عيووون النمر (مكتملة)

بارت ٦

ميثم..... رجعنة من الواجب ورحت سبحت وبدلت ونمت شوية

كعدت ع صوت هوسة الولد
انتوا مشوفوني نايم شنو ماعدكم احساس
كمت مو يمي ملتهين مطلعين لعبة ويباعون

ورة شوية كاعدين ونادوا علينة ع السريع بدلنة وطلعنة

واجب صار مفاجأ
وشنو الجديد واجباتنة مفاجأة دوم متغير شي
عادي

طلعنة جان وكت راح يصير ورة المغرب
توجهنة للمكان

وبقينى يومين يلة اجة امر نرجع
هنا مجان اكووا شبكة
واني اعرف محد راح يفقدني ابد

هه قابل عندي حبيبة زوجة تسئل علية

بلطريق والولد اصدقأئي الي تخابرة حبيبتة وتبجي والي تخابرة امة

وفرحانين سمعوا صوتة هو بخير
اني اباوع وابتسم

ورة شوية دك سجاد
سجاد.... هلة شلونك
ميثم..... تمام الحمد لله هسة راجع انت وين

سجاد..... بعد شوية يممكن اطلع واجب
ميثم.... ماشي

سجاد....... بلكت اشوفك قبل مااطللع

ميثم.... تمام ان شاء الله
سديتة منة
الي يسوق صاحبي تعب
حولت بمكانة

بعد ساعتين وصلنة
دك ابوية

ميثم..... الووو هايابة
ابو ميثم..... اكولك شنو شوكت تنزل

ميثم...... ليش خير شكو
ابووميثم.... غير ترجع البنية كدام العالم صار شكد  زعلانة

ميثم..... اني طردتهة مو زعلانة هية

ابو ميثم.... هاي بت عمك شلون تقبل الناس تحجي بيهة
شوفلك يوم وانزل
ميثم..... يابة عوفني ونزلة مراح انزل
ارتاح ابقى هنا اشرفلي من البيت
سديتة منة
طبيت سبحت وطلعت

قررت صدك ماانزل وفعلا منزلت حتة بلاجازة
سجاد مرة يبقة مرة لا
بقيت شهرين منزلت للبيت
امي تخابر تبجي
دكول اشتاقيتلك اني شنو ذنبي يمة
انحرم منك

ميثم..... يوم مالي خلك انزل وتعال ابوي يزن علية
يعني هية الي غلطانة غير تخابر تعتذر
دكول اسفة اعذرني
لو هم هية غلطانة واني اروح اعتذر

بقينة نسولف ووراهة سديتة

اظاهر هية تجيهم واني ماكوا
وامي حاجية وياهة
وذيج السان
صاير مرادد بينهن
امي طاردتهة نوب

هاي الحجي سجاد كلي علي جان بلبيت

اجة أمر ننقل المقر مالتنة للرمادي
والتهينة

يومين بلثالث رحنة للرمادي

بس نطلع واجبات لكل مكان
اذا احتاج الوضع
اذا ظروف موزينة نطلع

يعني ممستقرين بمكان

بقيت هم منزلت هلمرة
عاد امي لحت علية حيل كتلهة الاجازة الي تجي اجي هسة بعد متسوة