاء الله

صح هية غلطت بس اني هم احتاج مرة يمي
كلت انام واكعد واروح اجيبهة
نمت وكعدت المغرب

سبحت ومن طلعت ع اساس اطلع اجيبهة
بس فتحت الكناتير اطلع ملابس
اشو اشوف اكوا غراض ناقصة
معناهة جاية للبيت وراية
اني من طردتهة هية وامهة مااخذت شي

ميثم..... زززززينب صحت عليهة
زينب.... ها ها شكوو
ميثم..... منو لاعب بلغراض
زينب..... اجتي رقية اخذت ملابس وراحت
ميثم.... منو جابهة
زينب.... خوية امهة جابتهة
واخذوا غراض وراحوا
ميثم.... مااشي روحي
مااخذة هدوم وفلوس وذهبهة وياهة
هاا يعني تحسب لكلشي
بسيطة واني كلب اريد اروح ارجعهة
طلعت تخطط وامهة بكلشي تدخل
خابرت ع عمي
عمي اني بلبيت
اليوم نزلت
رقية خل ترجع للبيت
عمي.... بوية انت طاردهة غير تجي تاخذهة
ميثم..... لاعمي هية غلطت واني عاقبتهة ومابية حيل ارجعهة خل يجيبهة واحد من الولد
عمي.... ماشي بعد عمك هسة ادزهة

ورة نص ساعة دخلت

روحي سويلي اكل جوعان مماكل شي

رقية.... وشنو منتضرني اجي واسويلك اكل  مسوولك همة
ميثم..... ليش زوجت اني غير تخدميني
لو شنو

اني الج الة اعاقبج واربيج
اجتي جايبة العشا

اكلت وكمت هية شالت الصينية
محجيت شي ابد ولاهية حجت

بليل كعدت مكدرت انام

باوعتلهة بقيت صافن بيهة
هية جمالهة عادي صح بس تبقى زوجتي واحن الهة

اشو من كعدتهة كالت اووو وخر عفية
ميثم..... شنو
رقية..... مالي خلك عوفني انام
ميثم.... ماشي براحتج

كمت ورثت جكارة وبقيت اصفن
طلع الصبح واني منايم
كمت بدلت وطلعت
زرت وصليت وطلعت
سئلت ع دكتور حتة احلل
يجوز هية ضايجة علمود هلموضوع
هم مترهم
ابقى هيج اني وياهة هذا زواج

لازم يصير شي بيناتنة يكسر الحواجز الموجودة

صح متزوجنة عن حب بس لازم نحب بعض احنة هسة متزوجين

سئلت وكلولي يكعد العصر حجزت ورجعت

هية لكيتهة تفتر بلغرفة وعيونهة براسهة