عيووون النمر (مكتملة)

بارت ٣

ميثم... بدلت ورحت للامر مااعرف شنو الي يريدة

طبيت اديت تحية
أمر سيدي ناديتني
الامر... اي ميثم رايدك تصير يمي
بلحماية
ميثم.... اي سيدي تأمر

الامر.... يلة من هسة تباشر جهز نفسك طالعين واجب بعد نص ساعة

ميثم.... ان شاء الله سيدي

اووف طلعت برة سحبت جكارة

معناهة الخطر اكبر ان شاء الله خير يارب

جهزنة نفسنا وطلعنا ع الحدود

ثاني يوم  كملنة واجب منكدر نكول وين دوامنة خطر وشغلنة حساس
فمنحجي حتة لاهلنة ع طبيعة العمل مالتنة

حتة منكول وين رايحين وشوكت نرجع ابد
هاي اوامر عدنة

طلعنة من الواجب وراجعين لمركز تدريب عندة زيارة الامر ومناك نزلنا للبيت
واحنة رجعنة للمقر
جانت اكوا واجبات بس داخل المقر تصير طلعت بليل لزمت واجب وحدي خابرت ع سجاد
لكيت جهازة مغلق

يجوز واجب طالع
بقيت افتر منا اروح هنا اريد الوقت يمر ماكوا
ثكيل حيل ميمشي ومن ماعندي واجب مااحس علي للوقت
خلص الواجب واخيرا سلمت
للولد الي وراية
ورحت لللفراش مصدكت احط راسي وانام

تعب شغلنة تعب حيل
محسيت الة ع سجاد يتصل بية
كلي جنت طالع واجب

حجينة شوية ونوب كمت غسلت اتصل الامر لازم اروح اخذة

طلعت وياية ثنين توجهنة لبيتة
واحنة بلطريق
صار رمي بتجاهنة منعرف منين
موكفنة ابد بقى الرمي اخر شي وكعت رصاصة ع السيارة بس محد تأذة

من وصلنة لبيت الامر
حجينالة ع الي صار وسئل ع الطريق طلعتنة خطرة
منكدر ناخذة
الامر... لا شلون لازم نروح
ميثم... سيدي خطر منكدر

الامر.... لا نطلع اتصل على الضباط واطاهم امر يطلعون لنفس الطريق خو مانعوفهم براحتهم لازم نهجم ع مكان تواجدهم

بس همة ميبقون بمكان واحد من هجموا بهذا المكان خلص تغير مكانهم رحنا ومشطنة المكان ماكوا احد ولالكينة اثر

رجعنة للمقر بس الامر انطا امر يحطون سيطرة بنفس الطريق ميبقى هيج

وبنفس اللحظة بدت توكف سيطرة 
شوية سيطرنة ع الوضع

بس مع الاسف مرة من المرات هجموا ع الموجودين هناك واستشهدوا الي بلسيطرة

هم طلعنة بس ماكوا نتيجة همة يجوون يأدون عملية ويرحون

وراهة هدء الوضع ماكوا شي جديد
نفس الواجبات واذا اكوا شي ع الحدود تجينة اخبارية ع ارهابيين راح يدخلون نروح نسوي كمين

لو نلزمهم لو ماكوا اصلا ونرجع
بس شنو من نطلع ماكوا اي اتصالات ننكطع على العالم كلة وممنوع احد يعرف لان احتمال نخسر ارواحنا بيهة